اوقات کی تبدیلی کے باعث موسمیاتی تبدیلی اجلاس میں شریک نہ ہو سکے، شرجیل میمن کی وضاحت
اشاعت کی تاریخ: 8th, October 2025 GMT
کراچی:
وفاقی وزیر برائے منصوبہ بندی،ترقی و خصوصی اقدامات کی زیر صدارت اسلام آباد میں زراعت،موسمیاتی تبدیلی اور سیلابی ہنگامی حالات سے متعلق وفاقی کابینہ کمیٹی کے حالیہ اجلاس کے بارے میں سندھ کے سینئر وزیر شرجیل انعام میمن نے وضاحت جاری کردی ہے۔
سینئر وزیر شرجیل انعام میمن نے بتایاکہ اجلاس سے متعلق معلومات اور اوقات کارکی بار بار تبدیلی کے باعث صوبہ سندھ کے نمائندے اجلاس میں شریک نہیں ہو سکے۔
انھوں نے کہاکہ وزارتِ منصوبہ بندی اسلام آبادکی جانب سے 1 اکتوبر 2025 کوابتدائی نوٹس جاری کیاگیا،جس میں اجلاس 3 اکتوبرکوصبح 10 بجے بلانے کااعلان کیاگیا تھا، اگلے دن 2 اکتوبر کو ایک اور مراسلے کے ذریعے اجلاس کا وقت تبدیل کرکے شام 5 بجے کر دیا گیا۔
تاہم کوئی بھی مراسلہ حکومتِ سندھ کو نہ تو ڈاک کے ذریعے موصول ہوا نہ ہی واٹس ایپ پر باضابطہ طور پر ارسال کیا گیا۔
پیر 6 اکتوبر 2025 کو صبح سوا11 بجے نیا نوٹس موصول ہوا،جس میں بتایاگیا کہ اجلاس اسی دن دوپہر3 بجے منعقد ہوگا۔
چونکہ سندھ کابینہ کا اجلاس پہلے ہی دوپہر 2 بجے طے تھا، اس لیے صوبے نے آگاہ کیاکہ وزرامصروفیت کے باعث شرکت نہیں کر سکیں گے،اس پورے سلسلے سے یہ بات واضح ہوتی ہے کہ صوبائی نمائندوں کی غیر حاضری کسی بے توجہی یا غیر سنجیدگی کانتیجہ نہیں تھی۔
.ذریعہ: Express News
پڑھیں:
شاہی خاندان سے تعلق رکھنے والے قطر کےسابق وزیر ماحولیات و موسمیاتی تبدیلی شیخ الفالح بن ناصر کی جانب سے وفاقی وزیر انجینئر امیر مقام کے اعزاز میں عشائیہ۔
دوحہ(نیوز ڈیسک) وفاقی وزیر برائے امورِ کشمیر، گلگت بلتستان، اور سیفران انجینئر امیر مقام کے اعزاز میں شاہی خاندان سے تعلق رکھنے والےقطر کےسابق وزیر ماحولیات و موسمیاتی تبدیلی شیخ الفالح بن ناصر کی جانب سے دوحہ میں ایک شاندار عشائیہ دیا گیا۔
انجینئر امیر مقام نے میزبانی پر انکا شکریہ ادا کیا اور پاکستان و قطر کے دیرینہ اور برادرانہ تعلقات کی باہمی ترقی کے عزم کا اعادہ کیا۔
انہوں نے توانائی، انفراسٹرکچر، سیاحت اور افرادی قوت کی ترقی جیسے شعبوں میں تعاون کی بے پناہ صلاحیت کو اجاگر کیا۔
انہوں نے کہا: “پاکستان کے عوام قطر کی قیادت اور عوام کا دل سے احترام کرتے ہیں۔ ہمارے تعلقات مشترکہ اقدار، ایمان اور باہمی ترقی کے عزم پر مبنی ہیں۔”
قطر کے سابق وزیر نے قطر کی ترقی میں پاکستانی کمیونٹی کے کردار کو سراہا اور خطے میں امن، معاشی تعاون اور انسانی ترقی کو فروغ دینے والی کوششوں کے لیے شاہی خاندان کی مستقل حمایت کا اعادہ کیا۔
انہوں نے قطر میں اسرائیلی حملے کے بعد پاکستان کے فوری سخت ردعمل کی تعریف کی.
انہوں نے بھارت کے ساتھ حالیہ جنگ میں پاکستان کی کامیابی کو بھی سراہا۔
انہوں نے وزیر اعظم شہباز شریف اور فیلڈ مارشل عاصم منیر کی عظیم قیادت اور جنگ کے دوران فیصلہ کن جواب دینے پر ان کی تعریف کی۔
انہوں نے کہا کہ پاکستان کی جنگ میں فتح نے تمام امت مسلمہ کو سربلند کر دیا۔
’مریخ پر جینا اور مرنا چاہتا ہوں‘، ایلون مسک مسک کی خواہش