اظفر سے ہونے والے اختلافات نے بیٹی کی ذہنی صحت کو متاثر کیا: سلمیٰ حسن
اشاعت کی تاریخ: 14th, November 2025 GMT
پاکستان کی معروف سینئر اداکارہ سلمیٰ حسن نے انکشاف کیا ہے کہ سابقہ شوہر اظفر علی کے ہونے والے اختلافات نے بیٹی کی صحت کو جذباتی طور پر متاثر کیا۔
حال ہی میں سینئر اداکارہ نجی ٹی وی چینل کے پروگرام میں نظر آئیں، جہاں انہوں نے اپنے سابقہ شوہر کے ساتھ اختلافات کے بارے میں کھل کر بات کی جس سے وہ جذباتی طور پر متاثر ہو رہی تھی۔
سلمیٰ حسن نے اس بارے میں بات کرتے ہوئے کہا کہ میری بیٹی فاطمہ صرف 8 ماہ یا 1 سال کی تھی، اس وقت میرے اور اظفر کے اختلافات شروع ہوگئے تھے، جس کا اثر فاطمہ پر مرتب ہونے لگا۔
انہوں نے بتایا کہ بیٹی نے اتنا غصہ دیکھانا شروع کر دیا تھا کہ وہ غصے میں زمین پر لیٹ جاتی اور اپنے آپ کو اس طرح اکڑالیتی کہ میں اسے چاہ کر بھی اُٹھا نہیں سکتی، پھر سانس روکنا شروع کر دیتی تھی۔
انہوں نے کہا کہ میں نے تقریباً 7 سے 8 ماہ اس کا سامنا کیا اور پھر ماہرین نفسیات سے رجوع کیا، جنہوں نے مجھے بتایا کہ یہ مسئلہ فاطمہ کا نہیں میرا ہے، میرے جذبات اس پر اثرانداز ہو رہے ہیں، جس کا مظاہرہ وہ کر رہی ہے۔
اداکارہ نے بتایا کہ پہلے میں سمجھتی تھی کہ ڈاکٹر صرف یونہی ایسا کہہ رہی ہے، میں نے ان باتوں کو ماننے سے انکار کر دیا، لیکن جب معاملہ ہاتھوں سے نکلنے لگا تو مجھے سمجھ آنے لگی کی ڈاکٹر نے صحیح کہا تھا مسئلہ میرے ساتھ ہی ہے، اس وقت میں نے تھراپی لینا شروع کی تو معاملات سنبھلنے شروع ہوئے۔
واضح رہے کہ اداکارہ سلمیٰ ظفر اور اداکار اظفر علی 2001 میں شادی کے بندھن میں بندھ گئے تھے، ان کی ایک بیٹی فاطمہ ہے۔ یہ شادی زیادہ عرصہ نہ چل سکی اور 2012 میں سلمیٰ اور اظفر کے درمیان طلاق ہو گئی تھی۔
بعد ازاں اظفر علی نے 2012 ہی میں اداکارہ نوین وقار سے شادی کرکے تمام انڈسٹری سمیت اپنے مداحوں کو چونکا کر رکھ دیا تھا۔
.
ذریعہ
ذریعہ: Daily Mumtaz
پڑھیں:
آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع
ویب ڈیسک : آزاد کشمیر کے شہر میرپور میں موبائل فون اور انٹرنیٹ سروس بحال ہونا شروع ہوگئی ہے۔
تفصیلات کے مطابق آزاد کشمیر کے شہر میرپور اور اس کےگردونواح میں میں موبائل فون اور انٹرنیٹ سروسزبحال ہونا شروع ہوگئی ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
اس حوالے کچھ دیر قبل چیئرمین پیپلزپارٹی بلاول بھٹو نے اپنے ایک بیان میں کہاکہ اطلاعات ہیں کہ میرپور آزاد کشمیرمیں انٹرنیٹ اور ڈیجیٹل رابطہ جلد بحال کردیا جائےگا۔
I’m grateful to the AJK PPP for their efforts & the election commission of AJK for their intervention. I’m hearing internet and digital connectivity will be restored in Mirpur AJK soon. I’m hopeful our requests for Muzaffrabad and other areas are also accepted as soon as…
— Bilawal Bhutto Zardari (@BBhuttoZardari) July 23, 2026
ان کا کہنا تھا کہ امید ہے مظفرآباد اور دیگرعلاقوں کے حوالے سے ہماری درخواستیں بھی جلد منظور کرلی جائیں گی۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
واضح رہے میرپور آزادکشمیر میں گزشتہ 45 دن سے انٹرنیٹ سروس معطل تھی۔
Ansa Awais Content Writer
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار