اسٹاک ایکسچینج میں تیزی برقرار، انڈیکس میں 1,200 پوائنٹس سے زائد اضافہ
اشاعت کی تاریخ: 27th, November 2025 GMT
پاکستان اسٹاک ایکسچینج میں جمعرات کو کاروبار کے ابتدائی اوقات میں کے ایس سی 100 انڈیکس میں 1,200 پوائنٹس سے زائد کا اضافہ دیکھا گیا۔
صبح 11 بج کر 10 منٹ پر بینچ مارک انڈیکس 164,406.62 پوائنٹس کی سطح پر موجود تھا، جو 1,218.09 پوائنٹس یعنی 0.75 فیصد اضافے کو ظاہر کرتا ہے۔
یہ بھی پڑھیں: اسٹاک ایکسچینج میں تیزی، انڈیکس میں 500 پوائنٹس کا اضافہ
کاروبار کے دوران تمام شعبوں میں وسیع پیمانے پر خریداری دیکھی گئی، جن میں آٹوموبائل اسمبلرز، سیمنٹ، کمرشل بینکس، آئل اینڈ گیس ایکسپلوریشن کمپنیاں، آئل مارکیٹنگ کمپنیز، پاور جنریشن اور ریفائنری کا شعبہ شامل تھے۔
Market is up at midday ????
⏳ KSE 100 is positive by +1096.
— Investify Pakistan (@investifypk) November 27, 2025
اے آر ایل، ماری گیس، او جی ڈی سی، پی او ایل، پی پی ایل، پی ایس او، ایچ بی ایل، ایم سی بی، میزان بینک اور یو بی ایل سمیت انڈیکس کے بڑے اور اثر انداز شیئرز تمام کے تمام مثبت رخ میں ٹریڈ کرتے رہے۔
گزشتہ روز بدھ کو بھی پاکستان اسٹاک ایکسچینج مثبت رجحان پر بند ہوئی، جہاں ہیوی ویٹ اسٹاکس میں ادارہ جاتی خریداری کے باعث تمام بڑے انڈیکس میں اضافہ ریکارڈ کیا گیا۔
مزید پڑھیں: سرمایہ کاروں کا اعتماد اسٹاک ایکسچینج میں بہتری کا باعث، کیا معیشت مستحکم ہورہی ہے؟
بینچ مارک کے ایس سی 100 انڈیکس 1,496.04 پوائنٹس یعنی 0.93 فیصد اضافے کے ساتھ 163,188.53 پوائنٹس پر بند ہوا۔
عالمی سطح پر، ایشیائی اسٹاکس میں بھی جمعرات کے روز اضافہ ہوا جبکہ ڈالر کی قدر میں نرمی دیکھی گئی۔
توقعات بڑھ رہی ہیں کہ امریکی فیڈرل ریزرو اگلے ماہ شرحِ سود میں کمی کر سکتا ہے۔
ہفتے میں تعطیلات کے باعث عالمی مارکیٹس میں سرگرمیاں محدود ہیں۔ اس کے باوجود اسٹاک مارکیٹس عمومی طور پر مثبت رہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئل اینڈ گیس آٹوموبائل اسٹاک ایکسچینج انڈیکس پاور جنریشن ریفائنری سیمنٹ شرح سود فیڈرل ریزرو کمرشل بینکس ماری گیس یو بی ایل
ذریعہ
ذریعہ: WE News
کلیدی لفظ: آئل اینڈ گیس آٹوموبائل اسٹاک ایکسچینج انڈیکس پاور جنریشن ریفائنری فیڈرل ریزرو ماری گیس یو بی ایل اسٹاک ایکسچینج میں انڈیکس میں
پڑھیں:
چیری نے پاکستان میں اپنی گاڑیوں کے تمام ماڈلز کی قیمتیں بڑھا دیں
ٹویوٹا، ہونڈا اور سوزوکی کے بعد چیری(Cherry) نے بھی ہائبرڈ گاڑیوں پر سیلز ٹیکس میں حالیہ اضافے کے بعد پاکستان میں اپنے تمام ماڈلز کی قیمتوں میں اضافہ کردیا۔
تاہم کمپنی نے فوری طور پر مکمل اضافہ صارفین پر منتقل نہیں کیا اور محدود مدت کی پروموشنل آفر کے تحت جزوی طور پر بڑھی ہوئی قیمتیں متعارف کرائی ہیں۔
چیری ٹِگو 7 پی ایچ ای وی کی سابقہ قیمت 94 لاکھ 99 ہزار روپے تھی، جسے بڑھا کر پروموشنل قیمت 99 لاکھ 99 ہزار روپے کردی گئی ہے، جبکہ آفر ختم ہونے کے بعد اس کی اصل قیمت 1 کروڑ 9 لاکھ 49 ہزار روپے ہوگی۔
چیری ٹِگو 8 پی ایچ ای وی کی قیمت 1 کروڑ 12 لاکھ 99 ہزار روپے سے بڑھا کر پروموشنل قیمت 1 کروڑ 14 لاکھ 99 ہزار روپے کردی گئی ہے، جبکہ آفر کے بعد گاڑی کی اصل قیمت 1 کروڑ 29 لاکھ 99 ہزار روپے ہوگی۔
مزیدپڑھیں:اداکار شان بیگ اور روما مائیکل رشتۂ ازدواج میں منسلک، مداحوں کو خوشخبری سنا دی
اسی طرح ٹِگو 9 پی ایچ ای وی کی سابقہ قیمت 1 کروڑ 36 لاکھ 94 ہزار روپے تھی، جس کی پروموشنل قیمت 1 کروڑ 42 لاکھ 99 ہزار روپے مقرر کی گئی ہے۔ آفر ختم ہونے کے بعد گاڑی کی اصل قیمت 1 کروڑ 57 لاکھ 49 ہزار روپے ہوگی۔
کمپنی کے مطابق پروموشنل قیمتیں محدود مدت کے لیے ہیں اور 31 جولائی تک دستیاب ہوں گی، جبکہ اسٹاک ختم ہونے تک موجودہ صارفین بھی اس آفر سے فائدہ اٹھا سکیں گے۔
چیری کی جانب سے نئی قیمتوں کو محدود مدت کی ڈسکاؤنٹ آفر کے طور پر پیش کیا گیا ہے، تاہم رعایت کے باوجود تینوں گاڑیاں اپنی سابقہ قیمتوں کے مقابلے میں مہنگی ہوگئی ہیں۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم