عمران خان کو6 وسیع بیرکس دی گئیں،سب سے زیادہ سہولت یافتہ قیدی ہیں، طلال چوہدری
اشاعت کی تاریخ: 27th, November 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد : سینیٹ اجلاس کے دوران پی ٹی آئی نے ارکان نے بانی چیئرمین عمران خان سے ملاقات کی اجازت نہ ملنے پر شدید اعتراض اٹھایا۔ سینیٹر فیصل جاوید نے حکومت سے مطالبہ کیا کہ واضح کیا جائے ملاقات کب ممکن ہوگی۔
جواب میں وزیرِ مملکت برائے داخلہ طلال چوہدری نے مؤقف اختیار کیا کہ عمران خان عام قیدی نہیں بلکہ ملکی تاریخ کے سب سے زیادہ سہولت یافتہ، یعنی وی آئی پی قیدی ہیں۔ ان کے مطابق عمران خان کو جیل میں 6 وسیع بیرکس دی گئی ہیں، جبکہ دیگر کسی بھی قیدی کو باورچی یا ورزش کے لیے مشینیں فراہم نہیں کی جاتیں، لیکن یہ سہولتیں عمران خان کو میسر ہیں۔
طلال چوہدری نے پی ٹی آئی پر تنقید کرتے ہوئے کہا کہ وہ سیاسی تاثر پیدا کرنے کے لیے جیل کے باہر بیٹھ کر ڈراما رچاتے ہیں۔
ان کا کہنا تھا کہ ضمنی انتخابات میں ناکامی کے بعد پی ٹی آئی کے پاس کوئی کارکردگی دکھانے کو نہیں، اس لیے وہ جیل سے متعلق معاملات کو بڑھا چڑھا کر پیش کر رہی ہے۔
ذریعہ: Jasarat News
پڑھیں:
طلال چوہدری کیخلاف ضابطہ اخلاق کی خلاف ورزی کا کیس، عبوری حکم آگیا
الیکشن کمیشن نے وزیر مملکت برائے امور داخلہ طلال چوہدری کے خلاف ضابطۂ اخلاق کی خلاف ورزی کے کیس میں عبوری حکم نامہ جاری کر دیا۔
عبوری حکم نامے میں کہا گیا ہے کہ طلال چوہدری نے بار بار ضابطۂ اخلاق کی خلاف ورزی کی، جواب دہ کی جانب سے حاضری سے استثنیٰ کی درخواست کو منظور کیا گیا۔
جواب دہ کی کمیشن سے غیر حاضری کی کوئی ٹھوس وجہ بیان نہیں کی گئی، ضابطۂ اخلاق کی خلاف ورزی کے سنگین نتائج ہیں، امیدوار کے نااہل ہونے کی سزا بھی شامل ہے۔
جواب دہ این اے 96 فیصل آباد سے کامیاب امیدوار ہیں، ان کا نوٹیفکیشن مزید احکامات تک جاری نہ کیا جائے۔
الیکشن کمیشن میں ذاتی حیثیت سے طلبی پر وزیراعلیٰ سہیل آفریدی نے وکیل کو بھیج دیا