ایشین کپ فٹبال کوالیفائر، سرحدی تنازع کے بعد پاکستان اور افغانستان آج مدمقابل
اشاعت کی تاریخ: 14th, October 2025 GMT
اے ایف سی ایشین کپ فٹبال ٹورنامنٹ 2026 کے کوالیفائر کے گروپ ای کے اہم میچ آج پاکستان اور افغانستان مدمقابل آئیں گے۔
تفصیلات کے م مطابق میچ پاکستانی وقت کے مطابق رات آٹھ بجے کویت میں کھیلا جائے گا۔
دونوں ممالک کے درمیان سرحدوں پر پیدا شدہ صورتحال کے باعث یہ مقابلہ اہمیت اختیار کر گیا ہے۔
پاکستان فٹبال فیڈریشن کے ذرائع کا کہنا ہے کہ میچ کے حوالے سے تمام انتظامات مکمل ہیں، انجری کا شکار ہونے والے ایک پاکستانی فٹبالر بھی مکمل طور پر صحت یاب ہو چکے ہیں۔
ذرائع کا کہنا ہے کہ کسی بھی ناخوشگوار صورتحال سے نمٹنے کے لیے مقامی انتظامیہ سیکیورٹی کے بہترین انتظامات کررہی ہے۔
United as one.
Pakistan takes the field tonight — 8 PM PKT
Let’s make our flag fly high! ???????? pic.twitter.com/fTkCZEWbT4 — Pakistan Football Federation (@TheRealPFF) October 14, 2025
دوسری جانب باخبر ذرائع کے مطابق میچ کے براہ راست ٹیلی کاسٹ کرنے کا معاملہ ہنوز ہوا میں ہے، تاہم اس حوالے سے مثبت توقعات ہیں۔
قبل ازیں اسلام آباد میں منعقدہ ہوم میچ میں پاکستان اور افغانستان کے درمیان دلچسپ مقابلہ بغیر گول کے برابر رہا تھا اور دونوں ٹیموں نے ایک ایک پوائنٹ حاصل کیا تھا۔
اس سے پہلے شام نے پاکستان کو دو اور میانمار نے ایک گول سے شکست دی تھی۔
شام اپنے تینوں گروپ میچز جیت کر نو پوائنٹس کے ساتھ سرفہرست ہے، میانمار کے چھ، افغانستان اور پاکستان کا ایک ایک پوائنٹ ہے لیکن گول کے لحاظ سے پاکستان افغانستان کے بعد چوتھی اور آخری پوزیشن پر براجمان ہے۔
پاکستان اپنے اوے میچز میں افغانستان، شام اور میانمار سے مقابلہ کرے گا۔
قوی امکان ہے کہ شام سعودی عرب میں ہونے والے فائنل راؤنڈ میں جگہ بنانے میں کامیاب ہو جائے گا۔
واضح رہے کہ پاکستان فٹبال فیڈریشن کی خصوصی کاوشوں اور حکومت پاکستان خاص طور پر وفاقی وزیر داخلہ محسن نقوی کی ذاتی دلچسپی کے سبب ویزے جاری ہونے کے بعد افغان فٹبال ٹیم آخری لمحات میں اسلام آباد پہنچی تھی۔
ذریعہ
ذریعہ: Express News
پڑھیں:
اڈیالہ جیل، بانی پی ٹی آئی اور بشریٰ بی بی کی 40 منٹ طویل ملاقات
راولپنڈی: اڈیالہ جیل میں بانی پاکستان تحریک انصاف (پی ٹی آئی) اور ان کی اہلیہ بشریٰ بی بی(bushra bibi) کے درمیان ہفتہ وار ملاقات کرائی گئی، جو تقریباً 40 منٹ تک جاری رہی۔
جیل ذرائع کے مطابق ملاقات جیل کے کانفرنس روم میں ہوئی جہاں دونوں نے ایک دوسرے کی خیریت دریافت کی اور مختلف امور پر تبادلہ خیال کیا۔ ملاقات جیل حکام کی نگرانی میں مقررہ ضابطوں کے مطابق کرائی گئی۔
دوسری جانب ملاقات کے دن کے باوجود بانی پی ٹی آئی سے کسی وکیل یا خاندان کے دیگر افراد کی ملاقات نہ ہو سکی۔ جیل ذرائع کے مطابق معمول کی ملاقاتوں کے حوالے سے سیکیورٹی اور انتظامی اقدامات برقرار رہے۔
ادھر وزیراعلیٰ خیبر پختونخوا سہیل آفریدی کی جانب سے نامزد نمائندے اور صوبائی حکومت کے بعض عہدیدار بھی اظہارِ یکجہتی کے لیے اڈیالہ جیل پہنچے، تاہم انہیں بھی بانی پی ٹی آئی سے ملاقات کی اجازت نہ مل سکی۔
مزید پڑھیں:فورسز کی بلوچستان کے مختلف علاقوں میں کارروائیاں، 17 دہشتگرد ہلاک، آئی ایس پی آر
اسی دوران بانی پی ٹی آئی کی بہنیں علیمہ خان، نورین نیازی اور عظمیٰ خان بھی اڈیالہ جیل پہنچیں، تاہم پولیس نے انہیں فیکٹری ناکے سے آگے جانے کی اجازت نہیں دی۔ ذرائع کے مطابق سیکیورٹی وجوہات کی بنا پر انہیں جیل تک رسائی نہیں دی گئی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ