ویمنز ورلڈکپ: دفاعی چیمپئن آسٹریلیا پاکستان کے خلاف مشکلات کا شکار
اشاعت کی تاریخ: 8th, October 2025 GMT
آئی سی سی ویمنز ورلڈکپ کے نویں میچ میں دفاعی چیمپئن آسٹریلیا پاکستان کے خلاف ابتداء میں مشکلات کا شکار ہوگئی۔
تفصیلات کے مطابق کولمبو کے پریماداسا اسٹیڈیم میں پاکستان نے ٹاس جیت کر آسٹریلیا کو پہلے بیٹنگ کرنے کی دعوت دی تو آسٹریلوی اوپنرز نے 30 رنز کا آغاز فراہم کیا۔
تاہم ساتویں اوور میں کپتان ایلیسا ہیلی 20 رنز بناکر آؤت ہوئیں تو تین گیندوں بعد ہی ساتھی اوپنر لچفیلڈ بھی مجموعی اسکور میں بغیر کسی اضافے کے 10 رنز پر پویلین لوٹ گئیں۔
آسٹریلوی ٹیم کی وکٹیں گرنے کا سلسلہ جاری رہا اور صرف 60 رنز پر آدھی ٹیم پویلین واپس لوٹ گئی۔
ایلیس پیری پانچ، اینابیل سدرلینڈ اور ایشلے گارڈنر ایک ایک رن بناکر آؤٹ ہوئیں۔
پاکستان کی جانب سے نشرہ سندھو نے دو جبکہ فاطمہ ثناء، سعدیہ اقبال اور رامین شمیم نے ایک ایک وکٹ حاصل کی۔
.ذریعہ: Express News
پڑھیں:
ویمنز ورلڈ کپ: جنوبی افریقی اوپننگ بیٹر نے اہم ریکارڈ اپنے نام کرلیا
جنوبی افریقہ کی اوپننگ بیٹر تزمن بریٹس نے ویمنز ورلڈ کپ 2025 میں شاندار کارکردگی کا مظاہرہ کرتے ہوئے نیوزی لینڈ کے خلاف سینچری اسکور کی۔
یہ بھی پڑھیں: بھارتی ہٹ دھرمی برقرار: ویمنز ورلڈ کپ کے میچ میں بھی بھارتی کپتان کا پاکستانی کپتان سے ہاتھ ملانے سے گریز
تزمن بریٹس نے 86 گیندوں پر 15 چوکے اور ایک چھکا لگایا۔ یہ سال 2025 میں ان کی پانچویں ون ڈے سینچری ہے، جو خواتین کرکٹ کی تاریخ میں ایک کیلنڈر ایئر میں سب سے زیادہ سینچریوں کا نیا عالمی ریکارڈ ہے۔
اس سے قبل بھارتی اوپنر سمرتی مندھانا نے یہ ریکارڈ اپنے نام کیا تھا، جنہوں نے 2024 اور 2025 میں 4،4 سینچریاں اسکور کی تھیں۔
نیوزی لینڈ کے خلاف اس اننگز کے بعد تزمن بریٹس مجموعی طور پر 41 اننگز میں 7 سینچریاں مکمل کر چکی ہیں۔ وہ سب سے کم اننگز میں 7 سنچریاں مکمل کرنے والی تیز ترین کرکٹر بن گئی ہیں، اس سے پہلے یہ اعزاز آسٹریلیا کی میگ لیننگ کے پاس تھا جنہوں نے 44 اننگز میں یہ سنگِ میل عبور کیا تھا۔
اس فہرست میں انگلینڈ کی ٹیمی بومونٹ (62 اننگز) اور نیوزی لینڈ کی سوزی بیٹس (81 اننگز) بالترتیب دوسرے اور تیسرے نمبر پر ہیں۔ تزمن بریٹس نے اپنی سینچری مکمل ہونے پر روایتی ’تیر و کمان‘ کے انداز میں جشن منایا۔
یہ بھی پڑھیں: بھارت کے خلاف ورلڈ کپ میچ: ضابطہ اخلاق کی خلاف ورزی پر سدرا امین کی سرزنش
میچ میں جنوبی افریقہ کی ٹیم نے نیوزی لینڈ کو 231 رنز پر آؤٹ کر کے 6 وکٹوں سے کامیابی حاصل کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اہم اعزاز اوپننگ بیٹر جنوبی افریقہ وی نیوز ویمنز ورلڈ کپ
کراچی، کیماڑی میں فائرنگ سے مرد و خاتون جاں بحق، غیرت کے نام پر قتل کا شبہ