فیصل آباد چیمبر آف کامرس اینڈ انڈسٹری کی انکم ٹیکس ریٹرن داخل کرانے کی تاریخ میں کم از کم ایک ماہ کی توسیع کی اپیل
اشاعت کی تاریخ: 15th, October 2025 GMT
فیصل آباد (اُردو پوائنٹ اخبارتازہ ترین - اے پی پی۔ 15 اکتوبر2025ء) فیصل آباد چیمبر آف کامرس اینڈ انڈسٹری کے صدر فاروق یوسف شیخ نے انکم ٹیکس ریٹرن داخل کرانے کی تاریخ میں کم از کم ایک ماہ کی توسیع کی اپیل کی ہے۔
(جاری ہے)
انہوں نے کہا کہ سیلاب کی تباہی کی وجہ سے متاثرہ علاقوں میں ابھی تک حالات معمول پر نہیں آسکے جبکہ سعودی عرب کے نزدیک کیبل میں خرابی، ایف بی آر کے سسٹم سے متعلقہ مسائل اور اندرونی حالات کی وجہ سے کئی شہروں میں انٹر نیٹ سروس کی بندش سے لوگوں کی بڑی تعداد بروقت انکم ٹیکس ریٹرن داخل نہیں کرا سکی اور اس وقت بھی ایف بی آر کے سسٹم کی سست روی کی وجہ سے ٹیکس دہندگان اور ان کے وکلاکو پریشانی کا سامنا ہے۔
انہوں نے کہاکہ اگر انکم ٹیکس ریٹرن داخل کرانے کی تاریخ میں توسیع نہ کی گئی تو ایف بی آر کیلئے محاصل کی وصولیوں کے اہداف بھی پورے نہیں ہو سکیں گے اسلئے موجودہ 15اکتوبر کی تاریخ میں کم از کم ایک ماہ کی مزید توسیع کی جائے تاکہ لوگ اطمینان سے اپنی ٹیکس ریٹرن داخل کراسکیں۔.ذریعہ: UrduPoint
کلیدی لفظ: تلاش کیجئے انکم ٹیکس ریٹرن داخل کی تاریخ میں
پڑھیں:
ضمنی انتخابات: قومی و صوبائی اسمبلی کے کامیاب امیدواروں کے نوٹیفکیشن جاری
data-id="863a0a8" data-element_type="widget" data-widget_type="theme-post-content.default">
اسلام آباد: الیکشن کمیشن آف پاکستان نے ضمنی انتخابات کے سلسلے میں قومی اور صوبائی اسمبلی کے متعدد حلقوں سے کامیاب ہونے والے امیدواروں کے باضابطہ نوٹیفکیشن جاری کر دیے ہیں۔
نوٹی فکیشن کے ذریعے قومی اسمبلی کے 5 جب کہ پنجاب اسمبلی کے 7 حلقوں کے نتائج کی تصدیق کر دی گئی ہے۔ اس موقع پر الیکشن کمیشن نے یہ بھی واضح کیا کہ تمام نوٹیفکیشنز سرکاری طور پر گزیٹ آف پاکستان میں شائع کرنے کی ہدایت جاری کی جا چکی ہے، تاکہ ان کی قانونی حیثیت مکمل طور پر قائم ہو سکے۔
قومی اسمبلی کے حلقوں میں این اے 18 ہری پور سے بابر نواز خان، این اے 104 فیصل آباد سے دانیال احمد، این اے 129 لاہور سے محمد نعمان، این اے 143 ساہیوال سے محمد طفیل اور این اے 185 ڈیرہ غازی خان سے محمود قادر خان کو کامیاب قرار دیا گیا ہے۔
فیصل آباد کے حلقہ این اے 96 کا نوٹیفکیشن جاری نہیں کیا گیا۔ اس کی وجہ ضابطہ اخلاق کی خلاف ورزی کا کیس ہے جس میں طلال چوہدری کے بھائی بلال چوہدری کا معاملہ زیرِ التوا ہے۔ الیکشن کمیشن نے مؤقف اختیار کیا تھا کہ اس کیس کا فیصلہ ہونے تک این اے 96 کا نوٹیفکیشن روکا جائے گا۔
پنجاب اسمبلی کی نشستوں میں پی پی 73 سرگودھا سے میاں سلطان علی رانجھا، پی پی 87 میانوالی سے علی حیدر نور خان نیازی، پی پی 98 فیصل آباد سے اعزاز علی تبسم، پی پی 115 فیصل آباد سے محمد طاہر پرویز، پی پی 116 فیصل آباد سے احمد شہریار، پی پی 203 ساہیوال سے محمد حنیف اور پی پی 269 مظفرگڑھ سے میاں علمدار عباس قریشی کو کامیاب قرار دیا گیا ہے۔
واضح رہے کہ پنجاب کے مختلف علاقوں میں ہونے والے ان انتخابات کو الیکشن کمیشن نے مجموعی طور پر شفاف قرار دیا ہے اور نتائج کی تصدیق کے بعد امیدواروں کی کامیابی کو حتمی شکل دے دی گئی ہے۔
الیکشن کمیشن کے مطابق انتخابی مراحل کی تکمیل اور باضابطہ نوٹیفکیشن کے اجرا کے بعد ان امیدواروں کی اسمبلیوں میں شمولیت کا عمل جلد مکمل ہوگا۔ انتخابی عمل کے دوران ضابطہ اخلاق کی پابندی کے حوالے سے کمیشن نے دوبارہ یہ اعادہ کیا کہ جہاں خلاف ورزی ثابت ہوگی وہاں کارروائی لازمی ہوگی اور این اے 96 کا التواء اسی پالیسی کا حصہ ہے۔
کمیشن نے امیدواروں اور سیاسی جماعتوں پر زور دیا کہ انتخابی قوانین پر سختی سے عمل درآمد کیا جائے تاکہ انتخابی عمل کو مزید شفاف اور قابلِ اعتماد بنایا جا سکے۔
بچے ہمارا مستقبل ... ان کے حقوق کا تحفظ یقینی بنانے کیلئے ہنگامی اقدامات کرنا ہوں گے!!