سویڈن، بس نے اسٹاپ پر کئی افراد کو کچل دیا، متعدد افراد ہلاک
اشاعت کی تاریخ: 14th, November 2025 GMT
STOCKHOLM:
سویڈن کے دارالحکومت اسٹاک ہام میں بس نے اسٹاپ پر موجود افراد کو کچل دیا، جس کے نتیجے میں متعدد افراد ہلاک ہوگئے۔
غیرملکی خبرایجنسی کی رپورٹ کے مطابق سویڈن کی پولیس نے بتایا کہ اسٹاک ہوم کے وسطی علاقے میں بس اسٹاپ سے ایک بس ٹکرائی اور اس کے نتیجے میں ہلاکتیں ہوئیں تاہم یہ حملہ ہے یا حادثہ، واضح نہیں ہے۔
اسٹاک ہوم ریسکیو سروس کے ترجمان نے ہلاکتوں اور زخمیوں کی تعداد بتائے بغیر کہا کہ حادثے میں 6 افراد نشانہ بنے ہیں اور حادثے کے وقت بس پر کوئی مسافر سوار نہیں تھا۔
پولیس کے ترجمان نے بتایا کہ تفتیش کی جا رہی ہے کہ کیا یہ ہلاکتیں غیرارادی طور پر ہوئی ہیں یا کوئی حملہ تھا، بس ڈرائیور کو گرفتار کرلیا گیا ہے لیکن اس طرح کے حادثات میں یہ معمول کی بات ہے تاہم حملے کے حوالے سے کوئی نشان دہی نہیں کی گئی ہے۔
پولیس نے بتایا کہ حادثے میں ہلاک اور زخمی ہونے والی تعداد اور عمر کے حوالے سے کچھ نہیں بتائیں گے جبکہ پولیس اور ریسکیو سروس کی ٹیمیں جائے حادثہ پر کام کر رہی ہیں۔
حادثے کے حوالے سے پولیس نے مزید بتایا کہ بس کا حادثہ رائل انسٹی ٹیوٹ آف ٹیکنالوجی یونیورسٹی کے قریب پیش آیا ہے۔
سویڈن کے وزیراعظم اولف کرسٹیرسون نے سماجی رابطے کی ویب سائٹ پر بیان میں کہا کہ ہم حادثے کی وجہ نہیں جانتے ہیں لیکن اس وقت ہماری تمام تر ہمدردیاں متاثرہ افراد اور ان کے اہل خانہ کے ساتھ ہیں۔
.
ذریعہ: Express News
کلیدی لفظ: بتایا کہ
پڑھیں:
ابوالحسن اصفہانی روڈ سے متعدد افغان باشندے پکڑے گئے
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) شہر میں غیر قانونی قیام، منشیات اور جرائم میں ملوث گروہوں کے خلاف کارروائیوں کے سلسلے میں پولیس نے رات گئے مبینہ ٹائون کے علاقے ابوالحسن اصفہانی روڈ پر واقع رہائشی عمارتوں میں بڑے پیمانے پر سرچ آپریشن کیا۔ آپریشن میں پولیس کی بھاری نفری، لیڈیز پولیس اور انٹیلی جنس یونٹ کے اہلکار شامل تھے۔ عینی شاہدین کے مطابق کارروائی نصف شب کے بعد شروع ہوئی جس کے دوران علاقے کے داخلی و خارجی راستے سیل کر دیے گئے تاکہ کسی بھی مشتبہ شخص کو فرار ہونے کا موقع نہ ملے۔ پولیس اہلکاروں نے متعدد رہائشی فلیٹوں کی تلاشی لی اور مکینوں کے شناختی کوائف (CNICs) کی جانچ پڑتال کی۔ پولیس حکام کے مطابق آپریشن کے دوران متعدد افغان باشندوں کو حراست میں لیا گیا جن کے پاس مکمل دستاویزات موجود نہیں تھیں۔ ان افراد کوکریمنل ریکارڈ کی تصدیق کے لیے متعلقہ تھانے منتقل کر دیا گیا ہے۔ پولیس ذرائع نے انکشاف کیا ہے کہ خفیہ اطلاع ملی تھی کہ علاقے میں غیر قانونی طور پر مقیم افغان شہریوں کے ساتھ ساتھ کچھ جرائم پیشہ عناصر بھی پناہ لیے ہوئے ہیں جو اسٹریٹ کرائم اور منشیات فروشی جیسے جرائم میں ملوث ہیں۔ اسی اطلاع کی بنیاد پر آپریشن کی منصوبہ بندی کی گئی تھی۔ تحقیقاتی ذرائع کے مطابق ابوالحسن اصفہانی روڈ اور اس سے ملحقہ علاقوں میں حالیہ مہینوں کے دوران چوری، اسٹریٹ کرائم اور منشیات فروشی کے کیسز میں اضافہ ہوا ہے۔ پولیس کا کہنا ہے کہ بعض واقعات میں ایسے ملزمان ملوث پائے گئے جوجعلی یا غیر تصدیق شدہ شناختی کارڈ استعمال کر رہے تھے۔
ایس آئی اے نے سات کشمیریوں کے خلاف چارج شیٹ داخل کر دی