کراچی کی تیز بڑھتی آبادی عالمی میگا سٹیز کو پیچھے چھوڑنے لگی، اعزاز ملنے کے قریب
اشاعت کی تاریخ: 20th, November 2025 GMT
data-id="863a0a8" data-element_type="widget" data-widget_type="theme-post-content.default">
کراچی: شہر قائد کے بارے میں اقوام متحدہ کی تازہ رپورٹ نے ایک بار پھر دنیا کی توجہ کراچی کی غیر معمولی شہری وسعت کی طرف مبذول کرا دی۔
’’ورلڈ اربنائزیشن پروسپیکٹس 2025‘‘ کے عنوان سے جاری ہونے والی اس رپورٹ میں بتایا گیا ہے کہ آنے والے برسوں میں کراچی کا شمار نہ صرف دنیا کے بڑے شہروں میں ہوگا بلکہ آبادی کے اعتبار سے یہ کئی عالمی میگا سٹیز کو بھی پیچھے چھوڑ دے گا۔
رپورٹ کے مطابق 2025 سے 2030 کے درمیان پاکستان کا یہ معاشی مرکز ٹاپ ٹین میگا سٹیز کی فہرست میں جگہ بنالے گا، جب کہ 2050 تک شہر کی آبادی بڑھ کر تقریباً تین کروڑ تیس لاکھ کے قریب پہنچ سکتی ہے۔ اس حیران کن اضافے کے بعد کراچی دنیا کے پانچ سب سے بڑے شہروں میں شامل ہوسکتا ہے۔
اقوام متحدہ کا کہنا ہے کہ کراچی کی آبادی میں تیزی سے اضافہ اسے قاہرہ، ٹوکیو، گوانگزو، منیلا اور کولکتہ جیسے شہروں کے ہم پلہ بلکہ بعض معاملات میں ان سے بھی آگے لے جائے گا۔ شہر کا موجودہ شہری دباؤ 25 ہزار افراد فی مربع کلومیٹر تک پہنچ چکا ہے، جو دنیا کے چند انتہائی گنجان آباد شہروں میں شمار ہوتا ہے۔
ماہرین کے مطابق اس رفتار سے بڑھتی آبادی مستقبل میں شہری منصوبہ بندی، ٹرانسپورٹ، رہائش، ماحولیات اور بنیادی سہولتوں کے شعبوں پر شدید اثرات ڈال سکتی ہے۔
رپورٹ میں یہ دلچسپ اعداد و شمار بھی سامنے آئے ہیں کہ 1975 میں دنیا میں صرف 8 بڑے شہر تھے، جو 2025 تک بڑھ کر 33 تک پہنچ چکے ہیں اور ان میں سے نصف سے زیادہ یعنی 19 شہر ایشیا میں واقع ہیں۔
ادارے نے پیشگوئی کی ہے کہ 2050 تک عالمی میگا سٹیز کی تعداد 37 تک جا سکتی ہے۔ اس دوران ڈھاکا دنیا کا سب سے بڑا شہر بننے کی دوڑ میں سب سے آگے ہوگا، جب کہ ٹوکیو کی آبادی میں مسلسل کمی کے باعث اس کا عالمی درجہ نیچے آنے کا امکان ظاہر کیا گیا ہے۔
اقوام متحدہ کا کہنا ہے کہ دنیا تیزی سے شہری طرزِ زندگی کی طرف بڑھ رہی ہے۔ 1950 میں عالمی آبادی کا محض 20 فیصد حصہ شہروں میں رہتا تھا، جو اب بڑھ کر تقریباً نصف تک پہنچ چکا ہے۔ صرف 2000 سے 2025 تک 1.
رپورٹ کے مطابق اگرچہ دنیا بھر کے 3 ہزار سے زائد شہروں میں 2015 سے 2025 کے دوران آبادی میں کمی ریکارڈ کی گئی ہے، تاہم پاکستان سمیت کئی ترقی پذیر ممالک میں شہری آبادی مسلسل تیزی سے بڑھ رہی ہے۔
ذریعہ
ذریعہ: Jasarat News
کلیدی لفظ: میگا سٹیز
پڑھیں:
رائیونڈ کا ایک شہری اب آزاد کشمیر کا وزیراعظم بننا چاہتا ہے، بلاول بھٹو
لاہور(ڈیلی پاکستان آن لائن)پاکستان پیپلزپارٹی کے چیئرمین بلاول بھٹو نے کہا ہے کہ رائیونڈ کا ایک شہری اب آزاد کشمیر کا وزیراعظم بننا چاہتا ہے اور ان کی خواہش ہے کہ وزیراعظم پاکستان ہی آزاد کشمیر کا وزیراعظم منتخب کرے۔آزاد کشمیر کے علاقے میرپور میں انتخابی جلسے سے خطاب کرتے ہوئے بلاول بھٹو نے ایک بار پھر حق حکمرانی، مالکیت اور حق روزگار کا انتخابی ایجنڈا دہراتے ہوئے کہا کہ اگر کشمیریوں نے انتخابات میں ووٹ دے کر اکثریت دلوائی تو یہ تینوں مسائل حل کردیں گے۔
بلاول بھٹو نے کہا کہ کشمیر میں گزشتہ چھ ماہ سے ہماری حکومت ہے اور یہاں پر جو کام کیے اُن پر فخر ہے۔ انہوں نے کہا کہ سڑکوں کی بات کرنے والوں کو پنجاب کی سڑکیں ہی ٹھیک لگتی ہیں اور کہتے ہیں کہ صوبے سے نکلتے ہی سڑکیں خراب ہیں۔ انہوں نے تنقید کرتے ہوئے کہا کہ یہ لوگ رائیونڈ کو پنجاب سمجھتے ہیں کیونکہ اندرون صوبے کی حالت بہت بری ہے اور انہیں اس کی کوئی پرواہ بھی نہیں ہے۔ بلاول کا کہنا تھا کہ اب یہ چاہتے ہیں کہ وزیراعظم آزاد کشمیر کا فیصلہ اسلام آباد سے ہو اور رائیونڈ کا ایک شہر اب آزاد کشمیر کا وزیراعظم بننے کا خواہش مند ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
مزید :
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی