نیشنل ڈیفنس یونیورسٹی اسلام آباد م سکیورٹی چیلنجز سے نمٹنے کیلئے قومی یکجتی ضروری : صدر
اشاعت کی تاریخ: 30th, November 2025 GMT
راولپنڈی (اپنے سٹاف رپورٹرسے) ترجمان آئی ایس پی آر کے مطابق صدر پاکستان آصف علی زرداری نے نیشنل ڈیفنس یونیورسٹی (این ڈی یو) اسلام آباد کا دورہ کیا اور 27 ویں قومی سلامتی ورکشاپ (این ایس ڈبلیو 27) کے شرکاء سے خطاب کیا۔ ورکشاپ میں اراکینِ پارلیمنٹ، اعلیٰ سول و عسکری حکام اور تعلیمی ماہرین اور سول سوسائٹی کے نمائندگان نے شرکت کی۔ NSW-27 کا مقصد جامع قومی سلامتی کے فریم ورک کے تحت قومی قوت کے مختلف عناصر کے باہمی تعلق کو گہرائی سے سمجھنا تھا۔ ترجمان آئی ایس پی آر کے مطابق صدرِ مملکت نے شرکاء کو ورکشاپ کامیابی سے مکمل کرنے پر مبارکباد دی اور قومی سلامتی کے شعور کے فروغ میں ان کی لگن کو سراہا۔ انہوں نے کہا کہ موجودہ دور کے سکیورٹی چیلنجز سے نمٹنے کے لیے باخبر قیادت، قومی یکجہتی اور مربوط پالیسی سازی نہایت اہم ہیں۔ ترجمان آئی ایس پی آر کے مطابق این ڈی یو کی نیشنل سکیورٹی ورکشاپ ملک میں قومی سطح پر مکالمے کے فروغ‘ ادارہ جاتی صلاحیت میں اضافے اور قومی سلامتی سے متعلق ہمہ جہتی نقطہ نظر کو مضبوط بنانے کا ایک نمایاں پلیٹ فارم ہے۔ صدرِ پاکستان نے کامیابی سے کورس مکمل کرنے پر ورکشاپ کے شرکاء کو سرٹیفکیٹ دیئے۔ ایم ڈی اور ایڈیٹر انچیف نوائے وقت گروپ (روزنامہ نوائے وقت‘دی نیشن‘ وقت نیوز ودیگر) رمیزہ مجید نظامی نے بھی صدر آصف علی زرداری سے 27ویں نیشنل سکیورٹی ورکشاپ (27NSW)کے اختتام پر سرٹیفکیٹ وصول کیا۔
.ذریعہ: Nawaiwaqt
کلیدی لفظ: قومی سلامتی
پڑھیں:
یوم یکجتی فلسطین منایا گیا : اسرائیلی افواج کا غزہ سمیت مقبوضہ فلسطینی علاقوں سے مکمل انخلا‘ احتساب ضروری ہے : پاکستان
اسلام آباد(آئی این پی )پاکستان نے فلسطینی عوام کے ساتھ یکجہتی کا اظہار کرتے ہوئے مطالبہ کیا ہے کہ اسرائیلی افواج کا غزہ سمیت مقبوضہ فلسطینی علاقوں سے مکمل انخلا ضروری ہے اور جنگی جرائم اور نسل کشی پر اسرائیل کا احتساب کیا جانا چاہئے۔پاکستان سمیت دنیا بھر میں ہفتہ کو یومِ یکجہتی فلسطین بھرپورانداز میںمنایا گیا اس دن کی مناسبت سے گلی کوچوں میں مظلوم فلسطینیوں کے حق میں ریلیاں نکالی گئیں اور جلسے جلسوس و مظاہر ے کئے ۔ جن میں مظلوم فلسطینیوں سے اظہار یکجہتی کیا گیا اور اسرائیلی مخالف نعرے لگائے گئے ۔اس موقع پر غزہ پر قابض اسرائیلی فورسز کی بربریت کو بے نقاب کرتے ہوئے عالمی برادری اور انسانی حقوق کی تنظیموں سے مطالبہ کیا گیا کہ اسرائیلی مظالم کی فوری روک تھام کی جائے ۔یاد رہے غزہ میں 7 اکتوبر 2023 سے شروع ہونے والی اسرائیلی جارحیت کے دوران اب تک دسیوں ہزار فلسطینی جان سے جا چکے ہیں اور پورے کے پورے محلے، آبادیاں، ہسپتال، سکول اور بنیادی ڈھانچہ ملبے کا ڈھیر بن چکے ہیں، عالمی برادری کی کوششوں کے نتیجے میں 10 اکتوبر 2025 سے غزہ میں فائر بندی کا نفاذ ہوا، تاہم اس کے باوجود بھی اسرائیل کی جانب سے وقتا فوقتا حملوں کا سلسلہ جاری ہے۔
ضمنی انتخابات: ن لیگ نے میدان مار لیا، کارکنوں کا جشن، بھنگڑے، مٹھائیاں تقسیم