فائرنگ، حادثات اور تصادم کے واقعات‘7 افراد جاں بحق
اشاعت کی تاریخ: 9th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) شہر کے مختلف علاقوں میں فائرنگ، گھریلو جھگڑے اور ٹریفک حادثات میں 7 افراد جاں بحق جبکہ 2 زخمی ہوگئے۔اورنگی ٹاؤن سیکٹر ساڑھے گیارہ میں گھریلو جھگڑے کے دوران فائرنگ سے 35 سالہ محمد حسین جاں بحق ہوا، پولیس کے مطابق مقتول کی اہلیہ نے ہی پستول سے فائر کیا، آلہ قتل برآمد اور خاتون گرفتار کرلی گئی۔پیر بازار میں ڈکیتی مزاحمت پر فائرنگ سے 28 سالہ ہاشم جاں بحق اور 60 سالہ سہیل زخمی ہوا۔ کورنگی ضیا کالونی میں پانی کے ٹینکر کی ٹکر سے 14 سالہ حافظِ قرآن اسماعیل جاں بحق ہوا، ڈرائیور عبدالرحمن گرفتار کرلیا گیا۔اسٹیل ٹاؤن جناح گیٹ کے قریب دو موٹر سائیکلوں کے تصادم میں طاہر حسین اور دلاور موقع پر جاں بحق ہوگئے، ناظم آباد میں ٹریفک حادثے میں 40 سالہ امجد جاں بحق ہوا۔ادھر آرام باغ میں فٹ پاتھ سے 55 سالہ نامعلوم شخص کی لاش ملی جبکہ کورنگی چمڑا چورنگی پر فائرنگ سے 20 سالہ غلام مرتضیٰ زخمی ہوگیا۔
ذریعہ
ذریعہ: Jasarat News
پڑھیں:
کراچی میں کھلے مین ہول میں گر کر 7 سالہ بچہ جاں بحق
شہر قائد کے علاقے مواچھ گوٹھ میں کھلے مین ہول میں گر کر 7 سالہ بچہ جاں بحق ہوگیا۔
ایکسپریس نیوز کے مطابق مواچھ گوٹھ کے نور شاہ محلے میں 7 سالہ بچہ کھلے مین ہول میں گرکر جاں بحق ہوا جس کی شناخت جہانگیر کے نام سے کی گئی۔
ایس ایچ او موچکو واقعے کی تصدیق کی اور بتایا کہ بچہ گھر کے قریب کھیلتے ہوئے کھلے مین ہول میں گرا۔
کھلے مین ہول میں گرکر بچے کی ہلاکت پر اہل خانہ شدت غم سے نڈھال ہوگئے اور واقعے کے بعد علاقہ مکینوں میں شدید اشتعال پھیل گیا۔
مواچھ گوٹھ میں کھلے مین ہول میں گرنے سے بچے کی ہلاکت کے بعد علاقہ مکینوں نے بچے کی میت رکھ کر احتجاج کیا اور حب ریور روڈ و ناردرن بائی پاس پر ٹریفک کو بند کردیا۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی