ملائکہ اروڑا کے ’مسٹری مین‘ کون ہیں؟
اشاعت کی تاریخ: 27th, November 2025 GMT
—فوٹو بشکریہ بھارتی میڈیا
بالی ووڈ اداکارہ ملائکہ اروڑا ایک بار پھر افواہوں اور خبروں کی زینت بن گئی ہیں اور اس کی وجہ وہ پراسرار شخص ہے جو بار بار ان کے ساتھ نظر آ رہا ہے۔
اب اس شخص کی شناخت ہرش مہتا کے نام سے کر لی گئی ہے۔
بھارتی میڈیا کے مطابق اس حوالے سے قیاس آرائیوں میں اس وقت شدت آئی جب اس جوڑی کو ممبئی ایئر پورٹ پر دیکھا گیا۔
بالی ووڈ کی معروف ڈانسر و اداکارہ ملائکہ اروڑہ کی مخفی پوسٹ کے بعد مسٹری مین کے ساتھ ویڈیو سوشل میڈیا صارفین کی توجہ کا مرکز بن گئی۔
اگرچہ اس بار ان دونوں نے محتاط رہنے کی کوشش کی، ملائکہ آگے چل رہی تھیں اور ہرش کچھ قدم پیچھے چہرے پر کالا ماسک لگائے آ رہے تھے لیکن یہ احتیاط زیادہ دیر کارگر نہ رہ سکی، بالآخر دونوں ایک ہی گاڑی میں سوار ہو کر روانہ ہو گئے، گاڑی میں ہرش ملائکہ کے فوراً بعد بیٹھے، یہ منظر سوشل میڈیا پر ہلچل مچانے کے لیے کافی تھا۔
ہرش مہتا کو پہلی بار اداکارہ کے ساتھ ممبئی میں چند ہفتے قبل ایک کنسرٹ میں دیکھا گیا تھا، جس کے فوراً بعد سوشل میڈیا پر ان کے نئے رومانس کے حوالے سے چہ مگوئیاں شروع ہو گئی تھیں۔
غیر مصدقہ اطلاعات کے مطابق 33 سالہ ہرش مہتا ہیروں کے تاجر ہیں، اگر یہ اطلاعات درست ہیں تو وہ ملائکہ اروڑا سے 19 سال چھوٹے ہیں، جو اس سال 52 برس کی ہو چکی ہیں۔
عمر کے اس فرق نے مداحوں کے جوش کو کم کرنے کے بجائے مزید ہوا دی ہے۔
جب سے ملائکہ اور ہرش کو ایک ساتھ دیکھا گیا ہے، سوشل میڈیا صارفین اس نوجوان کے بارے میں معلومات کھوجنے میں مصروف ہیں۔
تبصروں کے سیکشنز میں صارفین کی جانب سے طرح طرح کی آراء سامنے آ رہی ہیں، ایک صارف نے لکھا ہے کہ وہ خود کو کیمروں سے بچانے کی کوشش کر رہے ہیں، جبکہ دوسرے نے خوشی کا اظہار کرتے ہوئے لکھا ہے کہ ملائکہ نے اپنے لیے اچھا انتخاب کیا ہے۔
بالی ووڈ اداکار ارجن کپور نے ملائکہ اروڑا سے راہیں جدا کرنے کے اب کئی ماہ بعد اپنی شادی سے متعلق پلان بتادیا۔
دوسری جانب ملائکہ کی ٹیم نے فی الحال اس معاملے پر خاموشی اختیار کر رکھی ہے۔
یاد رہے کہ ملائکہ اروڑا اور اداکار ارجن کپور نے 2018ء میں ڈیٹنگ شروع کی تھی، تاہم دونوں نے کبھی کھل کر اپنے تعلقات پر بات نہیں کی، بعد ازاں 2024ء میں دیوالی کی ایک تقریب کے دوران ارجن کپور نے تصدیق کی تھی کہ وہ سنگل ہیں۔
رواں سال ستمبر میں ممبئی میں ایک پریمیئر کے دوران ارجن اور ملائکہ کا آمنا سامنا ہوا تھا جہاں دونوں نے گرم جوشی سے گلے مل کر ایک دوسرے کا استقبال کیا تھا۔
.ذریعہ: Jang News
کلیدی لفظ: ملائکہ اروڑا ارجن کپور نے سوشل میڈیا ملائکہ ا
پڑھیں:
ضلع بدین کے صحافی ہمیشہ ذمے دارانہ صحافت کرتے آئے ہیں
data-id="863a0a8" data-element_type="widget" data-widget_type="theme-post-content.default">
بدین (نمائندہ جسارت)ملکی اندرونی اور بیرونی حالات کے پیش منظر میں میڈیا کے مثبت کردار کے حوالے سے ڈی سی بدین یاسر بھٹی کی زیرصدارت اجلاس ایس ایس پی بدین قمر رضا جسکانی سمیت ضلع بھر کے صحافیوں کی شرکت ۔ڈپٹی کمشنر بدین یاسر بھٹی کی صدارت میں ضلع بدین کے تمام صحافیوں کے ساتھ دربار ہال بدین میں اہم اجلاس منعقد کیا گیا جس میں ضلعی رپورٹرز کے علاوہ تمام پریس کلبوں کے صدور اور جنرل سیکرٹریز بھی شریک ہوئے۔ اجلاس میں ایس ایس پی بدین قمر رضا جسکانی، اسسٹنٹ کمشنر بدین راجیش دلپت، انفارمیشن آفیسر سرفراز سموں اور انفارمیشن آفیسر عرفان علی جونیجو بھی موجود تھے۔ اجلاس سے خطاب کرتے ہوئے ڈپٹی کمشنر بدین یاسر بھٹی نے کہا کہ ہمارے ملک نے گزشتہ 15 سے 20 سالوں میں امن کے لیے 80 ہزار سے زیادہ جانوں کی قربانی دی ہے، اب وقت آگیا ہے کہ ملک دشمن عناصر کی سازشوں کو ناکام بنایا جائے۔ آج کا اجلاس پرنٹ، الیکٹرونک اور سوشل میڈیا پر منفی خبروں اور غلط افواہوں کی روک تھام کے سلسلے میں صحافی برادری سے رہنمائی حاصل کرنے کے لیے منعقد کیا گیا ہے ۔انہوں نے کہا کہ ضلع بدین کے صحافی ہمیشہ اعلیٰ صحافتی اقدار کے مطابق ذمہ دارانہ صحافت کرتے آئے ہیں، بدین کی شفاف صحافت کو دوسرے اضلاع کے لیے ایک مثالی نمونے کے طور پر بھی پیش کیا جا سکتا ہے۔ انہوں نے کہا کہ نیشنل ایکشن پلان کے مطابق صحافیوں اور میڈیا پر چند اہم ذمہ داریاں عائد ہوتی ہیں جن کا مقصد دہشتگردی کی روک تھام، سماجی ہم آہنگی، اور ذمہ دارانہ رپورٹنگ کو یقینی بنانا ہے کسی بھی دہشتگرد تنظیم، اس کی سوچ یا کارروائی کی حمایت، تشہیر یا جواز پیش کرنا ممنوع ہے کسی بھی خبر کو نشر کرنے سے پہلے مکمل تصدیق ضروری ہے ایسے بیانات، تقاریر یا ویڈیوز نشر کرنے سے گریز کیا جائے جو شدت پسندی کو فروغ دیں حساس آپریشنز یا دہشتگردی سے متعلق واقعات کی رپورٹنگ میں انتہائی احتیاط اور تصدیق کو یقینی بنایا جائے دہشتگرد تنظیموں یا شدت پسند عناصر کے انٹرویوز، بیانات یا تشہیر کرنا نیشنل ایکشن پلان کی خلاف ورزی تصور کیا جائے گا میڈیا ہاؤسز کا سیکورٹی اداروں کے ساتھ تعاون ضروری ہے ایسی رپورٹنگ سے گریز کیا جائے جو ریاستی آپریشنز یا سیکورٹی فورسز کی حکمتِ عملی کو متاثر کرے قومی سلامتی سے متعلق حساس معلومات نشر کرنے سے قبل ذمہ داری اور مستند معلومات ضروری ہیں۔ اس موقع پر ایس ایس پی بدین قمر رضا جسکانی نے خطاب کرتے ہوئے کہا دنیا میں صرف دو ممالک نظریے کی بنیاد پر وجود میں آئے ہیں، جن میں ایک ہمارا پیارا ملک پاکستان ہے۔ ہمیں ہر معاملے میں ملکی مفاد کو پہلی ترجیح بنانا چاہیے۔
سابق گورنر پنجاب کے روپ میں فراڈ کرنے والے ملزمان گرفتار