عمران خان کی بہنیں بھارتی میڈیا پر جا کر ملک بدنام کر رہی ہیں، عطا تارڑ
اشاعت کی تاریخ: 30th, November 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد:وفاقی وزیر اطلاعات عطا اللہ تارڑ نے بانی پی ٹی آئی عمران خان، ان کی بہنوں اور خیبرپختونخوا کی صوبائی حکومت پر شدید تنقید کرتے ہوئے کہا ہے کہ بانی پی ٹی آئی کی بہنیں بھارتی اور افغان میڈیا پر جا کر پاکستان کے خلاف پروپیگنڈا کرتی ہیں، ایسے رویے پر انہیں چلو بھر پانی میں ڈوب مرنا چاہیے۔
میڈیا سے گفتگو کرتے ہوئے عطا تارڑ نے کہا کہ عمران خان نے وزیر اعظم شہباز شریف پر جھوٹے الزامات لگائے تھے لیکن عدالت میں پیش ہو کر ان الزامات کا کوئی ثبوت پیش نہ کر سکے، بانی پی ٹی آئی نے مختلف فورمز پر ایک ہی طرح کے جھوٹ دوہرائے اور ملکی سیاست میں انتشار پھیلایا۔
انہوں نے کہا کہ عمران خان کے تمام بڑے سیاسی اور معاشی فیصلے ان کی اہلیہ کے روحانی مشوروں کے تابع رہے، جس کا اعتراف اب عالمی جریدے بھی کر رہے ہیں کہ پی ٹی آئی قیادت کے فیصلوں کے پیچھے جھوٹ اور بہتان کا منظم ڈھانچہ موجود تھا۔
عطا تارڑ کا کہنا تھا کہ 2017 کے دھرنوں سمیت ہر موقع پر عمران خان نے بے بنیاد بیانیے چلائے، 9 مئی کے واقعات میں بھی بانی پی ٹی آئی کی تینوں بہنیں کور کمانڈر ہاؤس میں موجود تھیں اور جتھوں کی رہنمائی کرتی رہیں۔
وفاقی وزیر نے وانا کیڈٹ کالج میں پاک فوج کے کامیاب آپریشن کی تعریف کرتے ہوئے کہا کہ 500 سے زائد طلبا کو بازیاب کرانا ایک بڑا کارنامہ ہے اور ہماری مسلح افواج خراجِ تحسین کی مستحق ہیں۔
انہوں نے خیبرپختونخوا حکومت پر بھی سخت تنقید کی اور کہا کہ صوبے میں ہزاروں نان کسٹم پیڈ گاڑیاں آزادی سے چل رہی ہیں، ڈرگ اسمگلنگ عروج پر ہے اور ٹیکس چوری کے بڑے نیٹ ورک صوبائی حکومت کی ناکامی کو ظاہر کرتے ہیں، تمباکو مافیا سے ٹیکس وصول کیا جائے تو سالانہ 500 ارب روپے اضافی اکٹھے ہوسکتے ہیں۔
عطا تارڑ نے مزید کہا کہ پی ٹی آئی کی قیادت بارڈر سیکیورٹی اور دہشتگردی جیسے حساس معاملات پر بھی ذاتی سیاسی فائدہ اٹھانے کی کوشش کرتی ہے جبکہ بھارت اور افغانستان سے چلنے والے سوشل میڈیا اکاؤنٹس کے ذریعے پروپیگنڈا کرنا ان لوگوں کے اصل عزائم ظاہر کرتا ہے۔
ذریعہ: Jasarat News
کلیدی لفظ: بانی پی ٹی آئی عطا تارڑ کہا کہ
پڑھیں:
عمران خان کی ہمشیرہ نورین نیازی کے بھارتی میڈیا چینلز پر انٹرویوز، مقصد کیا ہے؟
بانی پی ٹی آئی عمران خان سے جیل میں ملاقاتوں اور ان کی صحت کے معاملے کو لے کر افغانستان اور انڈیا کے میڈیا نے پراپیگنڈا شروع کردیا ہے۔
میڈیا رپورٹس کے مطابق کل شب عمران خان کی ہمشیرہ نورین نیازی نے متعدد بھارتی نیوز چینلز کو انٹرویوز دیے، ان چینلز میں اے این آئی بھی شامل تھا جو بھارت کی نیوز ایجنسی ہے اور اسے نریندر مودی کا حامی سمجھا جاتا ہے۔ انٹرویو کے بعد نورین نیازی کے کلپس اے این آئی نے چلا کر پراپیگنڈا کیا۔
یہ بھی پڑھیے: لگتا ہے اڈیالہ جیل میں مارشل لا لگا ہوا ہے، عمران خان کی بہن نورین نیازی بھی سامنے آگئیں
اے پی بی نیوز جسےانتہا پسند جماعت پی جی پی کا ماؤتھ پیس سمجھا جاتا ہے، نے بھی نورین نیازی کا انٹرویو نشر کیا۔اس کے علاوہ این ڈی ٹی وی، نیوز9 اور این ڈی ٹی وی انگلش پر بھی عمران خان سے ملاقاتوں کے معاملے پر نورین نیازی کے انٹرویوز نشر ہوئے۔ ان انٹرویوز کے بعد پاکستان مخالف بھارتی صحافی ارناب گوسوامی اور برکھادت نے بھی ان انٹرویوز کی بنیاد پر پروگرام کیے اور پاکستان مخالف بیانیے کو فروغ دیا۔
واضح رہے کہ اس سے قبل مئی میں پاک انڈیا جنگ کو علیمہ خان نے ڈراما بازی قرار دیا تھا۔
نورین نیازی کے بھارتی میڈیا پر انٹرویوز کے بعد شدید ردعمل سامنے آیا ہے اور ماہرین کے مطابق پاکستان کے اندرونی مسائل کو بین الاقوامی محاذ پر لے جانے کا مقصد پاکستان کے خلاف ملک دشمن عناصر کو صف بندی کرنے کا جواز مہیا کرنا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ڈرائیونگ لائسنس میں کرپشن شکایات اور ریکارڈ جمع کروانے کا حکم