کلاس روم سے گلیوں تک: بھارت میں مسلمانوں کے ساتھ خوفناک سلوک کی رپورٹ جاری
اشاعت کی تاریخ: 30th, November 2025 GMT
نئی دہلی: بھارت میں مسلمانوں کے خلاف بڑھتی ہوئی نفرت، تعصب اور انتہاپسندانہ کارروائیاں ایک مرتبہ پھر بے نقاب ہوگئی ہیں۔
پریس ٹی وی کی تازہ رپورٹ کے مطابق آر ایس ایس کے زیرِ اثر ہندوتوا ایجنڈے کے تحت ملک بھر میں مسلمانوں کو منظم طور پر نشانہ بنایا جا رہا ہے، جبکہ حکومتی اور ادارہ جاتی رویوں نے صورتحال کو مزید تشویشناک بنا دیا ہے۔
رپورٹ کے مطابق مہاراشٹرا میں تین مسلم طلبہ کو کلاس روم میں نماز پڑھنے پر اس قدر ہراساں کیا گیا کہ انہیں ایک مورتی کے سامنے جھکنے اور بیٹھک لگانے پر مجبور کیا گیا۔ اسی طرح آگرہ میں تاج محل کے قریب ایک 64 سالہ مسلم ٹیکسی ڈرائیور کو نوجوانوں نے روک کر زبردستی "جے شری رام" کا نعرہ لگوایا۔
پریس ٹی وی کا کہنا ہے کہ دائیں بازو کے ہندو گروہ مسلمانوں کے خلاف کھلے عام نفرت انگیز تقاریر کرتے ہیں اور تشدد کی دھمکیاں دیتے ہیں، لیکن حکام اور مرکزی دھارا میڈیا خاموش تماشائی بنے ہوئے ہیں۔
رپورٹ کے مطابق بریلی میں ایک مسلمان شہری کی دو منزلہ مارکیٹ کو غیر قانونی قرار دے کر مسمار کر دیا گیا، جبکہ بھارت میں یہ خطرناک رجحان عام ہو چکا ہے کہ مسلمانوں کے حق میں آواز بلند کرنے والوں کی جائیدادیں بھی گرادی جاتی ہیں۔
مزید بتایا گیا کہ احتجاج یا کسی بھی قانونی حق کے استعمال پر مسلمان شہریوں کو بنا کارروائی گرفتار کر لیا جاتا ہے، جب کہ سوشل میڈیا پر دائیں بازو کے گروہ مسلمانوں کے خلاف مسلسل نفرت انگیزی پھیلا رہے ہیں۔
پریس ٹی وی کا کہنا ہے کہ موجودہ حکومتی پالیسیوں نے ملک میں اسلاموفوبیا اور فرقہ وارانہ کشیدگی میں ریکارڈ اضافہ کیا ہے۔
رپورٹ کے مطابق بھارت میں بڑھتی ہوئی نفرت، انتہاپسندی، مذہبی تقسیم اور اقلیت دشمن رویے وزیراعظم نریندر مودی کی متعصبانہ سوچ اور ہندوتوا نظریے کا کھلا عکاس ہیں۔
.ذریعہ: Express News
کلیدی لفظ: رپورٹ کے مطابق مسلمانوں کے بھارت میں
پڑھیں:
بانی پی ٹی آئی کیساتھ جیل مینوئل کے مطابق سلوک ہو رہا ہے: ملک محمد احمد خان
لاہور(آئی این پی )سپیکر پنجاب اسمبلی ملک محمد احمد خان نے کہا ہے کہ عمران خان کے ساتھ جو سلوک ہو رہا ہے وہ جیل قانون کے مطابق ہے،نواز ،شہباز شریف،آصف زرداری کیساتھ بھی یہی ہوا،قانون سازی کو مزید بہتر بنانے کیلئے حکومت اور اپوزیشن مل کر کام کریں۔ ان خیالات کاظہار انہوں نے جمعہ کو میڈیا سے گفتگو میں کیا ۔ملک محمد احمد خان نے کہا کہ جیل مینوئل کے ساتھ کون ٹریٹ نہیں ہوا ان میں نواز شریف اور آصف علی زرداری بھی شامل ہیں، اگر کوئی جیل کے باہر جا کر ہلڑ بازی کرے گا تو غلط ہے۔اسپیکر پنجاب اسمبلی نے کہا کہ ہماری لیڈرشپ کے ساتھ بھی جیل مینوئل کے مطابق سلوک ہوا، پی ٹی آئی نے ملکی اثاثوں اور املاک کو جلایا اور آج کہتی ہے کہ سیاسی حالات بہت مشکل ہیں، گزشتہ حکومت کیلئے بھی سیاسی حالات مشکل بنا دئیے گئے تھے۔انہوں نے کہا کہ ایسے جرائم ہیں کہ آپ (پی ٹی آئی) نے شہدا کے مجسمے اور ریڈیو پاکستان کو جلایا، میں ایسے کام کروں گا تو مجرم ہوں گا اور کوئی اور کرے گا تو اسے کچھ نہیں کہا جائے گا؟۔ملک محمد احمد خان کا کہنا تھا کہ پنجاب اسمبلی کی کارکردگی نمایاں رہی ہے، کارروائی میں حکومتی ارکان نے بھرپور حصہ لیا، حکومت اور اپوزیشن دونوں نے قانون سازی کے عمل میں بھرپور حصہ لیا، عوامی مسائل پرموثر قانون سازی ہماری ذمہ داری ہے، اپوزیشن کا کردار بھی لائق تحسین ہے۔ان کا مزید کہنا تھا کہ اپوزیشن کہے گی کہ اسمبلی کو چلنے نہیں دیں گے تو کیوں نہیں چلنے دیں گے؟ اسمبلی کو جھگڑے کا اکھاڑا بنایا جائے گا تو کیسے چلے گا؟ ایوان کے اندر آ کر اگر کسی نے زیادتی کی تو میں روکوں گا، ہم نے یہاں پر ایوان میں مارشل لا بھی دیکھے ہیں۔ملک محمد احمد خان نے کہا کہ اپوزیشن کو لیول پلیئنگ فیلڈ دی، درخواست ہے کہ ان اسمبلیوں کو گالی اور احتجاج کا مرکز نہ بنائیں۔ انہوں نے کہا کہ پارلیمنٹ قانون سازی کا مرکز ہے اسے مضبوط کرنا ہوگا، اپوزیشن اور حکومت کو مکالمے کا راستہ نہیں چھوڑنا چاہیے، پارلیمانی روایات کا احترام سب پر لازم ہے، اپوزیشن ممبرز بھی نظام کا حصہ ہیں۔انہوں نے کہا کہ صاف ستھرا پنجاب اپنی نوعیت کا بڑا پروگرام ہے، ماربل فیکٹریوں میں کام کرنے والوں کی اموات زیادہ ہوتی تھیں، جب ماربل کو کاٹا جاتا تھا تو اس کی دھول سے مہلک بیماری ہوتی تھیں، اس مسئلے کا حل بھی پنجاب اسمبلی میں نکالا گیا۔
ضمنی انتخابات: ن لیگ نے میدان مار لیا، کارکنوں کا جشن، بھنگڑے، مٹھائیاں تقسیم