وزیراعلیٰ کی پشتونخوا نیپ کے رہنماؤں پر درج مقدمہ واپس لینے کی ہدایت
اشاعت کی تاریخ: 14th, October 2025 GMT
کوئٹہ میں ملاقات کے موقع پر پشتونخوا نیپ کے رہنماء نصراللہ زیرے نے وزیراعلیٰ کو رہنماؤں کیخلاف درج ایف آئی آر سے متعلق بتایا، جس پر وزیراعلیٰ نے متعلقہ حکام کو ہدایت دی کہ ایف آئی آر واپس لی جائے۔ اسلام ٹائمز۔ بلوچستان کے وزیراعلیٰ سرفراز بگٹی نے پشتونخوا نیشنل عوامی پارٹی کے چیئرمین خوشحال خان کاکڑ اور دیگر رہنماؤں کے خلاف درج ایف آئی آر واپس لینے کے احکامات جاری کر دیئے۔ رہنماؤں پر ژوب میں بغیر اجازت جلسہ کرنے پر ایف آئی آر درج کر لیا گیا تھا۔ تفصیلات کے آج پشتونخوا نیشنل عوامی پارٹی کے صوبائی صدر اور سابق رکن اسمبلی نصراللہ خان زیرے نے وزیراعلیٰ سرفراز بگٹی سے ملاقات کی، جس میں ژوب میں منعقدہ جلسہ عام کے دوران پارٹی رہنماؤں کے خلاف درج ایف آئی آر کا معاملہ زیر بحث آیا۔ نصراللہ زیرے نے وزیراعلی کو ایف آئی آر سے متعلق تفصیلات سے آگاہ کیا، جس پر وزیراعلی سرفراز بگٹی نے متعلقہ حکام کو ہدایت کی کہ بغیر این او سی درج ہونے والی ایف آئی آر کو ضابطے کے مطابق فوری طور پر واپس لیا جائے۔
.ذریعہ: Islam Times
کلیدی لفظ: ایف آئی آر
پڑھیں:
وزیراعلیٰ سندھ کی فلیگ شپ ہیلتھ منصوبوں کو جلد از جلد مکمل کرنے کی ہدایت
وزیرِاعلیٰ سندھ نے ایک اجلاس میں محکمہ صحت کے ترقیاتی پورٹ فولیو کا جائزہ لیتے ہوئے ہیلتھ منصوبوں کو جلد مکمل کرنے کی ہدایت کردی ہے۔
تفصیلات کے مطابق اجلاس میں وزیرصحت ڈاکٹر عذرا پیچوہو، منسٹر پی اینڈ ڈی جام خان شورو ، منسٹر ورکس حاجی علی حسن زرداری، چیف سیکریٹری آصف حیدر شاہ، چیئرمین پی اینڈ ڈی نجم شاہ، سیکریٹری فننانس فیاض جتوئی، سیکریٹری ورکس نواز سوہو ، سیکریٹری صحت ریحان بلوچ، اور دیگر نے شرکت کی۔
وزیراعلیٰ سندھ نے 16 فلیگ شپ ہیلتھ منصوبوں کی رفتار تیز کرنے کی ہدایت کردی ہیں۔ انہوں نے کہا کہ تمام منصوبے رواں مالی سال میں مکمل ہونے چاہیئں۔
سیکریٹری صحت ریحان بلوچ کا کہنا تھا کہ محکمہ صحت کی 178 اسکیمیں، 45.37 ارب روپے کی لاگت سے شروع کی گئی ہیں۔ ان اسکیمس میں 140 جاری، 38 نئی اسکیمیں ADP میں شامل ہیں۔ 21 فیصد ترقیاتی فنڈ اب تک خرچ ہوچکا۔
وزیراعلیٰ سندھ نے کہا کہ جان بچانے والے منصوبوں میں تاخیر برداشت نہیں جس پر بریفنگ دی گئی کہ فیڈرل بی ایریا کے 50 بستروں کا اسپتال تکمیل کے قریب ہے۔️ وزیراعلیٰ نے محکمہ گننا سکو اسپتال کیلئے باقی فنڈز جاری کرنے کی ہدایت کردیں۔
ڈاکٹر عزرا پیچوہو نے کہا کہ رزاق آباد میڈیکل کمپلیکس کیلئے 3.08 ارب اضافی درکا ہیں جبکہ گلشنِ حدید 50 بستروں کا اسپتال رواں سال مکمل ہوگا جس پر وزیر اعلیٰ سندھ کی فنانس ڈپارٹمنٹ کو فوری فنڈ جاری کرنے کی ہدایت کی گئی۔
وزیراعلیٰ کا کہنا تھا کہ امپیوٹیشن فری سندھ ایک تاریخی قدم ہے۔ سول اسپتال کیلئے نیا ریڈیالوجی ڈیپارٹمنٹ منظوری کے مراحل میں ہے۔ سول اسپتال کے ایمرجنسی یونٹ کی تعمیر بھی جلد شروع ہوگی۔
وزیراعلیٰ سندھ نے سعود آباد اسپتال کے سائیکاٹری اور ایمرجنسی یونٹ کیلئے بھی اضافی فنڈ کی منظوری دی۔
دوسری جانب لاڑکانہ میں 600 بستروں کے اسپتال کیلئے PC-I منظور ہو چکی ہے۔ وزیراعلیٰ سندھ نے کام شروع کرنے کی ہدایت دے دی ہے۔ وزیر اعلیٰ کا کہنا تھا کہ لاڑکانی کا 600 بستروں کا اسپتال اپر سندھ کیلئے بڑا سنگِ میل ہے۔
ضمنی الیکشن میں عوام کی دلچسپی کم کیوں؟ چیف الیکشن کمشنر نے بتا دیا