اتحادِ اہلسنت صرف ایک نعرہ نہیں بلکہ وقت کا تقاضا اور بقاء ملت کی ضمانت ہے، ثروت اعجاز قادری
اشاعت کی تاریخ: 22nd, November 2025 GMT
تاجدار ختم نبوت و دفاع صحابہ و محبت اہلبیتؑ کانفرنس سے خطاب میں چیئرمین پی ایس ٹی نے اداروں سے مطالبہ کیا کہ وہ مقدساتِ اسلام کے خلاف سرگرمیوں میں ملوث عناصر کے خلاف فوری اور سخت کارروائی کریں، ورنہ عوامی غم و غصے کے سامنے کوئی رکاوٹ کھڑی نہ رہ سکے گی۔ اسلام ٹائمز۔ تاجدارِ ختمِ نبوت و دفاعِ صحابہ و محبتِ اہلبیتؑ کانفرنس سے خطاب کرتے ہوئے پاکستان سنی تحریک کے چیئرمین انجینئر محمد ثروت اعجاز قادری نے کہا ہے کہ اسلام مخالف سرگرمیوں، عقائد پر حملوں اور دہشت گردانہ ذہنیت کی پشت پناہی کرنے والے عناصر کو لگام ڈالنا وقت کی سب سے بڑی ضرورت ہے۔ تاجدار ختم نبوت و دفاع صحابہ و محبت اہلبیتؑ کانفرنس میں پیر طریقت مفتی اعظم سندھ محمد جان نعیمی، مفتی اسد علی سکندری، حافظ حاجی محمد سمون، مفتی غلام نبی سمون قادری، مرکزی کوآرڈینیٹر پاکستان سنی تحریک طیب حسین قادری اور دیگر اکابرین اہلسنت نے شرکت کی۔
ثروت اعجاز قادری نے اپنے خطاب میں کہا کہ دشمنانِ اسلام منظم منصوبہ بندی کے تحت امت کے ایمان، نظریات اور مقدسات کو نشانہ بنا رہے ہیں، مگر افسوس کہ متعلقہ ادارے اپنی ذمہ داریوں کو پورا کرنے میں سنگین غفلت کا مظاہرہ کر رہے ہیں، اتحادِ اہلسنت صرف ایک نعرہ نہیں بلکہ وقت کا تقاضا اور بقاِ ملت کی ضمانت ہے، اگر اہلسنت ایک قوت بن کر صف آرا نہ ہوئے تو اسلام دشمن عناصر اپنے ناپاک مقاصد میں کامیاب ہونے کی کوششیں تیز کر دیں گے۔
ثروت اعجاز قادری نے واضح کیا کہ ختمِ نبوت ﷺ کا تحفظ، صحابہ کرام کی عظمت اور اہلِ بیت اطہارؑ سے وفاداری ہمارے ایمان کی بنیاد ہے اور ان مقدسات کے خلاف سازش یا ہرزہ سرائی ہرگز برداشت نہیں کی جائے گی، جو عناصر گستاخی، انتشار اور مذہبی منافرت کو ہوا دے رہے ہیں وہ ملکی سلامتی کے دشمن اور امن کے قاتل ہیں، ملک میں بڑھتی ہوئی اسلام مخالف سرگرمیاں اداروں اور حکومت کے لیے لمح فکریہ ہیں، ایسے عناصر کو روکا نہ گیا تو معاشرے میں نفرت، شدت پسندی اور بے چینی کو مزید ہوا ملے گی۔
ذریعہ: Islam Times
کلیدی لفظ: ثروت اعجاز قادری
پڑھیں:
نیک اعمال بڑی دولت ‘ حفاظت بہت ضروری ہے ،مفتی اکرام اللہ
data-id="863a0a8" data-element_type="widget" data-widget_type="theme-post-content.default">
کراچی (مانیٹرنگ ڈیسک)اتحاد المدارس الاسلامیہ کے ناظم الامتحانات مفتی اکرام اللہ واحدی نے جمعہ کے اجتماع سے خطاب کرتے ہوئے کہا کہ انسان کے لئے سب سے بڑی دولت اس کے نیک اعمال ہیں، اور ان اعمال کی حفاظت کرنا آج کے دور میں پہلے سے کہیں زیادہ ضروری ہو چکا ہے۔ انہوں نے کہا کہ پاکستان کے موجودہ حالات میں نوجوان مختلف فتنوں، لغویات اور گمراہ کن نظریات کا نشانہ بن رہے ہیں، ایسے میں عبادت، کردار اور اخلاق کی مضبوطی ہی انہیں محفوظ رکھ سکتی ہے۔مفتی اکرام اللہ واحدی نے کہا کہ نیک عمل صرف انجام دینا کافی نہیں، بلکہ اسے ریا، دکھاوے، غفلت اور گناہوں سے بچا کر رکھنا اصل کامیابی ہے۔ انہوں نے نوجوانوں کو نصیحت کی کہ سوشل میڈیا کے بے ہنگم استعمال، وقت کے ضیاع اور منفی سرگرمیوں سے دور رہیں، اپنی توانائی تعلیم، خدمت خلق، نماز اور والدین کی اطاعت میں لگائیں۔ یہی وہ اعمال ہیں جو فرد کی تعمیر بھی کرتے ہیں اور قوم کی مضبوطی کا سبب بھی بنتے ہیں۔انہوں نے اس بات پر زور دیا کہ آج کے چیلنجز کا حل دولت یا طاقت نہیں بلکہ اخلاقی استقامت، دیانت داری اور اعمال صالحہ ہیں۔ اگر نوجوان اپنے کردار کو سنوار لیں تو ملک کا مستقبل خود بخود روشن ہو جائے گا۔
کراچی، شرجیل میمن کا خواتین کیلئے پنک بس سروس کا نیا روٹ فعال کرنے کا اعلان