بھارتی فضائیہ کے ’اڑتے تابوت‘، 30 سال میں 534 طیارے، 152 پائلٹس ہلاک
اشاعت کی تاریخ: 21st, November 2025 GMT
بھارتی فضائیہ (IAF) کی تاریخ میں طیارہ حادثات کا ریکارڈ بھی تشویشناک رہا ہے۔ مختلف تحقیقاتی رپورٹس کے مطابق گزشتہ کئی دہائیوں میں IAF کو ہزاروں طیاروں کے حادثات کا سامنا کرنا پڑا، جن میں لڑاکا جیٹس، ٹرینرز، ہیلی کاپٹرز اور دیگر طیارے شامل ہیں۔ یہ حادثات انسانی جانوں اور قیمتی اثاثوں کا بڑا ضیاع ہیں۔
رپورٹس کے مطابق گزشتہ 30 سالوں میں IAF کے 534 طیارے حادثات کا شکار ہو چکے ہیں، جس میں کم از کم 152 پائلٹس ہلاک ہوئے ہیں۔ اس عرصے میں کئی طیارے زمین سے ٹکرانے، تکنیکی خرابی یا فضائی جنگی مشقوں کے دوران تباہ ہوئے۔
MiG-21 ماڈل سب سے زیادہ حادثات کا شکار رہا ہے۔ پچھلے 60 سالوں میں تقریباً 400 سے زائد MiG-21 طیارے گر چکے ہیں، جن میں 200 سے زیادہ پائلٹس اور متعدد شہری بھی ہلاک ہوئے۔
یہ بھی پڑھیں:دبئی ایئر شو : نااہل بھارتی فضائیہ نے دنیا کے سب سے بڑے فضائی ایونٹ کو بدنما داغ دے دیا
یہی وجہ ہے کہ MiG-21 کو میڈیا اور دفاعی تجزیہ کاروں نے ’فلائنگ کوفن‘ یعنی اڑتے تابوت کا خطاب دیا ہے۔
رپورٹس بتاتی ہیں کہ 1990 کی دہائی میں IAF کے حادثات کی شرح 20–30 فی سال تک جا پہنچی تھی، حالیہ برسوں میں ایک یا دو کلاس-1 حادثات (جہاز مکمل تباہ) رپورٹ ہوئے۔
تکنیکی وجوہات اور انسانی عواملحادثات کی وجوہات میں انسانی خامی، طیارے کی تکنیکی خرابی، اور پرانے طیاروں کی مرمت میں مشکلات شامل ہیں۔
یہ تمام عوامل IAF کے لیے مستقل چیلنج ہیں، کیونکہ ہر حادثہ نہ صرف انسانی جانوں کا ضیاع ہے بلکہ دفاعی وسائل اور قومی سرمایہ کاری کا نقصان بھی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
MiG-21 انڈین ایئر فورس بھارتی فضائیہ فضائی حادثات مگ 21.ذریعہ: WE News
کلیدی لفظ: انڈین ایئر فورس بھارتی فضائیہ فضائی حادثات
پڑھیں:
تیجاس کی زمین بوسی ساختی نقائص کا شاخسانہ، بھارتی دفاعی صلاحیتوں پر بھی سوال اٹھ گئے
دبئی ایئر شو کے دوران بھارتی فضائیہ کے مقامی طور پر تیار کردہ لڑاکا طیارے تیجاس کے گر کر تباہ ہونے پر اس کے ساختی نقائص کی واضح نشاندہی ہوتی ہے جس نے بھارت کے دفاعی سازوسامان پر سوالات کھڑے کردیے۔
یہ بھی پڑھیں: دبئی ایئر شو کے دوران بھارتی جنگی طیارہ گر کر تباہ، پائلٹ ہلاک
یاد رہے کہ دبئی ایئر شو کے 5ویں اور آخری روز تیجاس گر کر تباہ ہوگیا جس کے نتیجے میں پائلٹ بھی ہلاک ہوا۔ سوشل میڈیا پر وائرل ویڈیوز میں دیکھا گیا کہ طیارہ فضا میں توازن کھونے کے بعد زمین سے ٹکرا گیا اور آگ کے گولے میں تبدیل ہوگیا۔ واقعہ مقامی وقت کے مطابق 2 بج کر 10 منٹ پر پیش آیا۔
یہ متحدہ عرب امارات میں سنہ 1989 سے منعقد ہونے والے دنیا کے سب سے بڑے فضائی میلے دبئی ایئر شو میں ہونے والا پہلا حادثہ ہے۔ اس طرح بھارتی فضائیہ نے اپنی نااہلی کے ذریعے اس عالیشان شو پر ایک بدنما داغ بھی لگا دیا ہے۔
فنی خرابی اور ساختی نقائص: ماہرین کیا کہتے ہیں؟ایرواسپیس و دفاعی امور پر گہری نظر رکھنے والے ماہرین کے مطابق حادثے کے پیچھے فنی خرابی اور ساختی نقائص ہو سکتے ہیں۔ طیارے کی پرواز سے قبل کی تصویروں میں لیکیج، پینل مس الائنمنٹ، وائبریشن اور دیگر مسائل واضح تھے۔
میڈیا رپورٹس کے مطابق تیجس کے ترقیاتی پروگرام میں بدلتی اسپیسفکیشنز، ٹیکنالوجی گیپ اور غیر واضح ڈیزائن کے باعث مسائل پیدا ہوتے رہے جبکہ طیارے کے تھرسٹ، اسمارٹ لوڈ اور حرارتی دباؤ کے مسائل بھی سامنے آئے۔
مزید پڑھیے: دبئی ایئر شو : نااہل بھارتی فضائیہ نے دنیا کے سب سے بڑے فضائی ایونٹ کو بدنما داغ دے دیا
ماہرین کا کہنا ہے کہ دیسی انجن کی ناکامی اور جی ای انجن کا ایئر فریم کے مطابق نہ ہونا بھی حادثے کے ممکنہ اسباب میں شامل ہو سکتے ہیں۔
پاکستانی دفاعی ماہرین نے بھی واقعے پر تبصرہ کیا۔ ایئرمارشل (ر) عاصم سلیمان نے کہا کہ دبئی ایئر شو میں گرنے والے طیارے میں فنی خرابی کی اطلاعات تھیں اور اس طرح کے حادثے بھارت اور بھارتی فضائیہ کی ساکھ پر اثر ڈال سکتے ہیں۔
مزید پڑھیں: بھارتی لڑاکا طیارے کی زمین بوسی کے لمحات، پائلٹ کس کام میں ناکام رہا
نیشنل سیکیورٹی کے ماہر سید محمد علی کے میڈیا میں شائع ہونے والے تبصرے کے مطابق سامنے آنے والی ویڈیو میں پائلٹ کی مس ججمنٹ بھی دیکھی جا سکتی ہے تاہم بھارتی فضائیہ ٹیکنالوجی اور وسائل سے مالا مال ہونے کے باوجود مختلف موقعوں پر اس کے 100 سے زائد طیارے گر چکے ہیں۔
واضح رہے کہ تیجاس کو پیش آنے والا یہ پہلا حادثہ نہیں بلکہ مارچ 2024 میں بھی ایک تیجاس طیارہ راجستھان کے جیسلمیر میں تربیتی پرواز کے دوران گر کر تباہ ہوا تھا تاہم اب دبئی ایئر شو جیسے نامور عالمی شو میں بھی تیجاس اور بھارتی فضائیہ کی صلاحیتیوں کی قلعی کھل گئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارتی لڑاکا طیارہ تیجاس تیجاس تیجاس بھارتی فضائیہ کی ناکامی تیجاس تباہی کی وجوہات تیجاس کے ساختی نقائص تیجاس متواتر فیل
جوہری معاملات پر دباؤ میں نہیں آئیں گے، ایران