جاپان نے دنیا کا پہلا ہائیڈروجن سے چلنے والا ریموٹ کنٹرول ٹریکٹر متعارف کرادیا
اشاعت کی تاریخ: 15th, October 2025 GMT
ٹوکیو (نیوز ڈیسک) جاپان نے زراعت کے شعبے میں نئی تاریخ رقم کرتے ہوئے دنیا کا پہلا ہائیڈروجن سے چلنے والا ریموٹ کنٹرول ٹریکٹر متعارف کرا دیا ہے۔ یہ جدید ٹیکنالوجی زرعی دنیا میں ایک بڑے انقلاب کے طور پر دیکھی جا رہی ہے۔
ماہرین کے مطابق یہ ٹریکٹر نہ صرف ماحولیاتی آلودگی میں نمایاں کمی لائے گا بلکہ کسانوں کی محنت اور وقت کی بچت میں بھی مددگار ثابت ہوگا۔ ہائیڈروجن فیول سیل سے چلنے والا یہ ٹریکٹر مکمل طور پر ماحول دوست ہے اور کسی قسم کا دھواں یا کاربن پیدا نہیں کرتا۔
یہ جدید مشین ریموٹ کنٹرول کے ذریعے چلائی جا سکتی ہے، جس سے کسان دور بیٹھ کر اپنے کھیتوں میں ہل چلا سکتے ہیں، بیج بو سکتے ہیں یا دیگر زرعی کام انجام دے سکتے ہیں۔
زرعی ماہرین کا کہنا ہے کہ جاپان کا یہ قدم نہ صرف سمارٹ فارمنگ کی جانب ایک بڑا قدم ہے بلکہ آنے والے وقت میں دنیا بھر میں زراعت کے طریقہ کار کو بدل کر رکھ دے گا۔
ٹیکنالوجی کے اس نئے دور میں جاپان نے ایک بار پھر ثابت کر دیا ہے کہ جدید سوچ اور ماحول دوست اقدامات ہی مستقبل کی کامیاب زراعت کی ضمانت ہیں۔
.ذریعہ: Daily Mumtaz
پڑھیں:
سندھ بلڈنگ گلبرگ ٹاؤن میں نمائشی کارروائیاں غیرقانونی تعمیرات بھی جاری
ڈائریکٹر جعفر امام صدیقی کی نگرانی میں بلڈنگ قوانین کی خلاف ورزیاں ، مکین تنگ
عزیز آباد نمبر 2 کے پلاٹ 1142 پر منہدم شدہ کمرشل یونٹس کی ازسرنو تعمیرشروع
ضلع وسطی گلبرگ ٹاؤن کے علاقے عزیز آباد بلاک 2 میں واقع پلاٹ نمبر 1142 پر سندھ بلڈنگ کنٹرول اتھارٹی کی کارروائی کے محض چند ماہ بعد ہی غیرقانونی تعمیرات کا سلسلہ دن کے اجالے میں جاری ہے ۔مقامی ذرائع کے مطابق،ڈائریکٹر سندھ بلڈنگ کنٹرول اتھارٹی جعفر امام صدیقی کی سربراہی میں منہدم کی جانے والی عمارتوں، کمرشل پورشن یونٹ اور دکانوں کی ازسرنو تعمیر کا آغاز ہو چکا ہے ۔ یہ عمل اتھارٹی کے انہدامی اقدامات کی اثر پذیری پر سوالات کھڑے کر رہا ہے ۔جرأت سروے ٹیم سے بات کرتے ہوئے مقامی رہائشیوں کا کہنا ہے کہ غیرقانونی تعمیرات کی دوبارہ تعمیر سے نہ صرف بلڈنگ قوانین کی پامالی ہو رہی ہے بلکہ شہری تحفظ کے مسائل بھی پیدا ہو رہے ہیں۔سندھ بلڈنگ کنٹرول اتھارٹی کے ترجمان نے اس معاملے پر تبصرہ کرتے ہوئے کہا ہے کہ ’’غیرقانونی تعمیرات کے خلاف قانونی کارروائی جاری ہے اور منہدم کی گئی عمارتوں کی ازسرنو تعمیر کی صورت میں مزید سخت اقدامات اٹھائے جائیں گے ‘‘۔مگر زمینی حقائق اس کے برعکس ہیں ،شہری حلقوں کا وزیر بلدیات سے مطالبہ ہے کہ عزیز آباد میں غیرقانونی تعمیرات کے خلاف نہ صرف فوری کارروائی کی جائے بلکہ ایسے واقعات کی روک تھام کے لیے مؤثر نگرانی کا نظام بھی قائم کیا جائے ۔
چین :جوہری دھماکے برداشت کرنے کے قابل جزیرے کی تیاری