نیو کراچی ٹاؤن اور اسٹیٹ لائف کے درمیان گروپ انشورنس کا معاہدہ
اشاعت کی تاریخ: 9th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) نیو کراچی ٹاؤن اور اسٹیٹ لائف انشورنس پاکستان کے درمیان ملازمین کے لیے گروپ انشورنس کے حوالے سے ایک اہم معاہدہ طے پا گیا۔ معاہدے پر دستخط کی تقریب نیو کراچی ٹاؤن آفس میں منعقد ہوئی جس میں اسٹیٹ لائف انشورنس پاکستان کا نمائندہ وفدکے سر براہ G I کمالی، چیئرمین نیو کراچی ٹاؤن محمد یوسف، وائس چیئرمین شعیب بن ظہیراور فنانس ڈیپارٹمنٹ کے افسر سید محمد سلمان شریک ہوئے۔اس موقع پر چیئرمین نیو کراچی ٹاؤن محمد یوسف نے کہا کہ یہ معاہدہ محض ایک رسمی کارروائی نہیں بلکہ ملازمین کی فلاح و بہبود کے لیے ایک عملی قدم ہے اور نیو کراچی ٹاؤن اسٹیٹ لائف انشورنس پاکستان کو سالانہ 7457406(چوہترلاکھ ستاون ہزار چار سو چھ روپے ) پرئمیم کی مد میں ادا کرے گا ،انہوں نے کہا کہ سندھ حکومت اور کے ایم سی کے طے شدہ ضوابط کے مطابق ہر بلدیاتی ادارے کے لیے اسٹیٹ لائف انشورنس کے ساتھ گروپ انشورنس کا معاہدہ کرنا لازم ہے، اور آج یہ قانونی تقاضہ نیو کراچی ٹاؤن کی سطح پر بخوبی پورا کر لیا گیا ہے۔
ذریعہ: Jasarat News
کلیدی لفظ: اسٹیٹ لائف انشورنس نیو کراچی ٹاو ن
پڑھیں:
حماس نے شہیدان محمد السنوار اور یحییٰ السنوار کی لاشوں کی واپسی کا مطالبہ کر دیا
آج صبح امریکی صدر کے سینئر مشیران "جیرڈ کشنر" اور "اسٹیو ویٹکاف" شرم الشیخ پہنچے، جہاں غزہ میں مستقل جنگبندی اور قیدیوں کے تبادلے كیلئے "ڈونلڈ ٹرامپ" کے پیش کردہ منصوبے پر اسرائیل اور حماس کے درمیان مذاکرات جاری ہیں۔ اسلام ٹائمز۔ اس وقت ثالثین کی مدد سے مصر کے شرم الشیخ میں فلسطین کی مقاومتی تحریک "حماس" اور اسرائیل کے درمیان مذاکرات جاری ہیں۔ ان مذاکرات میں وال اسٹریٹ جرنل اخبار کی رپورٹ کے مطابق حماس نے مطالبہ کیا کہ شہید یحییٰ السنوار اور ان کے بھائی شہید محمد السنوار کی لاشیں ہمارے حوالے کی جائیں۔ واضح رہے کہ یحییٰ السنوار نے غزہ کی پٹی میں حماس کی قیادت سنبھالنے کے بعد شہادت پائی تھی۔ مذکورہ اخبار نے بتایا کہ حماس نے عمر قید کی سزا پانے والے اپنے متعدد ساتھیوں کی رہائی کے ساتھ ساتھ شہید یحییٰ اور محمد السنوار کی لاشوں کی حوالگی کا بھی مطالبہ کیا۔ یاد رہے کہ صیہونی رژیم پہلے ہی یحییٰ السنوار کے جسد خاکی کو ایک خفیہ مقام پر منتقل کرنے کے بعد اسے حوالے کرنے سے انکار کر چکی ہے۔
دوسری جانب روئٹرز نیوز ایجنسی نے مذاکرات سے باخبر ذرائع کا حوالہ دیتے ہوئے بتایا کہ اگلے 24 گھنٹوں میں معاہدے کی قسمت کا فیصلہ ہو جائے گا۔ واضح رہے کہ آج صبح امریکی صدر کے سینئر مشیران "جیرڈ کشنر" اور "اسٹیو ویٹکاف" شرم الشیخ پہنچے، جہاں غزہ میں مستقل جنگ بندی اور قیدیوں کے تبادلے كے لئے "ڈونلڈ ٹرامپ" کے پیش کردہ منصوبے پر اسرائیل اور حماس کے درمیان مذاکرات جاری ہیں۔ آج کے مذاکرات میں صیہونی وفد کے سربراہ، اسٹریٹجک امور کے وزیر "ران ڈرمر"، قطر کے وزیر اعظم "شیخ محمد بن عبدالرحمٰن آل ثانی"، اور ترکیہ کے انٹیلی جنس چیف "ابراہیم کالن" بھی شامل ہوں گے۔ مصری ذرائع کے مطابق، حماس نے متعدد عمر قید کے قیدیوں کی رہائی کا مطالبہ کیا ہے، جن میں PLO کے مروان البرغوثی بھی شامل ہیں۔
گلوکار زوبین گارگ کی موت، ساتھی گلوکارہ کو گرفتار کرلیا گیا