غزہ میں جنگ بندی خوش آئند، انتظام و کنٹرول فلسطینی ہاتھ میں ہونا چاہیے: ڈاکٹر شوکت علی شیخ
اشاعت کی تاریخ: 15th, October 2025 GMT
مسلم لیگ (ق) اوورسیز یو کے کے سینئر رہنما اور بانی چودھری شجاعت حسین لورز فورم کے سربراہ ڈاکٹر شوکت علی شیخ نے غزہ میں ہونے والی جنگ بندی کا خیرمقدم کیا اور کہا کہ یہ خوش آئند قدم وقتی نہیں بلکہ مستقل امن کی بنیاد پر ہونا چاہیے۔ اُن کا مؤقف تھا کہ غزہ کا مکمل کنٹرول اور انتظام فلسطینیوں کے ہاتھوں میں ہی ہونا لازم ہے۔
برطانیہ میں نمائندوں سے گفتگو کرتے ہوئے ڈاکٹر شوکت علی نے کہا کہ اس جنگ میں لاکھوں بے گناہ مسلمان — بچے، خواتین اور مرد — شہید ہوئے ہیں اور ان جانوں کا مطالبہ عالمی سطح پر اٹھایا جانا چاہیے۔ ان کا کہنا تھا کہ جنگ کے ذمہ داروں کو احتساب کے لیے اقوامِ عالم کو قدم اٹھانا ہوگا اور اسرائیلی قیادت بالآخر بین الاقوامی انصاف کے سامنے لائی جائے۔
ڈاکٹر شوکت علی نے نشاندہی کی کہ امن سے پہلے اور بعد میں غزہ کی فوری انسانی امداد اور تعمیرنو پر توجہ لازمی ہے؛ خاص طور پر خوراک، صاف پانی، طبی سہولیات اور بے گھر افراد کی بحالی کے لیے مسلم ممالک اور مغربی ممالک کو عملی اقدامات کرنے چاہئیں۔ انہوں نے غزہ کے بہادر اور معصوم بچوں، خواتین، نوجوانوں اور سماجی کارکنوں کی جنگ کے دوران دکھائی گئی صبر و استقامت کو سراہا اور ان کے حوصلے کو خراجِ تحسین پیش کیا۔
آخر میں ڈاکٹر شوکت علی شیخ نے مسلم اُمہ میں اتحاد و اتفاق پر زور دیتے ہوئے کہا کہ غزہ کے مسلمانوں کی سلامتی اور جو طویل المدتی امن معاہدہ طے پایا ہے، اس کی مکمل پاسداری ناگزیر ہے۔
ذریعہ: Daily Mumtaz
پڑھیں:
چیئرمین سینیٹ سے مسلم ورلڈ لیگ کے سیکرٹری جنرل ڈاکٹر محمد بن عبدالکریم العیسی کی ملاقات،باہمی دلچسپی کے امور پرتبادلہ خیال
اسلام آباد (اُردو پوائنٹ اخبارتازہ ترین - این این آئی۔ 14 اکتوبر2025ء) چیئرمین سینیٹ، سید یوسف رضا گیلانی سے پارلیمنٹ ہاؤس اسلام آباد میں مسلم ورلڈ لیگ کے سیکرٹری جنرل محترم ڈاکٹر محمد بن عبدالکریم العیسی نے ملاقات کی۔ ملاقات میں باہمی دلچسپی کے امور اور عالم اسلام کو درپیش مختلف چیلنجز پر تفصیلی تبادلہ خیال کیا گیا۔ملاقات کے دوران چیئرمین سینیٹ نے مسلم ورلڈ لیگ کے پلیٹ فارم کو امت مسلمہ کے لیے انتہائی اہم قرار دیا اور کہا کہ اس پلیٹ فارم کے ذریعے مسلمانوں کے اتحاد اور مسائل کے حل کے لیے مشترکہ کوششیں کی جا سکتی ہیں۔ انہوں نے مسلم ورلڈ لیگ اور اس کے سیکرٹری جنرل کی خدمات کو سراہا اور کہا کہ دنیا کے مختلف خطوں میں مسلمانوں پر ہو رہے ،مظالم اور انسانی حقوق کی خلاف ورزیوں کے تدارک کے لیے ایک مربوط اور متفقہ لائحہ عمل اختیار کرنا ضروری ہے۔(جاری ہے)
چیئرمین سینیٹ نے اتحادِ بین المسلمین کی ضرورت پر زور دیتے ہوئے کہا کہ ہمیں باہمی اعتماد اور یکجہتی کے ذریعے اپنی صفوں کو مضبوط بنانا ہوگا۔
مسلم ورلڈ لیگ کے سیکرٹری جنرل ڈاکٹر محمد بن عبدالکریم العیسی نے اپنے دورہ پاکستان کو اہمیت کا حامل قرار دیا اور چیئرمین سینیٹ کے مہمان نوازی اور توجہ کے لیے شکریہ ادا کیا۔ انہوں نے کہا کہ مسلم ورلڈ لیگ پاکستان کے ساتھ قریبی تعاون کو فروغ دینے اور عالمی سطح پر متفقہ موقف اپنانے کے حوالے سے بھرپور تعاون جاری رکھے گی۔
وزیراعظم شہباز شریف نے وفاقی کابینہ کا اجلاس آج طلب کرلیا