بنگلادیش میں 5.7 شدت کا زلزلہ، 5 افراد ہلاک، 100 زخمی
اشاعت کی تاریخ: 21st, November 2025 GMT
بنگلادیش میں 5.7 شدت کے زلزلے کے نتیجے میں پانچ افراد ہلاک اور 100 سے زائد زخمی ہو گئے، جبکہ کئی عمارتیں بھی شدید متاثر ہوئی ہیں۔
غیر ملکی خبر ایجنسی کے مطابق بنگلادیش میں جمعہ کی صبح زلزلے کے شدید جھٹکوں نے خوف و ہراس مچا دیا، جس کی شدت 5.7 ریکٹر اسکیل پر ریکارڈ کی گئی، زلزلے کے جھٹکے تقریباً 26 سیکنڈ تک محسوس کیے گئے، جس کے باعث لوگ گھروں اور دفاتر سے باہر نکل آئے اور شہر میں اضطراب کی فضا قائم ہو گئی۔
جرمن ریسرچ سینٹر برائے جیوسائنسز کے مطابق زلزلے کا مرکز دارالحکومت ڈھاکہ کے قریب نرسنگدی شہر تھا، جبکہ اس کی گہرائی تقریباً 10 کلومیٹر تھی۔ جھٹکے نہ صرف بنگلا دیش میں محسوس کیے گئے بلکہ بھارتی شہر کولکتا اور شمال مشرقی بھارت کے بعض علاقوں میں بھی زلزلے کے اثرات دیکھے گئے۔
مقامی حکام اور خبر رساں ایجنسیوں کے مطابق اس زلزلے کے نتیجے میں کم از کم 5 افراد ہلاک اور 100 سے زائد زخمی ہوئے، جبکہ کئی عمارتوں کو بھی شدید نقصان پہنچا۔ زخمیوں میں ڈھاکہ یونیورسٹی کے طلبہ، گازی پور کے فیکٹری ورکرز اور نرسنگدی کے رہائشی شامل ہیں۔
فائر ڈیپارٹمنٹ کا کہنا ہے کہ کچھ افراد زیر تعمیر عمارتوں سے گرنے والے اینٹیں اور سیمنٹ کے ٹکڑوں کی زد میں آ کر زخمی ہوئے۔
زلزلے کے خوفناک مناظر کا مشاہدہ کرنے والے شہریوں نے بتایا کہ فرنیچر ہلنے لگا اور لوگ فوری طور پر سڑکوں پر نکل آئے۔ ایک ڈھاکہ کے رہائشی نے کہا، “میں نے اپنی زندگی میں ایسے زلزلے کے جھٹکے کبھی محسوس نہیں کیے۔ ہم دفتر میں تھے اور فوراً نیچے بھاگے، دیکھا کہ لوگ پہلے ہی سڑکوں پر موجود تھے۔”
بنگلادیش کی عبوری حکومت کے سربراہ محمد یونس نے ہلاکتوں پر گہرے صدمے کا اظہار کرتے ہوئے زخمیوں کے لیے فوری طبی امداد فراہم کرنے کی ہدایت دی۔ حکومت نے تمام متعلقہ محکموں کو ہدایات دی ہیں کہ متاثرہ علاقوں میں امدادی کارروائیاں تیز کی جائیں اور صورتحال پر مسلسل نظر رکھی جائے تاکہ کسی بھی ہنگامی صورتحال کا بروقت تدارک ممکن ہو سکے۔
.
ذریعہ
ذریعہ: Al Qamar Online
کلیدی لفظ: پاکستان کھیل زلزلے کے
پڑھیں:
سکیورٹی فورسز کی مختلف کارروائیوں میں 17 دہشت گرد جہنم واصل
پاک فوج کے شعبہ تعلقات عامہ کے مطابق بلوچستان کے مختلف اضلاع میں کارروائیوں کے دوران سکیورٹی فورسز نے دہشتگردوں کے ٹھکانوں کو مؤثر طریقے سے نشانہ بنایا۔ اسلام ٹائمز۔ آئی ایس پی آر کے مطابق 24 مئی ٹرین حادثے کے بعد سکیورٹی فورسز نے بلوچستان کے مختلف اضلاع میں میں انٹیلی جنس پر مبنی آپریشنز کئے، آپریشن کا سلسلہ مستونگ، نوشکی، زہری، خضدار اور کیچ میں شروع کیا گیا۔ پاک فوج کے شعبہ تعلقات عامہ کے مطابق کارروائیوں کے دوران سکیورٹی فورسز نے دہشتگردوں کے ٹھکانوں کو مؤثر طریقے سے نشانہ بنایا، شدید فائرنگ کے تبادلے میں ہندوستانی پراکسی فتنہ الہندوستان سے تعلق رکھنے والے 17 دہشت گردوں کو ہلاک کر دیا گیا۔
آئی ایس پی آر کے مطابق ہلاک دہشت گردوں کے قبضے سے اسلحہ، گولہ بارود، دھماکہ خیز مواد اور دیسی ساختہ بم بھی برآمد ہوئے، ہلاک دہشت گرد علاقے میں دہشت گرد کی متعدد کارروائیوں میں ملوث تھے۔ پاک فوج کے شعبہ تعلقات عامہ کے مطابق علاقوں میں کلیئرنس آپریشنز جاری ہے، عزمِ استحکام کے تحت انسداد دہشتگردی مہم پوری قوت سے جاری رہے گی، ملک سے بیرونی سرپرستی میں ہونے والی دہشتگردی کا خاتمہ کیا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ