’مریخ پر جینا اور مرنا چاہتا ہوں‘، ایلون مسک مسک کی خواہش
اشاعت کی تاریخ: 2nd, October 2025 GMT
اسپیس ایکس کے بانی اور ٹیسلا کے سربراہ ایلون مسک نے ایک بار پھر اپنے دیرینہ خواب کا اظہار کرتے ہوئے کہا ہے کہ وہ مریخ پر جینا اور مرنا چاہتے ہیں۔
ایلون مسک نے یہ بات اپنی سوشل میڈیا ایپ ’ایکس‘ پر ایک صارف کے پیغام کے جواب میں کہی۔
یہ بھی پڑھیں: دولت کمانے کی دوڑ، ایلون مسک نے نیا ریکارڈ اپنے نام کرلیا
صارف نے سابق امریکی صدر تھیوڈور روزویلٹ کا ایک قول شیئر کیا تھا جس میں امریکی پرچم، انگریزی زبان اور امریکی قوم سے وفاداری پر زور دیا گیا تھا۔
I hold one passport now & forever:
America.
I will live & die here.
Or Mars (part of America).
— Elon Musk (@elonmusk) October 1, 2025
ایلون مسک نے جواب میں لکھا کہ میرے پاس صرف ایک پاسپورٹ ہے اور ہمیشہ امریکا ہی میرا وطن رہے گا۔ میں یہیں جیوں گا اور یہیں مروں گا، یا پھر مریخ پر جو امریکا ہی کا حصہ ہوگا۔
مسک کے اس بیان پر صارفین نے مختلف رائے کا اظہار کیا۔ کچھ نے ان کے عزم کو سراہا، جبکہ بعض نے سوال اٹھایا کہ اگر مریخ کو خود کفیل ہونا ہے تو کیا وہ امریکا سے آزاد نہیں ہونا چاہیے؟
یہ بھی پڑھیں: ’۔۔۔ ہم ہیں تیار چلو‘، ناسا نے چاند پر گاؤں اور مریخ پر قدم جمانے کا وقت بتادیا
یاد رہے کہ اسپیس ایکس مریخ پر بسانے کے منصوبے کے تحت پہلے بغیر انسان کے مشن کی تیاریوں میں مصروف ہے، جس کے بعد وہاں انسانی آبادکاری کی راہ ہموار کی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسپیس ایکس امریکہ ایلون مسک ٹیسلا جینا مرنا مریخ ناساذریعہ: WE News
کلیدی لفظ: اسپیس ایکس امریکہ ایلون مسک ٹیسلا ایلون مسک نے
پڑھیں:
وزیر قانون سے امریکی ناظم الامور کی ملاقات، دو طرفہ تعاون بڑھانے پر زور
وفاقی وزیر قانون اعظم نذیر تارڑ(فائل فوٹو)۔وفاقی وزیر قانون اعظم نذیر تارڑ سے امریکی ناظم الامور نیٹلی بیکر نے اسلام آباد میں ملاقات کی۔
اس موقع پر دونوں ممالک کے درمیان تعاون مزید بڑھانے پر زور دیا گیا۔ ملاقات میں پاک امریکا تعلقات خطے کے استحکام کے لیے اہم قرار دیا گیا۔
اعلامیہ کے مطابق فریقین نے عوامی سطح پر روابط کو فروغ دینے پر بھی اتفاق کیا اور کہا گیا کہ پاکستان، امریکا تعلقات باہمی احترام اور تعاون پر استوار ہیں۔
اعلامیہ کے مطابق ملاقات میں دوطرفہ تعلقات میں مثبت پیشرفت کا اعتراف کیا گیا۔ وزیرِاعظم کے حالیہ دورہ واشنگٹن سے دوطرفہ سیاسی تعلقات کو فروغ ملا۔
وزیر قانون نے کہا کہ پاکستان سیاسی، معاشی اور سماجی شعبوں میں تعاون کا خواہاں ہے۔ امریکا نے پاکستان کے ساتھ تعاون جاری رکھنے کا اعادہ کیا۔
اب چیٹ جی پی ٹی صارفین کے سوتے وقت بھی کام کرے گا