وزیر خزانہ کی ڈائریکٹر آئی ایم ایف سے ملاقات، اصلاحاتی ایجنڈے پر عزم کا اعادہ
اشاعت کی تاریخ: 14th, October 2025 GMT
وزیر خزانہ سینیٹر محمد اورنگزیب نے آئی ایم ایف کے ڈائریکٹر جہاد ازعور سے ملاقات کرکے اصلاحاتی ایجنڈے پر عزم کا اعادہ کیا۔وفاقی وزیرِ خزانہ و محصولات سینیٹر محمد اورنگزیب نے امریکا کے سرکاری دورے کے پہلے دن واشنگٹن ڈی سی میں آئی ایم ایف اور ورلڈ بینک گروپ کے سالانہ اجلاسوں کے موقع پر اہم ملاقاتوں کا سلسلہ جاری رکھا۔وزارت خزانہ کے مطابق وزیرِ خزانہ اور ان کے وفد نے آئی ایم ایف کے مشرقِ وسطیٰ اور وسطی ایشیا کے ڈائریکٹر جہاد ازعور اور ان کی ٹیم سے تفصیلی ملاقات کی، دونوں فریقوں نے پاکستان کے اصلاحاتی ایجنڈے پر بات چیت کی اور اس عمل کو جاری رکھنے کے عزم کا اعادہ کیا۔ملاقات میں ایکسٹینڈڈ فنڈ فیسلٹی (EFF) کے دوسرے جائزے پر پیش رفت اور میکرو اکنامک استحکام کی اہمیت پر بھی تبادلہ خیال ہوا۔سینیٹر اورنگزیب نے دولتِ مشترکہ (کامن ویلتھ) کے وزرائے خزانہ کے اجلاس میں شرکت کرتے ہوئے پائیدار اور مضبوط شراکت داری کے لیے عملی اقدامات پر زور دیا۔ انہوں نے انفرا اسٹرکچر اینڈ فنانشل ریزیلینس ہب اور ٹیکنیکل اسسٹنس فنڈ کے قیام کی حمایت کی، جو ترقی پذیر ممالک کی استعداد کار میں اضافے کے لیے قائم کیا جا رہا ہے۔وزیر خزانہ نے موسمیاتی مالی معاونت کے لیے عالمی کوششوں کی ضرورت پر بھی زور دیا اور عالمی بینک گروپ کے سینیئر منیجنگ ڈائریکٹر ایکسل وین ٹروٹسین برگ سے ملاقات میں پاکستان کے ترقیاتی ایجنڈے کے لیے ورلڈ بینک کے تعاون پر اظہارِ تشکر کیا۔ انہوں نے موسمیاتی تبدیلی کو پاکستان کے لیے ’’وجودی خطرہ‘‘ قرار دیا اور حالیہ سیلابوں کو اس کی واضح مثال قرار دیا۔یو ایس پاکستان بزنس کونسل کے اراکین سے ملاقات میں وزیر خزانہ نے پاکستان کے معاشی اشاریوں میں بہتری، نجی شعبے کے فروغ اور تجارتی و صنعتی شعبوں میں امریکی سرمایہ کاری کی اہمیت پر روشنی ڈالی۔ انہوں نے مائننگ، زراعت، آئی ٹی اور فارماسیوٹیکل جیسے شعبوں میں دوطرفہ تعاون کو فروغ دینے کی امید ظاہر کی۔امریکی محکمہ خزانہ کے حکام رابرٹ کیپ روتھ اور جوناتھن گرینسٹائن سے ملاقات میں پاکستان کی معاشی بنیادوں اور آئی ایم ایف پروگرام کے تحت ہونے والی پیش رفت پر تبادلہ خیال ہوا۔ وزیر خزانہ نے ورچوئل اثاثوں کی ریگولیشن سے متعلق حالیہ قانون سازی اور تجارتی معاہدوں کا بھی ذکر کیا۔انٹرنیشنل فنانس کارپوریشن (IFC) کے ریجنل وائس پریذیڈنٹ ریکارڈو پولیتی سے ملاقات میں ریکوڈک منصوبے کی مالی تکمیل میں تیزی لانے پر اتفاق کیا گیا، جبکہ اسلام آباد میں آئی ایف سی کے نئے ریجنل دفتر کے قیام کا بھی خیرمقدم کیا گیا۔اسلامی ترقیاتی بینک کے صدر ڈاکٹر محمد سلیمان الجاسر سے ملاقات میں جاری ترقیاتی منصوبوں، ایم-6 موٹروے کے لیے مالی معاونت اور پولیو کے خاتمے جیسے اہم شعبوں پر تعاون جاری رکھنے پر اتفاق کیا گیا۔دورے کے دوران وزیر خزانہ نے سٹی بینک، بین الاقوامی میڈیا اداروں (ایسوسی ایٹڈ پریس، رائٹرز) اور پاکستانی سفیر رضوان سعید شیخ کی جانب سے دیے گئے عشائیے میں بھی شرکت کی۔ سٹی بینک کے ساتھ ملاقات میں انہوں نے پاکستان کے ڈیجیٹل اور مالیاتی شعبے میں سرمایہ کاری کے امکانات پر تبادلہ خیال کیا۔وزارت خزانہ کے مطابق واشنگٹن میں وزیر خزانہ کی مصروفیات پاکستان کے عالمی مالیاتی اداروں اور ترقیاتی شراکت داروں کے ساتھ تعلقات کو مزید مضبوط بنانے اور معیشت کو پائیدار و جامع ترقی کی راہ پر گامزن کرنے کے عزم کی عکاس ہیں۔
.ذریعہ: Nawaiwaqt
کلیدی لفظ: سے ملاقات میں آئی ایم ایف پاکستان کے خزانہ کے انہوں نے کے لیے
پڑھیں:
پاک امریکا کامیاب مذاکرات، نئی ٹیرف ڈیل سے تجارتی تعلقات میں بڑی پیش رفت
data-id="863a0a8" data-element_type="widget" data-widget_type="theme-post-content.default">
واشنگٹن: وفاقی وزیر خزانہ و محصولات سینیٹر محمد اورنگزیب نے واشنگٹن میں امریکی حکام سے ہونے والے کامیاب مذاکرات کو پاکستان کی اقتصادی سمت کے لیے اہم سنگِ میل قرار دیا ہے۔
انہوں نے کہا کہ حالیہ ٹیرف ڈیل امریکی انتظامیہ کے ساتھ تعمیری بات چیت اور باہمی تعاون کا نتیجہ ہے، جو دوطرفہ تجارتی تعلقات کو نئی جہت دے گی۔
یہ بات انہوں نے امریکی محکمہ خزانہ کے معاون وزیر برائے بین الاقوامی مالیات رابرٹ کپروتھ اور قونصلر جوناتھن گرینسٹین سے ملاقات کے دوران کہی۔
واضح رہے کہ وزیر خزانہ اس وقت واشنگٹن میں آئی ایم ایف اور ورلڈ بینک کے سالانہ اجلاسوں میں شرکت کے لیے موجود ہیں۔ ملاقات میں انہوں نے پاکستان کی مضبوط معاشی بنیادوں، جاری اسٹرکچرل اصلاحات اور مالی نظم و ضبط کے حوالے سے تفصیلی بریفنگ دی۔
محمد اورنگزیب نے بتایا کہ حکومت نے ورچوئل اثاثوں کو ریگولیٹ کرنے کے لیے اہم قانون سازی مکمل کر لی ہے، تاکہ عالمی معیار کے مطابق شفاف مالیاتی نظام تشکیل دیا جا سکے۔ انہوں نے امریکی کمپنیوں کو پاکستان میں تیل و گیس، معدنیات، زراعت اور آئی ٹی کے شعبوں میں سرمایہ کاری کی دعوت دیتے ہوئے کہا کہ حکومت غیر ملکی سرمایہ کاروں کو مکمل سہولت فراہم کرے گی۔
بعد ازاں وزیر خزانہ نے یو ایس پاکستان بزنس کونسل کے اجلاس کی میزبانی کی، جہاں انہوں نے پاکستانی معیشت کے بہتر ہوتے ہوئے میکرو اکنامک اشاریوں پر روشنی ڈالی اور کہا کہ اب وقت آ گیا ہے کہ نجی شعبہ معیشت کی قیادت سنبھالے۔ انہوں نے یقین دلایا کہ حکومت کاروباری برادری کے تمام جائز تحفظات کو دُور کرنے کے لیے پرعزم ہے۔
اسی دوران وزیر خزانہ نے سٹی بینک کے نمائندوں سے ملاقات کی اور ان کے ساتھ طویل شراکت داری کو سراہا۔ انہوں نے پاکستان کی معاشی اصلاحات، مالیاتی استحکام اور ڈیجیٹل معیشت کی بڑھتی ہوئی رفتار پر تفصیلی گفتگو کی۔
دریں اثنا وزیر خزانہ نے آئی ایف سی کے علاقائی نائب صدر ریکارڈو پلیٹی سے ملاقات بھی کی، جس میں ریکو ڈک منصوبے سمیت کئی سرمایہ کاری کے معاملات پر اتفاق کیا گیا۔ وزیر خزانہ نے آئی ایف سی کی پاکستان کے نجی شعبے میں اربوں ڈالر کی سرمایہ کاری کو سراہا اور اسلام آباد میں ان کے ریجنل آفس کے قیام کا خیر مقدم کیا۔
اسی طرح انہوں نے اسلامی ترقیاتی بینک کے صدر ڈاکٹر محمد سلیمان الجاسر سے بھی ملاقات کی اور بینک کے جاری منصوبوں، خاص طور پر ایم سکس موٹروے کی فنانسنگ پر شکریہ ادا کیا۔ ملاقات میں پولیو کے خاتمے اور آئل فنانسنگ سہولت کے تسلسل پر بھی اتفاق ہوا۔
وزیر خزانہ نے دولتِ مشترکہ وزرائے خزانہ کانفرنس سے خطاب کرتے ہوئے کہا کہ ایک مضبوط اور خوشحال دولت مشترکہ کے لیے عملی اقدامات اور شفاف پالیسیوں کی ضرورت ہے۔ انہوں نے موسمیاتی فنانسنگ کی اہمیت پر زور دیا اور پاکستان جیسے ترقی پذیر ممالک کے لیے لاس اینڈ ڈیمیج فنڈ کے جلد فعال ہونے کی ضرورت پر بات کی۔
غزہ میں نسل کشی، امریکی یہودیوں، آسٹریلوی شہریوں کی اکثریت اسرائیل سے نالاں، نئے سروے، روس جیسی پابندیوں کا مطالبہ