پی ٹی آئی والے مجھے کیڑوں مکوڑوں سے تشبیہ دیتے تھے، بابر نواز
اشاعت کی تاریخ: 27th, November 2025 GMT
مسلم لیگ ن کے ٹکت پر ہری پور سے ضمنی انتخاب میں رکن قومی اسمبلی منتخب ہونے والے بابر نواز(فائل فوٹو)۔
ضمنی انتخابات میں عمر ایوب کی اہلیہ کو شکست دینے والے بابر نواز نے کہا ہے کہ پی ٹی آئی والے مجھے کیڑوں مکوڑوں سے تشبیہ دیتے اور میری جسامت پر بات کرتے تھے۔
جیو نیوز سے گفتگو کرتے ہوئے بابر نواز نے کہا کہ عوام کیلئے دن رات محنت کروں گا، عوام کی سوچ کو لے کر آگے چلوں گا۔
انکا مزید کہنا تھا کہ میں اپنے علاقے کی تعمیر وترقی کیلیے بھرپور کردار ادا کروں گا۔
بابر نواز خان نے کہا کہ میرے ہجرے کا دروازہ نہیں ہے، اس لیے کہ کسی کو کھٹکھٹانا نہیں پڑے۔
حالیہ ضمنی انتخابات میں پاکستان مسلم لیگ ن کے بابر نواز سے ہری پور کے حلقہ این اے 18 سے ایک لاکھ 63 ہزار 817 ووٹ لے کر کامیابی حاصل کی تھی۔
آزاد امید وار شہرناز عمر ایوب نے ایک لاکھ 20 ہزار 395 جبکہ پاکستان پیپلز پارٹی کی ارم فاطمہ نے7 ہزار 38 ووٹ حاصل کیے تھے۔
ذریعہ
ذریعہ: Jang News
کلیدی لفظ: بابر نواز
پڑھیں:
کسی کی برائی کرکے نہیں کارکردگی پر ووٹ مانگتے ہیں، نوازشریف
صدر مسلم لیگ (ن) نوازشریف(nawaz shrif) کا کہنا ہے کہ کسی پر تنقید کرکے،کسی کی برائی کرکے ووٹ نہیں مانگتا بلکہ اپنی کارکردگی کی بنیاد پر ووٹ مانگتے ہیں۔
گلگت میں انتخابی جلسے سے خطاب کرتے ہوئے نواز شریف کا کہنا تھا کہ کسی پارٹی یا حکومت کے خلاف بات نہیں کرنا چاہتا، حکومت ملنے پر کیوں اس علاقے کو نظر انداز کیا گیا؟
کیوں اس علاقے پر توجہ نہیں دی گئی؟ جب وزیراعظم تھا تو کئی بار گلگت آیا اور اسکردو گیا تھا، کئی برسوں بعد آپ سے گفتگو کرکے بہت خوشی ہورہی ہے۔
نوازشریف نے کہا کہ وزیراعلیٰ اور وزیراعظم بننے سے بھی پہلے گلگت،اسکردو آیاتھا، گلگت، بلتستان، اسکردو سے مجھے دلی محبت ہے، جس گلگت کو میں جانتا تھا وہ گلگت کہاں ہے؟ میرا دل روتا ہے کہ آپ کا پیسہ آپ پر کیوں نہیں لگا یاگیا۔
صدر مسلم لیگ (ن) نے کہا کہ کسی ایک پارٹی نے یہاں منصوبے کی بنیاد نہیں رکھی، جومیرےزمانے میں ایئرپورٹ تھا، آج بھی وہی ہے، شہبازشریف سے کہوں گا اس ایئرپورٹ کو بڑا کریں، جیٹ طیارے لینڈ کرنے اور ٹیک آف کی گنجائش پیدا کریں گے۔
نوازشریف کا کہنا تھا کہ خیبرپختونخوا میں لواری ٹنل 70سال سے مکمل نہیں ہورہی تھی، ہم نے اربوں روپےخرچ کرکے لواری ٹنل مکمل کی، یہاں منصوبہ شروع ہوتا ہے تو مکمل ہونے کا نام نہیں لیتا۔
گلگت بلتستان میں 10،10 اور12،12گھنٹےکی لوڈشیڈنگ منظور نہیں۔ ووٹ ملے نہ ملے، آپ کو ان چیزوں سے محروم نہیں کرسکتے۔
سابق وزیراعظم نے کہا کہ ہماری حکومت آئی تو یہاں ہر دوسرے تیسرے ماہ آتارہوں گا، اپنی نگرانی میں منصوبے مکمل کراؤں گا، تمام اسٹیک ہولڈرز کو بٹھا کر آپ کے حق میں فیصلہ کریں گے۔ تجارت بڑھنے پر گلگت بلتستان بہت خوشحال ہوجائے گا۔
مزید پڑھیں:پائیدارمعاشی ترقی کیلئے صنعت وپیداوار اور بیرونی سرمایہ کاری میں اضافہ ناگزیر ہے، وزیر اعظم
نوازشریف نے کہا کہ مجھے کیوں نکالا؟ کیوں مجھے ملک چھوڑ کر جانا پڑا؟ کیوں مجھے جیلوں میں ڈالا گیا۔ قصور آپ کا بھی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ