میئر کی نااہلی: شہر کی بالائی گزرگاہیں خستہ حال، عوام خوفزدہ
اشاعت کی تاریخ: 9th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) میئر کراچی کی نااہلی کے باعث شہر کی سڑکوں کے بعد اب بالائی گزرگاہیں (پیڈسٹرین برج) بھی خوف کی علامت بن گئی ہیں۔ حیدری مارکیٹ کے قریب واقع برج میں جگہ جگہ گڑھے اور ٹوٹی سیڑھیاں شہریوں کے لیے خطرہ بن چکی ہیں۔ مقامی افراد کے مطابق بالائی گزرگاہ کے ٹوٹے فرش اور غائب سریے کے باعث متعدد شہری گر کر زخمی ہو چکے ہیں جبکہ برج پر منشیات کے عادی افراد نے قبضہ جما رکھا ہے جو لوہے کے حصے چوری کرکے فروخت کر رہے ہیں۔شہریوں نے سوال اٹھایا ہے کہ کیا عوام کی جان اتنی سستی ہے کہ برسوں سے خستہ حال برج کی مرمت نہیں کی جا رہی؟ علاقے کے یوسی چیئرمین کی جانب سے بارہا نشاندہی کے باوجود میئر کراچی کی سطح پر کوئی عملی اقدام سامنے نہیں آیا۔ برج پر روشنی کا انتظام نہ ہونے سے رات کے اوقات میں گزرنے والے شہریوں کی زندگی مزید خطرے میں ہے۔میئر کراچی کے ترجمان کا کہنا ہے کہ حیدری مارکیٹ کے قریب برج کی مرمت کا کام جلد شروع کیا جائے گا، شہری احتیاط سے اس برج کا استعمال کریں۔
ذریعہ: Jasarat News
پڑھیں:
میئر کراچی تھیٹر میں کام کریں تو زیادہ کامیابی مل سکتی ہے، مسلم لیگ ن
کراچی:ترجمان ن لیگ سندھ اسد عثمانی نے کہا ہے کہ میئر کراچی ذہنی دباؤ کا شکار نظر آتے ہیں اور وہ کراچی کی تاریخ کے بدترین میئر ثابت ہو رہے ہیں۔
اپنے بیان میں اسد عثمانی نے کہا کہ کراچی میں ترقی صرف میئر کراچی اور پیپلز پارٹی کو نظر آتی ہے، میئر کراچی کے زیر اثر 129 روڈوں میں سے صرف 29 سڑکیں دکھا دیں جہاں روڈ بنی ہوئی ہو۔
انہوں نے کہا کہ میئر کراچی پارکوں کا افتتاح کر رہے ہیں جہاں جانے کے لیے سڑکوں کی ضرورت ہوتی ہے جس سے کراچی محروم ہے، کراچی کے لیے پیپلز پارٹی کا کوئی ایک پروجکٹ بتا دیں جو پورا ہوا ہو۔
اسد عثمانی نے کہا کہ میئر کراچی اگر تھیٹر میں کام کریں تو زیادہ کامیابی مل سکتی ہے۔ مرتضی وہاب اپنی میئر شپ بچانے کے لیے جھوٹ کا سہارا لے رہے ہیں۔
ترجمان ن لیگ سندھ نے کہا کہ مرتضیٰ وہاب کے بقول کراچی پیرس بن چکا ہے، پیپلزپارٹی کا وتیرہ ہے جھوٹ بھی اس طرح بولو کہ سچ کا گمان آئے۔
ترجمان میئر کراچی کا ردعمل:
ترجمان میئر کراچی معظم قریشی نے اپنے بیان میں کہا ہے کہ میئر کراچی پر بے بنیاد الزامات لگانا ن لیگ کا پرانا وتیرہ ہے۔ ن لیگ والوں کو کراچی کی ترقی ہضم نہیں ہو رہی۔ جنہیں اپنے دور کی کارکردگی یاد نہیں، وہ آج ہمیں لیکچر دے رہے ہیں۔
ترجمان میئر کراچی نے کہا کہ میئر کراچی شہر کی تعمیر و ترقی کے لیے دن رات محنت کر رہے ہیں۔ ن لیگ کے الزامات سیاسی قد بڑھانے کی ناکام کوشش ہیں۔ ن لیگ بتائے کراچی کے لیے ان کے دور میں کیا ایک منصوبہ مکمل ہوا؟۔
ترجمان نے کہا کہ کراچی کو تنقید نہیں عملی کام کی ضرورت ہے جو میئر کراچی کر رہے ہیں۔میئر کراچی کی کارکردگی سے مخالفین خوفزدہ ہیں، شہر کے ہر ضلع میں ترقیاتی کام جاری ہیں، یہ حقیقت ن لیگ کو نظر نہیں آتی، ن لیگ کا سیاسی تھیٹر عوام مسترد کر چکی ہے، کراچی بیانات سے نہیں خدمت سے سنورے گا۔
عوام کو اکیلا نہیں چھوڑوں گی اور ان کے حقوق کیلیے آواز بلند کرتی رہوں گی، مریم نواز