ملک بھر میں قومی انسدادِ پولیو مہم تیسرے روز بھی جاری
اشاعت کی تاریخ: 15th, October 2025 GMT
اسلام آباد (اُردو پوائنٹ اخبارتازہ ترین - اے پی پی۔ 15 اکتوبر2025ء) ملک بھر میں قومی انسدادِ پولیو مہم تیسرے روز بھی جاری ہے،مہم کے ابتدائی 2روز کے دوران ملک بھر میں 2 کروڑ 54 لاکھ سے زائد بچوں کو پولیو سے بچاؤ کے قطرے پلائے گئے۔ قومی ایمرجنسی آپریشن سینٹر (این ای او سی) کی جانب سے جاری تفصیلات کے مطابق پنجاب میں ایک کروڑ 43 لاکھ بچوں کو پولیو سے بچاؤ کے قطرے پلائے گئے۔
سندھ میں 50 لاکھ 19 ہزاربچوں ،خیبر پختونخوا میں 37 لاکھ 74 ہزار بچوں جبکہ بلوچستان میں 14 لاکھ 50 ہزار بچوں کو پولیو سے بچاؤ کے قطرے پلائے گئے۔اسلام آباد میں 2 لاکھ 3 ہزار بچوں کو پولیو سے بچاؤ کے قطرے پلائے گئے، گلگت بلتستان میں ایک لاکھ 87 ہزار بچوں ، آزاد کشمیر میں 4 لاکھ 81 ہزار بچوں کو پولیو سے بچاؤ کے قطرے پلائے گئے۔(جاری ہے)
قومی ایمرجنسی آپریشن سینٹر کے حکام نے کہا ہے کہ ملک بھر میں رواں ہفتے 4 کروڑ 50 لاکھ سے زائد بچوں کو ویکسین پلانے کے لئے مربوط اقدامات جاری ہیں۔
انہو ں نے کہا کہ پولیو ایک خطرناک بیماری ہے جو معصوم بچوں کو عمر بھر کی معذوری میں مبتلا کر دیتی ہے۔انسدادِ پولیو مہم کی کامیابی میں والدین اور کمیونٹی کا کردار انتہائی اہم ہے۔انہوں نے والدین سے اپیل ہے کہ وہ اپنے 5 سال سے کم عمر کے بچوں کو پولیو سے بچائو کے قطرے لازمی پلوائیں۔.
ذریعہ
ذریعہ: UrduPoint
کلیدی لفظ: تلاش کیجئے بچوں کو پولیو سے بچاؤ کے قطرے پلائے گئے ملک بھر میں ہزار بچوں
پڑھیں:
کوہستان اسکینڈل منظر عام پر لانے والے صحافی کو اعزاز سے نواز دیا گیا
فائل فوٹوچیئرمین قومی احتساب بیورو (نیب) لیفٹیننٹ جنرل (ر) نذیر احمد نے کوہستان اسکینڈل منظر عام پر لانے والے صحافی کو اعزاز سے نواز دیا۔
کوہستان مالیاتی کرپشن کیس میں قومی احتساب بیورو (نیب) نے 6 ارب روپے کے اثاثے ریکور کرکے خیبرپختونخوا حکومت کے حوالے کردیے جبکہ مزید ریکوری کا عمل جاری ہے۔
پشاور میں ایک خصوصی تقریب کے دوران لیفٹیننٹ جنرل (ر) نذیر احمد نے جنگ اور جیو گروپ کے سینئر صحافی ارشد عزیز ملک کو خصوصی شیلڈ اور سرٹیفکیٹ دیا۔
جنگ اور جیو نے 30 اپریل 2025ء کو کوہستان میں سرکاری بینک اکاؤنٹس سے 40 ارب روپے کی خرد برد کی خبر بریک کی تھی، کوہستان اسکینڈل ملکی تاریخ کا بڑا مالیاتی اسکینڈل تھا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ