وزیراعظم جلد وطن واپس پہنچ رہےہیں،چیف آف ڈیفنس فورسز کا نوٹیفکیشن مقررہ وقت پر جاری کردیا جائے گا، وزیر دفاع خواجہ آصف
اشاعت کی تاریخ: 30th, November 2025 GMT
اسلام آباد(ڈیلی پاکستان آن لائن)وزیر دفاع خواجہ آصف نے کہاہے کہ وزیراعظم شہبازشریف جلد وطن واپس پہنچ رہےہیں، چیف آف ڈیفنس فورسز کا نوٹیفکیشن مقررہ وقت پر جاری کردیا جائے گا۔
سماجی رابطے کی ویب سائٹ ایکس پر اپنے بیان میں خواجہ آصف کاکہناتھا کہ چیف آف ڈیفنس فورسز کے نوٹیفکیشن سے متعلق قیاس آرائیاں کی جارہی ہیں،چیف آف ڈیفنس فورسز کے نوٹیفکیشن کا عمل شروع ہو گیا ہے۔
وزیر دفاع نے کہاکہ وزیراعظم شہبازشریف جلد وطن واپس پہنچ رہےہیں،چیف آف ڈیفنس فورسز کا نوٹیفکیشن مقررہ وقت پر جاری کردیا جائے گا۔
صدارتی ایوارڈ یافتہ شہنائی نواز استاد عبداللہ انتقال کرگئے
There is unnecessary and irresponsible speculation about CDF notification.
مزید :
ذریعہ: Daily Pakistan
کلیدی لفظ: چیف ا ف ڈیفنس فورسز
پڑھیں:
بھارتی وزیر دفاع کا سندھ پر پابیاں خام خیالی ، دنیا افغانستان سے دہشتگردی رکوائے : پاکستان
اسلام آباد (خبر نگار خصوصی+ نوائے وقت رپورٹ) ترجمان دفتر خارجہ طاہر حسین اندرابی نے کہا ہے کہ وزیراعظم نے پاکستان اور بحرین کے درمیان گہرے اقتصادی تعاون کیلئے بحرین کے سرمایہ کاروں کو فوڈ سکیورٹی، آئی ٹی، تعمیرات، کان کنی اور معدنیات، صحت کی دیکھ بھال، قابل تجدید توانائی اور سیاحت کے شعبوں میں سرمایہ کاری کی دعوت دی ہے۔ وزیراعظم نے 26 سے 27 نومبر تک بحرین کا سرکاری دورہ کیا۔ وزیراعظم نے بحرین کے ولی عہد سلمان بن حمد الخلیفہ سے بھی ملاقات کی۔ وزیر اعظم نے دوطرفہ تجارت کو جو اس وقت 550 ملین ڈالر سے زیادہ ہے، تین سال میں ایک ارب ڈالر تک بڑھانے کے امکانات کو اجاگر کیا۔ نائب وزیراعظم سینیٹر محمد اسحاق ڈار نے جو دورے کے دوران وزیراعظم کے ہمراہ تھے، نے بحرین کے وزیر خزانہ اور قومی معیشت شیخ سلمان بن خلیفہ الخلیفہ سے ملاقات کی۔ علاوہ ازیں دفتر خارجہ کے ترجمان طاہر اندرابی نے کہا ہے کہ سوشل میڈیا پر سابق وزیر اعظم عمران خان کے حوالے سے فیک نیوز اور افواہیں انتہائی خطرناک ہیں۔ بھارتی سائبر ڈومین پاکستان کے حوالے سے مختلف شعبوں میں فیک نیوز اور افواہیں پھیلانے میں مصروف ہے۔ اب افغان سوشل میڈیا اکائونٹس بھی بھارت کے ساتھ شامل ہو چکے ہیں۔ بدقسمتی ہے اس حوالے سے متعدد بھارتی مین سٹریم نیوز آرگنائزیشن اور بھارتی صحافی بھی شامل ہیں۔ عمران خان کی زندگی کے حوالے سے وزیر داخلہ نے گزشتہ روز بیان دیا تھا، ان کا بیان تمام افواہوں کا خاتمہ کرتا ہے۔ سربراہ پاکستان تحریک انصاف (پی ٹی آئی) کی صحت کے حوالے سے متعلقہ وزارت بہتر بتا سکتی ہے۔ افغان طالبان کے ساتھ جنگ بندی روایتی جنگ بندی کے معنی میں نہیں۔ اس جنگ بندی کا مطلب یہ ہے کہ افغانستان کی سرپرستی میں کام کرنے والے دہشت گرد گروہوں کی جانب سے پاکستان پر کوئی حملہ نہیں ہونا چاہیے۔ تاہم، دوسری جانب پاکستان میں بڑے دہشت گرد حملے کیے گئے، اگر صورتحال کو دیکھا جائے تو جنگ بندی کا پاس نہیں رکھا جا رہا۔ افغان شہری اور ان کے گروہ حملے کر رہے ہیں، اس وجہ سے ہم جنگ بندی کے حوالے سے زیادہ پرامید نہیں ہو سکتے۔ پوری طرح چوکس ہیں اور ہماری عسکری تیاری مضبوط ہے۔ ترکیہ کے وفد کا دورہ پاکستان ابھی بھی پائپ لائن میں ہے۔ دستاویز کے باوجود بیرون ممالک جانے والے مسافروں کو ایئرپورٹ پر آف لوڈ کرنے کی حوالے سے متعلقہ ممالک نے کوئی درخواست نہیں کی۔ اس معاملے پر وزارت داخلہ سے رابطہ کیا جا سکتا ہے۔ دریں اثناء ترجمان دفتر خارجہ نے واشنگٹن ڈی سی میں فائرنگ کے واقعہ کی شدید الفاظ میں مذمت کرتے ہوئے کہا پاکستان نے جن حملوں کا سامنا کیا ان کے روابط واضح طور پر افغانستان سے ملتے ہیں۔ واشنگٹن ڈی سی میں فائرنگ کے واقعہ میں ہلاک ہونے والے امریکی فوجی کے ساتھ دلی ہمدردی کا اظہار کرتے ہیں۔ فائرنگ سے زخمی ہونے والوں کی جلد صحتیابی کے لیے دعاگو ہیں۔ مخصوص ہدف پر حملہ بلاشبہ امریکی سرزمین پر دہشتگردی کی سنگین واردات ہے۔ ترجمان دفتر خارجہ کا کہنا تھا پاکستان نے جن حملوں کا سامنا کیا ان کے روابط واضح طور پر افغانستان سے ملتے ہیں۔ دہائیوں سے پاکستان نے بے شمار دہشتگردی کے واقعات کا سامنا کیا۔ واشنگٹن کا واقعہ عالمی سطح پر دہشتگردی کی پریشان کن واپسی کو ظاہر کرتا ہے۔ عالمی برادری انسدادد ہشتگردی کیلئے مشترکہ کوششوں کو تیز کرے۔ تاجکستان میں 3 چینی شہریوں کے قتل کی بھی مذمت کرتے ہیں۔ افغانستان اپنی سرزمین سے خطے میں دہشتگردی روکے۔ پاکستان مسائل کے پر امن حل کا حامی ہے۔ طاہر اندرابی کا کہنا تھا سندھ سے متعلق بھارتی بیانات خام خیالی پر مبنی ہیں۔ پاکستان اپنے دفاع پر کوئی سمجھوتا نہیں کرے گا۔ مقبوضہ کشمیر میں کشمیریوں کو بھارتی جبر، قید، تشدد اور بہیمانہ ظلم کا سامنا ہے۔ پاکستان بھارت پر جبری اقدامات کے خاتمے اور قیدیوں کی رہائی کے لیے دباؤ ڈالتا ہے۔ پاکستان کو تاریخی بابری مسجد کی جگہ مندر کا جھنڈا لہرانے پر سخت تحفظات ہیں۔ پاکستان کو بھارت میں اقلیتوں بالخصوص مسلمانوں کے خلاف نفرت انگیز اقدامات پر تحفظات ہیں۔ ہم اسرائیل کے فلسطین بالخصوص غزہ پر حملوں کی مذمت کرتے ہیں۔ حملوں میں متعدد نہتے عوام بالخصوص عورتیں اور بچے شہید ہوئے۔ دریں اثناء تاجکستان میں چینی شہریوں کی ہلاکت کے بعد دوشنبے میں چینی سفارتخانے نے اپنے شہریوں کو سرحدی علاقے سے فوری طورپر انخلا کی ہدایت کردی۔ تاجک حکام کے مطابق 26 نومبر کی رات افغانستان سے تاجکستان کی سرحد پر ڈرون حملہ کیا گیا، حملے میں 3 چینی شہری ہلاک ہوئے۔ دریں اثناء چین نے اپنے شہریوں کی ہلاکت پر تاجکستان سے تحقیقات کا مطالبہ کیا ہے۔
کہاں گئی مقبولیت؟ مریم نواز کی ن لیگ کی کامیابی کے بعد پی ٹی آئی پر تنقید