پی پی نے بلدیاتی نظام پر بات نہ کی تو 18ویں ترمیم ختم ہوگی ‘سندھ میں صوبہ بھی بنے گا‘ایم کیو ایم
اشاعت کی تاریخ: 18th, November 2025 GMT
data-id="863a0a8" data-element_type="widget" data-widget_type="theme-post-content.default">
251118-08-20
کراچی ( اسٹاف رپورٹر ) ایم کیو ایم پاکستان کے رہنما اور وفاقی وزیر صحت مصطفی کمال نے پریس کانفرنس کرتے ہوئے بلدیاتی نظام سے متعلق ترمیم پر پیپلز پارٹی کو سخت وارننگ دی ہے۔ انہوں نے پیپلز پارٹی کو مقامی حکومتوں کے معاملے پر بات چیت کی دعوت دیتے ہوئے کہا کہ اگر انہوں نے اس بل پر بات نہ کی تو ’’18 ویں ترمیم بھی ختم ہوگی اور سندھ میں صوبہ بھی بنے گا‘‘۔ مصطفی کمال نے دعویٰ کیا کہ آنے والے مہینوں میں یہ ترمیم لازمی آئے گی اور منظور بھی ہوگی۔ انہوں نے پیپلز پارٹی پر تنقید کرتے ہوئے کہا کہ ’’کراچی دودھ دینے والی گائے ہے، اسے چارہ نہیں دو گے تو کیسے چلے گا‘‘ اور یہ بھی واضح کیا کہ پی پی پی 27ویں ترمیم میں اس بل کو شامل کرنے کیلیے تیار نہیں تھی تاہم حکومت نے آئندہ ترمیم میں اسے لازمی دیکھنے کا وعدہ کیا ہے۔ دوسری جانب سندھ کے سینئر وزیر شرجیل انعام میمن نے کہا ہے کہ ایم کیو ایم کے وفاقی وزیر نے آج بغیر تیاری کے پریس کانفرنس کرکے پیپلز پارٹی پر بے بنیاد الزام تراشی کی، سندھ کی تقسیم ناممکن ہے، دنیا میں ایسی کوئی طاقت نہیں جو سندھ کو تقسیم کرے۔ تفصیلات کے مطابق بہادرآباد میں پریس کانفرنس کرتے ہوئے مصطفیٰ کمال نے کہا کہ بلدیاتی حکومتوں کو بااختیار بنانے کے لیے ایم کیو ایم پاکستان کی مجوزہ آئینی ترمیم اب صرف کراچی کا مسئلہ نہیں رہا بلکہ پورے پاکستان کا معاملہ بن چکا ہے۔ انہوں نے مزید کہا کہ 2024 میں پہلی بار پاکستان کی تاریخ میں ایم کیو ایم نے وزارتیں، عہدے اور پیکیجز مانگنے کے بجائے صرف ایک نکاتی ایجنڈے پر حکومت میں شمولیت اختیار کی۔ ہم نے مسلم لیگ (ن) کے ساتھ جو ایگریمنٹ کیا وہ صرف اور صرف ہماری آئینی ترمیم کی حمایت کیلیے تھا۔ لیکن جب ایم کیو ایم نے 26ویں ترمیم کے موقع پر اپنا بل پیش کیا تو ہمارے پاس نمبرز کم تھے، اور ملک کو درپیش چیلنجز کی وجہ سے اس بل کو اس وقت موخر کر دیا گیا۔ ہمارا بل لاء اینڈ جسٹس کی قائمہ کمیٹی میں رہا، ایک سال بعد جب 27 ویں ترمیم کا موقع آیا تو پیپلز پارٹی کے علاوہ پاکستان کی تمام پارٹیز نے ایم کیو ایم کے بل کی حمایت کی۔ جس کی وجہ سے ایک ڈیڈلاک پیدا ہوا اور قومی مفاد میں وزیراعظم نے ہم سے گزارش کی کہ اس معاملے کو اگلی ترمیم کیلیے روک دیا جائے۔ یہ بل مردہ نہیں ہوا، یہ زندہ ہے۔ جیسے 26ویں ترمیم کے بعد یہ زندہ رہا، ویسے ہی 27ویں ترمیم کے بعد بھی زندہ ہے۔ عوام کے حقوق کا یہ آئینی بل آنے والے مہینوں میں اسمبلی میں آئے گا اور عوام کے گھروں تک اختیارات اور وسائل پہنچیں گے۔ مصطفی کمال نے کراچی کے معاشی استحصال پر تفصیلی روشنی ڈالتے ہوئے کہا کہ کراچی کو 2006ء تک جی ایس ٹی کا 2.
ذریعہ: Jasarat News
کلیدی لفظ: مصطفی کمال نے پیپلز پارٹی ایم کیو ایم ترمیم کے انہوں نے کہا کہ
پڑھیں:
چہرے نہیں ‘نظام بدلنے سے قوم کی تقدیر بدلے گی‘ منعم ظفر خان
data-id="863a0a8" data-element_type="widget" data-widget_type="theme-post-content.default">
251118-01-8
کراچی (اسٹاف رپورٹر) امیر جماعت اسلامی کراچی منعم ظفر خان نے کہا ہے کہ بدل دو نظام کے سلوگن کے تحت مینار پاکستان کا اجتماع عام تاریخ رقم کرے گا۔ جس میں امیر جماعت اسلامی حافظ نعیم الرحمن انجمن غلامان امریکا سے نجات سمیت ملکی ترقی عوامی خوشحالی کا ایجنڈا پیش کریں گے، جھنڈے اور چہرے بدلنے سے نہیں بلکہ نظام بدلنے سے ہی ملک و قوم کی تقدیر بدل سکتی ہے ، جماعت اسلامی ملک کے مکمل نظام کو تبدیل کرنے کی جدوجہد کررہی ہے۔یہ اجتماع امت مسلمہ میں دینی وفکری بیداری اور اجتماعی نظم و ضبط کے فروغ کا بھی اہم ذریعہ ہے ، اجتماع عام اسلامیان پاکستان کے لیے امید کی کرن ہے ، اس اجتماع میں کارکنان کی ازسر نو صف بندی کے ساتھ ساتھ انقلاب کی راہ پر گامزن لاکھوں کارکنان ایک اور سنگ میل عبور کریں گے۔ نئے حوصلے نئے عزم کے ساتھ بدی کی قوتوں کے مقابلے میں صف بستہ ہوں گے۔ یہ اجتماع محض ایک سیاسی یا تنظیمی اجتماع نہیں بلکہ امت مسلمہ کی بیداری ، شعور اور مزاحمتی فکر کا مظہر ہے ،یہ اجتماع پاکستان میں عدل و انصاف کے قیام امت مسلمہ کے اتحاد اور فلسطین و کشمیر کے مظلوموں کے لیے بیداری و مزاحمت کی نئی لہر کا نقطہ آغاز بنے گا۔ اور قرآن و سنت کی روشنی میں پاکستان کو ایک حقیقی اسلامی فلاحی ریاست بنانے کی جدوجہد میں سنگ میل ثابت ہوگا۔ان خیالات کا اظہار انہوں نے جماعت اسلامی ضلع سائٹ غربی کے تحت فرنٹئیرکالونی سیوڑھی بابا روڈ پر منعقدہ’’ بدل دو نظام ممبرز کنونشن‘‘ سے خطاب کرتے ہوئے کیا ۔اس موقع پر نائب امیرجماعت اسلامی کراچی محمد اسحاق خان ، امیر ضلع سائٹ غربی ڈاکٹر نورالحق ، قیم ضلع راشد خان ، نائب امیر ضلع نذرمحمد برکی ،ناظم علاقہ فرنٹئیر عطاالرحمن و دیگر قائدین نے بھی خطاب کیا۔ قبل ازیں کنونشن آمد پرمعززین علاقہ نے امیر جماعت اسلامی کراچی منعم ظفر خان کا شاندار استقبال کیااور ان پر پھولوں کی پتیاں نچھاور کیں۔ نائب امیر کراچی محمد اسحاق خان نے کہا کہ تمام ذمے داران اجتماع عام میں زیادہ سے زیادہ افراد کی شرکت یقینی بنائیں یہ اجتما ع مظلوم عوام کی آواز اور ظالموں کے خلاف اعلان جہاد ہے ۔ اجتماع میں کراچی کی حاضری کو مثالی بنانے کے لیے سب کو ملکر جدوجہد کرنا ہوگی ۔ امیر ضلع ڈاکٹر نورا لحق نے کہا کہ ضلع سائٹ غربی سے بہت بڑا قافلہ اجتماع عام میں شرکت کے لیے تیار ہے ، کارکنان گھر گھر دعوت پہنچانے میں مصروف ہیں اور ضلع بھر میں دعوتی کیمپ لگائے جا چکے ہیں جہاں سے اجتماع عام میں شرکت کی دعوت کا سلسلہ جاری ہے۔
کراچی (اسٹاف رپورٹر) جماعت اسلامی ضلع کیماڑی کے تحت اتحاد ٹاؤن، جھنگوی چوک پر ایک بڑے ممبرز کنونشن کا انعقاد کیا گیا، جس میں حالیہ ممبر سازی مہم کے دوران بننے والے نئے ممبران، حامیوں اور کارکنان نے بھرپور شرکت کی۔ امیر جماعت اسلامی کراچی منعم ظفر خان کی آمد پر شرکا نے ان کا بھرپور استقبال کیا۔ کنونشن سے امیر جماعت اسلامی کراچی منعم ظفر خان، امیر جماعت اسلامی ضلع کیماڑی فضل احد اور صدر جے آئی یوتھ ضلع کیماڑی خالد خان یوسف زئی ، بلال جمیل اور دیگرنے بھی خطاب کیا۔ منعم ظفر خان نے اپنے خطاب میں کہا کہ کراچی بھر میں جماعت اسلامی کے 9 ٹاؤنز خدمت اور دیانت کا نیا باب رقم کر رہے ہیںلیکن بدقسمت بلدیہ ٹاؤن میں پارکوں اور کھیل کے میدانوں کو آباد کرنے کے بجائے ان پر قبضہ کیا جا رہا ہے۔ انہوں نے سخت الفاظ میں کہا کہ جماعت اسلامی اس قبضہ مافیا کو بچوں کے کھیل کے میدانوں اور تعلیمی اداروں پر قبضہ کرنے نہیں دے گی۔ پیپلز پارٹی اور ایم کیو ایم میں اسٹیبلشمنٹ کی اے ٹیم اور اے پلس ٹیم بننے کا مقابلہ چل رہا ہے جبکہ جماعت اسلامی ان کو دعوت دیتی ہے کہ وہ آئیں اور خدمت کے میدان میں ہمارا مقابلہ کریں۔ انہوں نے کہا کہ حکمران ایک کے بعد ایک آئینی ترامیم پاس کر کے اپنے اقتدار کو طول دینے اور اپنی کرپشن کو چھپانے کی کوشش کر رہے ہیں، مگر ان میں سے ایک ترمیم کا بھی تعلق عوام کو ریلیف دینے سے نہیں۔ منعم ظفر خان نے کہا کہ اتحاد ٹاؤن سمیت پورے کراچی پر پیپلز پارٹی گزشتہ 17 سال سے قابض ہے لیکن آج بھی اتحاد ٹاؤن کی سڑکیں موہنجو دڑو کا منظر پیش کر رہی ہیں۔ پانی ناپید اور بجلی کی لوڈ شیڈنگ نے عوام کی کمر توڑ دی ہے۔ عوام کے حالات بدلنے کے لیے اب نظام کی تبدیلی ناگزیر ہو چکی ہے اور اسی نظام کو بدلنے کے لیے جماعت اسلامی اجتماعِ عام لاہور کا انعقاد کرنے جا رہی ہے۔ انہوں نے نوجوانوں پر زور دیا کہ وہ اس گلے سڑے نظام کو بدلنے کی جدوجہد میں ہمارا ساتھ دیں۔ امیر جماعت اسلامی ضلع کیماڑی فضل احد نے اپنے خطاب میں کہا کہ بدل دو نظام کی جدوجہد ایک انقلابی پیغام ہے۔ انہوں نے کہا کہ نوجوان مایوس ہو کر ڈگریاں جلا رہے ہیں اور ملک چھوڑ کر جا رہے ہیں، جس کا قصور ملک کا نہیں بلکہ ان قابض حکمرانوں اور ظالم اشرافیہ کا ہے، جنہیں اب گھر بھیجنے کی ضرورت ہے۔ موجودہ الیکشن کمیشن اور عدالتی نظام کبھی بھی شفاف اور نوجوانوں کی حکومت نہیں بنا سکتا۔ انہوں نے ممبران سے کہا کہ وہ جماعت اسلامی کے اس بدل دو نظام کے ایجنڈے کو آگے بڑھائیں اور مزید ممبر سازی کے ذریعے جماعت اسلامی کے ہاتھ مضبوط کریں۔ بلدیہ ٹاؤن، موریڑ و میربحر اور ماڑی پور ٹاؤن اس وقت کرپشن کا گڑھ بن چکے ہیں، قابض میئر کراچی مرتضیٰ وہاب جماعت اسلامی پر بے تُکے الزامات لگانے کے بجائے ان ٹاؤنز میں ڈیلیور کرنے کی کوشش کریں۔ انہوں نے کہا کہ مستحکم جماعت اسلامی اور مستحکم عوامی قوت اپنے حقوق حاصل کر کے رہے گی۔
امیر جماعت اسلامی کراچی منعم ظفر خان جماعت اسلامی ضلع کیماڑی کے تحت اتحاد ٹائون میں ممبرز کنونشن سے خطاب کررہے ہیں، امیر ضلع فضل احد و دیگر بھی موجود ہیں
کوئٹہ، پبلک اکاؤنٹس کمیٹی کا اجلاس، محکمہ آبپاشی کی نااہلی کی نشاندہی