علیحدہ صوبہ بقاء کیلئے ضروری، سیاسی نعرہ سمجھنا غلطی ہوگی، آفاق احمد
اشاعت کی تاریخ: 20th, November 2025 GMT
اجلاس سے خطاب کرتے ہوئے چیئرمین ایم کیو ایم حقیقی نے کہا کہ نئے صوبے کے قیام سے پاکستان کا معاشی حب ترقی کریگا جو خوشحال اور مضبوط پاکستان کیلئے ضروری ہے، سندھ کی تقسیم کی لکیر ذوالفقار علی بھٹو نے کھینچی تھی ہم تو اسے عملی جامہ پہنانا چاہتے ہیں۔ اسلام ٹائمز۔ سندھ کے شہری علاقوں پر مشتمل علیحدہ صوبے کا قیام مہاجروں کی بقاء کیلئے ضروری ہے۔ یہ بات چیئرمین آفاق احمد نے مرکزی اور ضلعی کمیٹیوں کے مشترکہ اجلاس سے خطاب کرتے ہوئے کہی۔ انہوں نے کہا کہ حکمراں اسے سیاسی نعرہ سمجھنے کی غلطی نہ کریں۔ آفاق احمد نے کہا کہ صوبے کی تقسیم کی بات پر چراغ پا وزیر کو ملک توڑنے کے نعرے سنائی نہیں دیتے، انہیں انکے صوبے میں ملک کے خلاف نعرے لگانے اور ملک توڑنے کی بات کرنے والوں کے خلاف سخت اقدامات کرنے ہونگے، صوبے کی تقسیم اور شہری علاقوں پر مشتمل نئے صوبے کا قیام پیپلز پارٹی کی کرپشن سے ملک کو بچانے کیلئے ضروری ہے۔
آفاق احمد نے کہا کہ نئے صوبے کے قیام سے پاکستان کا معاشی حب ترقی کریگا جو خوشحال اور مضبوط پاکستان کیلئے ضروری ہے۔ آفاق احمد نے کہا کہ سندھ کی تقسیم کی لکیر ذوالفقار علی بھٹو نے کھینچی تھی ہم تو اسے عملی جامہ پہنانا چاہتے ہیں۔ آفاق احمد نے کہا کہ پیپلز پارٹی کی ذمہ داری ہے کہ وہ آنے والے مہینے میں اجرک ڈے کے نام پر علیحدگی پسندوں کا کلہاڑی والے جھنڈوں کے ساتھ کراچی پر یلغار اور ملک دشمن نعروں کو روکنے کیلئے مؤثر اقدامات کرے، اگر ملک کے خلاف نعروں سے شہریوں میں اشتعال پھیلا تو اس کی ذمہ دار سندھ کی حکمراں جماعت پیپلز پارٹی ہوگی۔
ذریعہ: Islam Times
کلیدی لفظ: آفاق احمد نے کہا کہ کیلئے ضروری ہے کی تقسیم
پڑھیں:
سندھ کی تقسیم مشکل ہی نہیں ناممکن ہے،سندھ حکومت
سندھ کوئی کیک نہیں ہے کہ اس کو بانٹ دیا جائے، نفرت کی سیات بند کریں،مچھلی پانی کے بغیر اور ایم کیو ایم اقتدار کے بغیر نہیں رہ سکتی،ان کی سیاست ختم ہوچکی ہے،شرجیل میمن کامیڈیا ٹاک پر ردعمل
سندھ کے سینئر وزیر شرجیل انعام میمن نے کہا ہے کہ سندھ کی تقسیم مشکل ہی نہیں ناممکن ہے۔مصطفیٰ کمال کی میڈیا ٹاک پر ردعمل میں شرجیل میمن نے کہا کہ آج ایم کیو ایم کے وفاقی وزیر نے بغیر ہوم ورک کے پریس کانفرنس کی۔انہوں نے کہا کہ یہ جن بلدیاتی انتخابات کا ذکر کررہے ہیں، انہوں نے زمینی حقائق دیکھ کر بائیکاٹ کیا، انہیں پتا تھا بلدیاتی انتخاب لڑیں گے تو شکست ہوگی۔سندھ کے سینئر وزیر نے مزید کہا کہ سندھ کی تقسیم مشکل نہیں ناممکن ہے، سندھ کوئی کیک نہیں ہے کہ اس کو بانٹ دیا جائے۔اُن کا کہنا تھا کہ ایم کیو ایم چاہتی ہے کہ ہم جذباتی جواب دیں اور وہ سیاست کریں، وہ ہر وقت اقتدار میں رہنا چاہتے ہیں، ایم کیو ایم کی سیاست ختم ہوچکی۔شرجیل میمن نے یہ بھی کہا کہ ایم کیو ایم چاہتی ہے، ان کی بات کا جواب دیا جائے، وہ کہتے ہیں ان کی بات ایک کان سے سنو دوسرے سے نکال دو۔انہوں نے کہا کہ چیٔرمین بلاول بھٹو کے ٹوئٹ میں بلدیاتی اداروں کا معاملہ تھا ہی نہیں، نفرت کی سیات بند کریں، ایم کیو ایم اپنی مردہ سیاست میں جان ڈالنا چاہتی ہے۔سندھ کے سینئر وزیر نے کہا کہ 27ویں ترمیم میں بہت سے نکات تھے جن کو پیپلز پارٹی نے قبول نہیں کیا، مچھلی پانی کے بغیر اور ایم کیو ایم اقتدار کے بغیر نہیں رہ سکتی۔
وفاقی آئینی عدالت کے ججز کی تعداد بڑھانے کا فیصلہ، صدارتی آرڈر جاری