سعودی عرب کا تاریخی شہر العلا ایک بار پھر کھیلوں کے اہم ایونٹ کی میزبانی کے لیے تیار
اشاعت کی تاریخ: 15th, October 2025 GMT
سعودی عرب کا تاریخی شہر العلا ایک بار پھر کھیلوں اور مہم جوئی کے شوقین افراد کے لیے مرکزِ توجہ بن گیا ہے، جہاں العلا برداشت دوڑ (24 گھنٹے) اور نصف میراتھن العلا جیسے بڑے مقابلوں کے لیے رجسٹریشن کا آغاز کر دیا گیا ہے۔
یہ دونوں ایونٹس نبضِ العلا فیسٹیول کا حصہ ہیں، جو اس سال صحت، توازن اور قدرتی طرزِ زندگی کے فروغ کے عنوان سے منعقد ہو رہا ہے۔
یہ بھی پڑھیے: ریاض میں انٹرپول کی دوسری ’فیوچر آف پولیسنگ کانگریس‘ میں 40 ممالک کی شرکت
تفصیلات کے مطابق، العلا برداشت دوڑ 31 اکتوبر سے یکم نومبر 2025 تک مغیرا اسپورٹس ولیج میں ہوگی۔ دوڑ کا ٹریک 8.
انتظامیہ کے مطابق ایونٹ کے مقام پر کیمپنگ، رہائش، کھانے پینے، اور تفریح کے لیے تمام سہولیات فراہم کی گئی ہیں۔ لائیو میوزک، کھانے کے اسٹالز اور نتائج دکھانے والی بڑی اسکرین ایونٹ کو مزید پرجوش بنائیں گی۔
ادھر نصف میراتھن العلا 25 اکتوبر کو منعقد ہوگا، جس میں شرکا کو ہاتھی پہاڑ سمیت تاریخی وادی العلا کے حسین مناظر سے گزرتے ہوئے دوڑنے کا موقع ملے گا۔ یہ مقابلہ مردوں، خواتین اور خاندانوں کے لیے کھلا ہے، جبکہ مختلف فاصلوں کے ٹریک (1.5، 3، 5، 10 اور 21 کلومیٹر) سب کی دلچسپی کو مدنظر رکھ کر تیار کیے گئے ہیں۔
پیشہ ور کھلاڑی کے لیے 21 کلومیٹر کا مقابلہ سب سے نمایاں قرار دیا گیا ہے، جبکہ 10 کلومیٹر کی دوڑ درمیانی سطح کے کھلاڑیوں کے لیے ہوگی۔ 5 کلومیٹر کا ٹریک نئے عدّائوں کے لیے موزوں رکھا گیا ہے، اور کم عمر بچوں و خاندانوں کے لیے مختصر مسافت کے مقابلے رکھے گئے ہیں۔
یہ بھی پڑھیے: 114 سالہ میراتھن لیجنڈ فوجا سنگھ سڑک حادثے میں چل بسے، مودی سمیت اہم شخصیات کا اظہار افسوس
ماہرین کے مطابق، العلا میں یہ ایونٹس نہ صرف جسمانی برداشت اور ٹیم ورک کو فروغ دیں گے بلکہ اس علاقے کے قدرتی حسن، ماحولیاتی توازن اور صحت مند طرزِ زندگی کی پہچان کو عالمی سطح پر اجاگر کریں گے۔
منتظمین کا کہنا ہے کہ فیسٹیول کے دوران یوگا، سائیکلنگ، واکنگ اور فطرت کے قریب دیگر سرگرمیوں کا بھی اہتمام کیا گیا ہے، تاکہ شرکاء اور زائرین کو ایک بھرپور اور یادگار تجربہ فراہم کیا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ریس سعودی عرب کھیل میراتھنذریعہ: WE News
کلیدی لفظ: کھیل میراتھن کے لیے گیا ہے
پڑھیں:
کم بجٹ والے صارفین کے لیے خوشخبری، سب سے سستی الیکٹرک کار مارکیٹ میں آگئی
پاکستان میں کم قیمت الیکٹرک گاڑی کا انتظار آخرکار ختم ہوگیا۔ ALEKTRA نے ملک کی اب تک کی سب سے سستی EV پیش کر دی ہے، جس کی قیمت صرف 10 لاکھ 45 ہزار روپے رکھی گئی ہے۔
یہ بھی پڑھیں:پاکستان الیکٹرک وہیکل سیکٹر میں اہم سنگ میل، مقامی طور پر اسمبل الیکٹرک کاریں لانچ
2 سال کی موٹر اور بیٹری وارنٹی کے ساتھ یہ گاڑی عام شہریوں کے لیے ایک نئی اور معاشی آپشن کے طور پر سامنے آئی ہے۔
یہ گاڑی تکنیکی طور پر ایک کوآڈری سائیکل ہے، جو سائز میں آلٹو جیسے اے سیگمنٹ کار سے بھی چھوٹی ہے، مگر بنیادی سہولیات مکمل فراہم کرتی ہے۔ اس میں 4 نشستیں، بند کیبن، 4 پہیے، ایئرکنڈیشنر (کولنگ اور ہیٹنگ)، میوزک پلئیر، بلیوٹوتھ کنیکٹیویٹی اور پوائنٹ A سے پوائنٹ B تک سفر کی تمام بنیادی سہولتیں شامل ہیں۔
یہ بھی پڑھیں:2024: وہ مشہور گاڑیاں جن کی جگہ الیکٹرک کاریں لیں گی؟
ALEKTRAیہ گاڑی خود نہیں بناتی بلکہ چین سے تیار شدہ ماڈل کو وائٹ لیبل کرکے پاکستان میں اپنے برانڈ کے تحت فروخت کرتی ہے۔ کمپنی اس گاڑی کے لیے مقامی طور پر سپورٹ، سیلز اور وارنٹی کی سروس بھی فراہم کر رہی ہے۔
دلچسپ بات یہ ہے کہ دنیا کے کئی معروف یوٹیوبرز جیسے Supercar Blondie اور WhistlinDiesel بھی ان چھوٹی الیکٹرک گاڑیوں کا ریویو کر چکے ہیں۔
لمبائی/چوڑائی/اونچائی: 2450×1250×1650 ملی میٹر
الیکٹرک پاور: 2.68 ہارس پاور
بیٹری آپشنز: 7.2 kWh / 10.8 kWh / 12.96 kWh
رینج: 80–100 کلومیٹر، 130–150 کلومیٹر، 160–180 کلومیٹر
زیادہ سے زیادہ رفتار: 45–50 کلومیٹر فی گھنٹہ
چارجنگ: 220V گھریلو سوکٹ سے 5–7 گھنٹوں میں فل چارج
سہولیات: اے سی، بلیوٹوتھ، ریموٹ اسٹارٹ، ریورس کیمرہ، اینٹی تھیفٹ الارم
رنگ: سفید، کریم، پنک، پیلا، سرخ، نیلا
وارنٹی: بیٹری و موٹر کی 2 سال تک مرمت یا تبدیلی
مہران یا یہ نئی EV؟اسی قیمت میں 2013–14 ماڈل کی ایک اچھی کنڈیشن کی سوزوکی مہران بھی خریدی جا سکتی ہے، لیکن اس نئی EV کی خصوصیت اس کی کم لاگت، کم مینٹی ننس، اور 2 سال کی وارنٹی ہے، جبکہ پرانی مہران میں وارینٹی نہیں ملتی اور اس کے بہت سے میکانیکی مسائل بھی سامنے آ سکتے ہیں۔
گاڑی کی بکنگ اور ٹیسٹ ڈرائیو ALEKTRA کے لبرٹی پارکنگ پلازہ (فرنٹ سائیڈ) پر دستیاب ہے۔ ڈیلیوری 90 دن کے اندر متوقع ہے۔
یہ گاڑی ان صارفین کے لیے بہترین آپشن ہے جو سستی، سادہ اور انتہائی معاشی الیکٹرک گاڑی چاہتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ALEKTRA EV الیکٹرک کار سستی کار
جنرل ساحر شمشاد مرزا 18ویں اور آخری چیئرمین جوائنٹ چیفس آف سٹاف کمیٹی ہونگے