پنجاب اور سندھ کے ترجمانوں میں تکرار،وفاق کیخلاف سازش کے الزامات
اشاعت کی تاریخ: 6th, October 2025 GMT
پنجاب میں بلدیاتی انتخابات کراچی جیسے جعلی نہیں ہوں گے،بلاول نے بطور وزیر خارجہ وزیراعظم کی جڑیں کھوکھلی کیں،پریس کانفرنس میںعظمی بخاری نے شرجیل میمن کا چیلنج قبول کرلیا
پنجاب حکومت ہماری آڑ میں وزیراعظم کو نشانہ بنا رہی ہے،پیپلزپارٹی کا پنجاب میں بلدیاتی انتخابات کروانے کامطالبہ ،میرا پانی میری مرضی،میرا پیسہ مرضی یہ کونسی باتیں ہیں،شرجیل میمن
پنجاب کی وزیر اعلیٰ مریم نواز کے ’انگلی توڑنے‘ والے بیان کے بعد سے سندھ اور پنجاب کے وزرا کے درمیان سخت الفاظ کا تبادلہ جاری ہے۔ آج شرجیل انعام میمن نے الزام عائد کیا کہ پنجاب حکومت ان کی جماعت کی آڑ لے کر وفاقی حکومت کو ’نشانہ‘ بنا رہی ہے۔ عظمیٰ بخاری نے اس الزام کی تردید کرتے ہوئے دعویٰ کیا کہ سندھ کے وزیر ’وفاق اور پنجاب کے خلاف سازش کر رہے ہیں۔
سندھ کے سینئرصوبائی وزیرشرجیل میمن نے پریس کانفرنس کے جواب میںوزیر اطلاعات پنجاب عظمی بخاری نے سخت ردعمل کا اظہار کیا ہے انہوں نے کہا ہے کہ پنجاب میں جب بھی بلدیاتی انتخابات ہونگے وہ کراچی جیسے بوگس نہیں ہونگے،اس لیے آپ اپنی ڈیڈ لائن اپنی جیب میں رکھیں۔عظمی بخاری نے شرجیل میمن کا بحث کا چیلنج قبول کرلیا،کہا کہ جگہ اور ٹائم آپکی پسند کا،لیکن آپ خود آئیے گا ضرور کسی پراکسی کے پیچھے مت چھپیے گا۔وزیر اطلاعات پنجاب عظمی بخاری نے شرجیل میمن کومخاطب کرتے ہوئے کہا کہ اگر آپ مریم نوازکی مقبولیت سے خوفزدہ نہ ہوتے تو آج چھٹی کے روز بھی پریس کانفرنس کی ضرورت نہ ہوتی۔وزیر اطلاعات پنجاب نے کہا پنجاب کے سیلاب متاثرین پر گندی سیاست کا آپکا بیانیہ ناکام ہوگیا ہے،آپکوپنجاب کے سیلاب متاثرین پرسیاست کرنے کے لئے وزیراعظم نے کہا تھا؟بلاول نے بطور وزیر خارجہ اپنی جماعت،وفاقی حکومت اور وزیراعظم کی جڑیں کھوکھلی کیں،جن کے اپنے گھر میں باپ بیٹے کی نہیں بنتی وہ ہمارے گھرمیں طعنے زئی کرکے اپنے گناہوں پرپردہ ڈالنا چاہتے ہیں۔جب آپ پنجاب کی ترقی سے جلنے لگتے ہیں تب آپ سازشیں شروع کردیتے ہیں،جب آپ سے آپکی کارکردگی پوچھی جاتی ہے تو صوبائیت کارڈ کھیلنا شروع کر دیتے ہیں، انہوں نے کہا میرا پانی میری مرضی بالکل ایسی ہی ہے جیسے مرسو مرسو پانی نہ دیسو،آپ دن رات پانی پرمرسو مرسوکریں اور ہمیں کہیں پنجاب میں پانی آپکی مرضی سیاستعمال ہو،توایسا ہوگا نہیں،وڈیرہ ازم اورغریب ہاریوں کے بچوں کو پڑھنے نہ دینا الیکشن میں پذیرائی نہیں ہوتی۔
ذریعہ
ذریعہ: Juraat
کلیدی لفظ: شرجیل میمن پنجاب کے نے کہا
پڑھیں:
پنکی ڈرگ والی پر ڈرامہ بنانےکا اعلان کیا گیا، اس موضوع پر فلم بننی چاہیے تھی، عظمیٰ بخاری
لاہور(ڈیلی پاکستان آن لائن)وزیراطلاعات پنجاب عظمٰی بخاری نے کہا ہےکہ پنکی ڈرگ والی پر ڈرامہ بنانے کا اعلان کیا گیا ہے، اس موضوع پر فلم بننی چاہیے تھی۔لاہور میں معروف ہدایت کارہ سنگیتا کی نئی فلم کی افتتاحی تقریب سے خطاب کرتے ہوئے عظمٰی بخاری نے کہا کہ وزیراعلیٰ مریم نواز سنیما انڈسٹری کی بہتری کے لیے کام کر رہی ہیں، نوجوان نسل کو ٹچ اسکرین سے نکال کر سنیما کی طرف لائیں گے۔
عظمیٰ بخاری کا کہنا تھا کہ ہم اچھے ڈرامے بنالیتےہیں تو اچھی فلم کیوں نہیں بناسکتے، اچھے ڈراموں کے ساتھ اچھی فلمیں بھی بنانا ہوں گی، نوجوان ہدایت کار فلمی دنیا میں نئی سوچ لے کر آئیں، ڈیجیٹل پلیٹ فارمز نے فلمی دنیا کو نئی سمت دی ہے، فلم کسی مخصوص طبقے کے لیے نہیں ہونی چاہیے، اچھے موضوعات پر معیاری فلمیں بناناہوں گی۔
پاکستان کی پرائیویٹ حج سکیم کے 3 منظمین کی پہلی،دوسری اور تیسری پوزیشن حاصل کرنے کی خوشی میں مکہ مکرمہ میں اظہار تشکر کی تقریب
ان کا کہنا تھا کہ پنکی ڈرگ والی پر ڈرامہ بنانے کا اعلان کیا گیا ہے، اس موضوع پر فلم بننی چاہیے تھی، فلموں کے ذریعے ملک کا مثبت تشخص اجاگر کیا جاسکتا ہے، فلم سٹی منصوبے میں تمام جدید سہولیات فراہم کریں گے، جو نوجوان فلم اور ڈرامہ پڑھ کر آرہے ہیں انہیں بھی موقع ملےگا۔
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ