کیرئیر بنانا مشکل تھا میرے سوا انڈسٹری میں کوئی اور گاؤں سے نہیں آیا، کنگنا رناوت
اشاعت کی تاریخ: 15th, October 2025 GMT
بالی ووڈ کی معروف اداکارہ کنگنا رناوت نے کہا ہے کہ ان کا فلمی اور سیاسی سفر بالی ووڈ سپر اسٹار شاہ رخ خان کے مقابلے میں زیادہ چیلنجنگ رہا ہے۔
بھارتی میڈیا کے مطابق دہلی میں ایک تقریب سے خطاب کرتے ہوئے 39 سالہ کنگنا کا کہنا تھا کہ ان کی کامیابی کی اہمیت اس لیے زیادہ ہے کیونکہ وہ بھارتی ریاست ہماچل پردیش کے ایک چھوٹے سے گاؤں بھملہ سے تعلق رکھتی ہیں، جبکہ ان کے بقول بالی ووڈ میں شاذ و نادر ہی کوئی دیہی پس منظر سے آ کر اسٹار بن سکا ہے۔
کنگنا نے کہا کہ شاہ رخ خان دہلی سے تعلق رکھتے ہیں اور تعلیم یافتہ ہیں، جو ان کے لیے فائدہ مند ثابت ہوا، جبکہ خود انہیں دیہی پس منظر سے تعلق رکھنے کے باعث کئی رکاوٹوں کا سامنا کرنا پڑا۔ ان کا کہنا تھا کہ شہری اور دیہی پس منظر کے فرق کے باعث ان کا بالی ووڈ کا سفر زیادہ مشکل اور مشقت طلب رہا۔
اداکارہ نے مزید کہا کہ ہر شخص کو اپنے سفر اور کامیابی پر فخر کرنے کا حق حاصل ہے، اور وہ بھی اپنی جدوجہد پر فخر محسوس کرتی ہیں۔ کنگنا کے مطابق اگر لوگ ان کے مؤقف سے اختلاف کریں تو انہیں اس کی پرواہ نہیں، کیونکہ وہ سچائی پر یقین رکھتی ہیں اور خود سے بھی ہمیشہ سچ بولتی ہیں۔
یاد رہے کہ بالی ووڈ کی خوبرو اداکارہ کنگنا رناوت نے 2006 میں فلم گینگسٹر سے انڈسٹری میں ڈیبیو کیا تھا جس کیلئے انہیں بیسٹ فی میل ڈیبیو کا فلم فیئر ایوارڈ بھی ملا تھا اور ان کی پہلی ہی فلم کامیاب رہی جس کے بعد کبھی انہوں نے مڑ کر نہیں دیکھا۔
.ذریعہ: Daily Mumtaz
کلیدی لفظ: بالی ووڈ
پڑھیں:
قدسیہ علی: پاکستانی مرد اداکاراؤں سے شادی میں دلچسپی نہیں رکھتے
اداکارہ قدسیہ علی نے ایک حالیہ انٹرویو میں شوبز انڈسٹری اور معاشرتی رویوں پر کھل کر بات کی۔
انہوں نے بتایا کہ خودمختار خواتین، خاص طور پر اداکاراؤں، آج بھی معاشرت میں تنقید کا سامنا کرتی ہیں اور اکثر انہیں ایک مخصوص نظر سے دیکھا جاتا ہے۔ قدسیہ علی نے افسوس کا اظہار کیا کہ 2025 میں بھی معاشرتی روایات میں کوئی خاص تبدیلی نہیں آئی۔
اداکارہ نے اپنی ذاتی زندگی کا بھی ذکر کرتے ہوئے کہا کہ حال ہی میں انہوں نے کسی شخص سے ملاقات کی اور دوستانہ تعلق قائم ہوا، مگر اس نے واضح کر دیا کہ سنجیدہ رشتے کے لیے قدسیہ کو اپنا پیشہ چھوڑنا ہوگا۔
انہوں نے مزید کہا کہ لوگ خواتین اداکاراؤں کی صلاحیتوں کی تعریف کرتے ہیں، لیکن اپنی زندگی کا حصہ بنانے پر اکثر آمادہ نہیں ہوتے۔
قدسیہ علی نے اپنے کیریئر کا آغاز ڈرامہ “اولاد” سے کیا، جس میں انہوں نے خصوصی ضروریات رکھنے والی بچی کا کردار انتہائی مہارت سے نبھایا۔ اس کے بعد وہ “کچھ ان کہی” اور “ایک جھوٹی کہانی” جیسے معروف ڈراموں میں بھی اہم کردار ادا کر چکی ہیں۔
آئی ایم ایف نے حکومتی کارکردگی کا بھانڈا پھوڑ دیا ہے، صاحبزادہ ابوالخیر زبیر