حکومت نے “ستھرا پنجاب پروگرام” کو قانونی شکل دیدی، اتھارٹی قائم
اشاعت کی تاریخ: 27th, November 2025 GMT
لاہور(نیوز ڈیسک) اتھارٹی صوبے بھر میں صفائی ستھرائی کے اقدامات کی نگرانی، بہتر منصوبہ بندی اور عمل درآمد کی ذمہ دار ہوگی۔حکومتِ پنجاب نے صوبے میں صفائی کے نظام کو مؤثر بنانے کے لیے ستھرا پنجاب پروگرام کو باقاعدہ قانونی شکل دے دی اور اس سلسلے میں ستھرا پنجاب اتھارٹی قائم کردی گئی ہے۔اتھارٹی صوبے بھر میں صفائی ستھرائی کے اقدامات کی نگرانی، بہتر منصوبہ بندی اور عمل درآمد کی ذمہ دار ہوگی۔ حکام کے مطابق اتھارٹی اپنا علیحدہ میکنزم تیار کرے گی جبکہ کوڑے کرکٹ سے بجلی بنانے کے منصوبوں پر بھی کام کیا جائے گا۔
صوبائی حکومت کے فیصلے کے مطابق وزیراعلیٰ پنجاب اتھارٹی کی چیئرپرسن ہوں گی جبکہ وزیر بلدیات اتھارٹی کے وائس چیئرپرسن مقرر کیے گئے ہیں۔مزید برآں ہر ضلع میں ستھرا پنجاب ایجنسی بھی بنائی جائے گی جس کے چیئرپرسن ڈپٹی کمشنر ہوں گے، جو ضلعی سطح پر صفائی کے تمام کاموں کی نگرانی کریں گے۔
.
ذریعہ: Daily Mumtaz
پڑھیں:
پی ٹی آئی نے پنجاب کے عوام کو آج اڈیالہ جیل پہنچنے کی کال دیدی
اسلام آباد+ صوابی (نیٹ نیوز+ نامہ نگار) تحریک انصاف کی چیف آرگنائزر پنجاب عالیہ حمزہ نے پنجاب کی عوام کو اڈیالہ جیل پہنچنے کی کال دے دی۔ بیان میں کہا پنجاب سے میری گزارش ہے آج 25 نومبر بروز منگل کو اڈیالہ جیل کے باہر ہم سب نے ایک آواز بن کر خان کی بہادر فیملی کے ساتھ کھڑا ہونا ہے۔ انہوں نے کہا کہ عمران خان سے ملاقات اْن کی فیملی کا آئینی، قانونی اور انسانی حق ہے، ہمیں ان ملاقاتوں کو روکنے کے خلاف آواز بلند کرنی ہے۔ انہوں نے تمام ایم این اے، ایم پی اے، ٹکٹ ہولڈرز، تنظیمی عہدیداروں، ورکرز اور تحریکِ انصاف کے درد مند سپورٹرز سے گزارش کی ہے کہ جب تک خان کے اہل خانہ وہاں موجود ہوں ہماری موجودگی لازم ہے۔ تمام ٹکٹ ہولڈرز کو ہدایت کی کہ وہ کم سے کم 4 کارکنان کو لے کر اڈیالہ جیل پہنچیں۔ ادھر پی ٹی آئی رہنما اور سابق سپیکر قومی اسمبلی اسد قیصر نے ضمنی انتخابات کو دھاندلی زدہ قرار دیتے ہوئے مطالبہ کیاکہ ان غیر شفاف نتائج کو فوری طور پر کالعدم قرار دیا جائے، ین اے18 میں الیکشن کمشن کی کھلی دھاندلی نے ایک بار پھر اس کا اصل چہرہ بے نقاب کر دیا ہے۔80 فیصد ووٹرز نے فراڈ انتخابات پر عدم اعتماد کا اظہار کر دیا، ایک بیان میں انہوں نے کہا کہ این اے18 ہری پور میں فارم45 کے مطابق تحریک انصاف کی امیدوار شہر ناز عمر ایوب خان27 ہزار ووٹوں کی واضح برتری سے کامیابی حاصل کر چکی تھیں، لیکن الیکشن کمشن نے حسبِ روایت رات کی تاریکی میں عوامی مینڈیٹ پر ڈاکہ ڈالا۔
الیکشن کمیشن کا نوٹس: رانا ثنا اللہ کو ضابطہ اخلاق کی خلاف ورزی پر طلب