’میرا بوائے فرینڈ نہیں رہا، یہ کام کیسے کر سکتی ہوں‘، ایشوریہ رائے کا عامر خان کے ساتھ اشتہار سے انکار
اشاعت کی تاریخ: 24th, November 2025 GMT
مشہور ایڈ فلم ڈائریکٹر پرہلاد ککڑ نے حال ہی میں بالی ووڈ کی معروف اداکارہ ایشوریہ رائے کے ساتھ کام کے تجربات شیئر کیے ہیں کہ کیسے ایک اشتہار کے لیے ایشوریہ کو منتخب کرنے میں 4 مہینے لگے کیونکہ وہ نا تجربہ کار تھیں۔
1993 میں ایشوریہ رائے ایک پیپسی کے اشتہار میں نظر آئیں جو وائرل ہو گیا اور اُن کی پہلی بڑی شہرت کا سبب بنا۔ اس اشتہار میں عامر خان، ماہیما چوہدری اور ایک اس وقت نامعلوم ایشوریا رائے شامل تھیں۔ فلم ساز پرہلاد ککڑ نے ایک انٹرویو میں بتایا کہ اس شتہار میں کام کرنے والے اداکاروں کو انہوں نے کس طرح منتخب کیا، جو بعد میں بڑے ستارے بن گئے۔
یہ بھی پڑھیں: “ایشوریہ رائے سے شادی کر کے نیک بچے نہیں پیدا ہوں گے” سابق کرکٹر عبدالرزاق نے ایسا کیوں کہا؟
پرہلاد ککڑ نے بتایا کہ میں نے سب کو منتخب کیا سوائے ماہیما چوہدری کے۔ اسے ایجنسی نے منتخب کیا تھا۔ عامر خان کو منتخب کرنے کی وجہ بیان کرتے ہوئے ککڑ نے کہا کہ میں نے عامر کی فلم ’قیامت سے قیامت تک‘ (1988) دیکھی اور وہ اس کردار کے لیے بالکل موزوں تھے۔ ان کا کردار پہلے سے ایک صاف اور اچھے آدمی کا تھا جس کے دل میں کوئی برائی نہیں تھی اور یہ ناظرین نے قبول کیا۔ ایک 30،60 سیکنڈ کے اشتہار میں آپ کردار کو نئی بنیاد پر قائم نہیں کر سکتے اور عامر خان موزوں شخصیت تھی جس پر کام کیا جا سکتا تھا۔
پرہلاد ککڑ نے انکشاف کیا کہ اُن کے پاس کردار کے لیے شاہ رخ خان اور عامر خان کے درمیان انتخاب کا موقع تھا مگر اس کردار کے لیے عامر زیادہ موزوں تھے۔
ایشوریہ کو منتخب کرنے کے بارے میں ککڑ نے کہا کہ مجھے ان پر محنت کرنا پڑی کیونکہ انہوں نے پہلے کبھی کوئی کام نہیں کیا تھا۔ جب پوچھا گیا کہ ایک نئے شخص کے ساتھ کام کرنا کٹھن تھا یا نہیں، انہوں نے جواب دیا، ’نہیں تھا۔ ایک ڈائریکٹر کے طور پر، آپ مایوس نہیں ہو سکتے۔ یہ آپ کا کام ہے‘۔
ڈائریکٹر نے بتایا کہ اشتہار کے لیے ایشوریہ کو منتخب کرنے میں 4 مہینے لگے۔ اس وقت وہ بالکل نوجوان اور اداکاری میں غیر تجربہ کار تھیں۔ ککر کے مطابق ’انہیں کام کرنے کے لیے تربیت دینا پڑی، اس کے لیے تقریباً 18 شاٹس لگے کیونکہ انہوں نے پہلے کبھی اس طرح کی پرفارمنس نہیں دی تھی‘۔ ان کا کہنا تھا کہ کیمرے کے سامنے اپنے پہلے تجربے کے دوران ایشوریا کو خود اعتمادی میں کمی محسوس ہوئی۔
یہ بھی پڑھیں: کیا ایشوریہ رائے کی بیٹی ارادھیا بچن بالی ووڈ میں ڈیبیو کرنے جارہی ہیں؟
ککڑ کے مطابق شوٹ کے دوران وہ مجھ سے بولیں، ’میں نہیں کر سکتی۔ یہ نہیں ہو رہا۔ میں نے انہیں الگ لے جا کر کوشش کرنے میں مدد کی۔ انہوں نے کہا، ’میں نہیں کر سکتی کیونکہ میں نے یہ تجربہ نہیں کیا۔ میرا کبھی بوائے فرینڈ نہیں رہا۔ میں ایک مرد کے سامنے کیسے جاؤں اور عورت کی طرح برتاؤ کروں؟‘
انہوں نے مزید کہا کہ ایشوریا کی معصومیت نے اشتہار میں خاص کشش پیدا کی۔ اُن کی پرفارمنس نے نہ صرف ناظرین کو متاثر کیا بلکہ عامر خان کے کردار کو بھی ردعمل دینے پر مجبور کیا۔ یہ اشتہار ایشوریہ رائے کے کیریئر کا آغاز ثابت ہوا اور انہیں ’پیپسی گرل‘ کے نام سے شہرت حاصل ہوئی اور آج تین دہائیوں بعد بھی ایشوریہ بھارتی فلم انڈسٹری کی مقبول ترین اداکاراؤں میں شمار ہوتی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایشوریہ رائے بالی ووڈ عامر خان.ذریعہ: WE News
کلیدی لفظ: ایشوریہ رائے بالی ووڈ کو منتخب کرنے ایشوریہ رائے اشتہار میں انہوں نے کے لیے
پڑھیں:
ایکس کا لوکیشن فیچر کیسے کام کرتا ہے، صارفین کو کیا سہولت میسر ہوگی؟
آج کل سوشل میڈیا پلیٹ فارم ایکس پر صارفین یہ جاننے میں دلچسپی رکھتے ہیں کہ کون کس ملک یا شہر سے ٹویٹ کر رہا ہے۔ چاہے یہ کوئی نیا دوست ہو یا مشہور شخصیت، زیادہ تر لوگ یہ معلوم کرنا چاہتے ہیں کہ کسی اکاؤنٹ کی اصلی لوکیشن کیا ہے۔
یہ بھی پڑھیں: ایلون مسک کا ایکس کے تمام سبسکرپشن فیچرز مفت فراہم کرنے کا اعلان
ایکس نے حال ہی میں اپنے پلیٹ فارم پر لوکیشن دکھانے کا نیا فیچر متعارف کرایا ہے، جس کے ذریعے صارفین نہ صرف اپنی بلکہ دوسروں کی پروفائلز پر جا کر اکاؤنٹ کے حقیقی مقام کو دیکھ سکیں گے۔
یہ فیچر صارفین کو بہتر معلومات فراہم کرے گا تاکہ وہ یہ جان سکیں کہ وہ جس اکاؤنٹ سے بات کر رہے ہیں وہ حقیقی ہے یا کسی بوٹ، نفرت انگیز اکاؤنٹ یا جھوٹی معلومات پھیلانے والے اکاؤنٹ کا حصہ ہے۔
گذشتہ رات اس فیچر کے اعلان کے دوران ایکس کے ہیڈ آف پراڈکٹ نکیتا بئیر نے کہا کہ چند گھنٹوں میں About This Account (اس اکاؤنٹ کی معلومات) کا فیچر عالمی سطح پر دستیاب ہو جائے گا۔
یہ بھی پڑھیں: اسنیپ چیٹ کا اہم فیچر، صارف بحفاظت گھر پہنچنے کی اطلاع دوستوں کو دے سکے گا
اس کے ذریعے صارفین دیکھ سکیں گے کہ کوئی اکاؤنٹ کس ملک یا علاقے میں ہے۔ یہ معلومات پروفائل پر اکاؤنٹ بنانے کی تاریخ (جوائنڈ) پر ٹیپ کرنے سے حاصل کی جا سکتی ہیں۔
نکیتا بئیر کے مطابق، صارفین کو ایکس پر مواد پڑھتے وقت اس کی تصدیق کرنے کے قابل ہونا چاہیے، تاکہ دنیا کے اہم مسائل کی صحیح صورتحال سمجھنے میں آسانی ہو۔
ویب یا ایکس موبائل ایپ پر اپنے اکاؤنٹ کی معلومات دیکھنے کے لیے صارف پروفائل میں ‘جوائنڈ’ پر کلک کرے گا۔ اس کے بعد ایک صفحہ کھلے گا جو درج ذیل معلومات فراہم کرے گا۔
یہ بھی پڑھیں: ایران نے شہریوں سے واٹس ایپ اور انسٹاگرام ڈیلیٹ کرنے کا مطالبہ کر دیا، مگر کیوں؟
اکاؤنٹ بنانے کی تاریخ، اکاؤنٹ کا ملک، نام میں تبدیلیاں اور آخری تبدیلی کی تاریخ، ایکس سے کنکشن کی تفصیل، مثلاً امریکہ کے ایپ سٹور یا گوگل پلے کے ذریعے۔
ایکس کے مطابق یہ فیچر صارف کے اکاؤنٹ میں دی گئی معلومات، آئی پی ایڈریس اور دیگر پبلک ڈیٹا پوائنٹس کی بنیاد پر لوکیشن ظاہر کرتا ہے۔
اگر صارف نے پروفائل میں اپنا ملک یا شہر شامل کیا ہو تو وہ دکھائی دے گا۔
اگر لوکیشن خفیہ رکھی گئی ہو تو سسٹم قریب ترین مقام ظاہر کرنے کی کوشش کرے گا۔
یہ فیچر خاص طور پر مشہور اکاؤنٹس کے لیے مفید ہے، جہاں صارفین کی دلچسپی زیادہ ہو۔
صارفین کو یہ بھی اختیار دیا گیا ہے کہ وہ اپنی لوکیشن مکمل ملک کے طور پر دکھائیں یا صرف خطہ یا علاقہ ظاہر کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news ایکس ٹیکنالوجی سوشل میڈیا فیچر لوکیسشن
ججز کے استعفوں پر جشن نہیں بلکہ نظام مضبوط کرنا ضروری ہے، سعد رفیق