خیبرپختونخوا، سیکیورٹی فورسز کے آپریشنز میں رواں سال 955 دہشتگرد ہلاک
اشاعت کی تاریخ: 27th, November 2025 GMT
رواں سال کے دوران خیبرپختونخوا میں سیکیورٹی فورسز، پولیس اور سی ٹی ڈی کے مختلف آپریشنز میں مجموعی طور پر 955 دہشتگرد ہلاک کیے گئے۔
یہ بھی پڑھیں: سیکیورٹی فورسز کے خیبرپختونخوا میں 2 الگ الگ آپریشنز، سرغنہ سمیت 23 خارجی دہشتگرد ہلاک
سی پی او خیبرپختونخوا کے جاری کردہ اعداد و شمار کے مطابق پولیس اور سی ٹی ڈی کے مشترکہ آپریشنز میں 423 دہشتگردوں کو ہلاک کیا گیا، جبکہ سیکیورٹی فورسز کے آپریشنز میں 532 دہشتگردوں کا خاتمہ کیا گیا۔
رپورٹ میں بتایا گیا ہے کہ مختلف کارروائیوں کے دوران 33 اہم دہشتگرد کمانڈر بھی مارے گئے۔
اہم اضلاع میں دہشتگردی مخالف کارروائیوں کے دوران سب سے زیادہ ہلاکتیں بنوں، ڈیرہ اسماعیل خان، شمالی اور جنوبی وزیرستان، اور خیبر میں ریکارڈ کی گئیں، جبکہ کرم، اورکزئی اور ڈی آئی خان میں بھی درجنوں دہشتگردوں کو ہلاک کیا گیا۔
یہ بھی پڑھیں: خیبر پختونخوا حکومت کا ضلع کرم میں شر پسند عناصر کے خلاف بلاتفریق سخت کارروائی کا فیصلہ
آپریشنز میں مارے گئے دہشتگردوں کے قبضے سے بڑی مقدار میں اسلحہ اور گولہ بارود بھی برآمد کیا گیا، جسے مزید تخریبی کارروائیوں میں استعمال کیے جانے کا خدشہ تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پاکستان پولیس خیبرپختونخوا دہشتگرد ہلاک سیکیورٹی فورسز.
ذریعہ
ذریعہ: WE News
کلیدی لفظ: پاکستان پولیس خیبرپختونخوا دہشتگرد ہلاک سیکیورٹی فورسز
پڑھیں:
کراچی، 7 سالہ بچی کے اغوا اور قتل میں ملوث ملزم مبینہ پولیس مقابلے میں ہلاک
کراچی کے علاقے کیماڑی سے 7 سالہ بچی کو اغوا اور زیادتی کے بعد قتل کرنے والا ملزم مبینہ پولیس مقابلے میں ہلاک ہوگیا۔
ایس ایس پی کیماڑی سنگھار ملک نے بتایا کہ جیکسن پولیس دعا کے اغوا، زیادتی کے بعد قتل کیس کی تفتیش میں مصروف تھی کہ تھانے کی حدود میں آنے والے ایک علاقے میں پولیس مقابلہ ہوا جس میں ملزم ہلاک ہوگیا۔
انہوں نے بتایا کہ سی سی ٹی وی فوٹیجز اور شواہد کی بنیاد پر مشتبہ شخص کی موجودگی کی اطلاع ملی تھی، پولیس ملزم کی گرفتاری کیلیے اسٹریٹ مبارک مسجد کے قریب پہنچی تو ملزم نے اہلکاروں پر فائرنگ کردی۔
مزید پڑھیںکیماڑی میں جھاڑیوں سے کمسن بچی کی لاش برآمد، مشکوک شخص کی ویڈیو سامنے آگئی
2 سالہ بچے آذان کے اغوا میں ملوث 3 ملزمان گرفتار، مرکزی ملزم والد کا دوست نکلا
ایس ایس پی کیماڑی کے مطابق جوابی فائرنگ میں ملزم مارا گیا جبکہ جائے وقوعہ سے شواہد تحویل میں لے کر قانونی و فرانزک کارروائی شروع کردی گئی ہے۔
سنگھار ملک کے مطابق ہلاک شخص کے کوائف اور بچی کے اغواء و قتل کیس سے ممکنہ تعلق کی جانچ جاری ہے جبکہ پولیس سرجن نے معصوم بچی دعا کے ساتھ زیادتی کی تصدیق کردی ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار