لاہور رسول کورٹ میں خوفناک آتشزد گی 100عدالتوں کا ریکارڈ جل گیا
اشاعت کی تاریخ: 17th, October 2025 GMT
لاہور (خبر نگار) سول کورٹس کے قریب ایل ڈی اے پلازہ میں آگ لگنے سے چار فلورز پر 100 کے قریب عدالتوں کا مکمل ریکارڈ جل کر خاکستر ہوگیا۔ ان عدالتوں میں جائیدادوں کے کیس زیر سماعت تھے۔ آتشزدگی سے فرنیچر بھی جل گیا، فائر بریگیڈ کوشش کے بعد آگ پر قابو پا لیا، آگ عدالتی وقت شروع ہونے سے پہلے لگی اور دیکھتے ہی دیکھتے اس نے موجود عدالتی کمروں کو لپیٹ میں لے لیا۔ ریسکیو 1122 حکام کے مطابق جب آگ لگی تو اْس وقت عمارت میں کوئی موجود نہیں تھا اور کوئی جانی نقصان نہیں ہوا، سیشن جج لاہور، خورشید خواجہ، سینئر سول جج شفقت عباس بگھیانہ اور فوکل پرسن سکیورٹی شکیب عمران قمر موقع پر پہنچ گئے۔ سیشن جج لاہور کو سول کورٹ میں لگنے والی آگ پر بریفننگ دی گئی، انتظامیہ کے مطابق اگ لگنے کی وجوہات معلوم نہیں ہو سکی لیکن آتشزدگی کی چھان بین کی جا رہی ہے۔
.ذریعہ: Nawaiwaqt
پڑھیں:
سوات: خوفناک حادثے میں خواتین و بچوں سمیت ایک ہی خاندان کے 10 افراد جاں بحق
data-id="863a0a8" data-element_type="widget" data-widget_type="theme-post-content.default">
سوات موٹروے ٹنل نمبر 3 کے قریب دل دہلا دینے والے حادثے میں خواتین و بچوں سمیت ایک ہی خاندان کے 10 افراد جاں بحق ہو گئے۔
ابتدائی اطلاعات کے مطابق گاڑی تیز رفتاری کے باعث بے قابو ہو کر الٹ گئی، جس کے نتیجے میں 10 قیمتی جانیں ضائع ہو گئیں جبکہ 10 افراد شدید زخمی حالت میں اسپتال منتقل کیے گئے۔
ریسکیو 1122 ملاکنڈ کی ٹیموں نے فوری طور پر جائے وقوع پہنچ کر امدادی کارروائیاں شروع کیں، زخمیوں کو ابتدائی طبی امداد دینے کے بعد ڈی ایچ کیو اسپتال بٹخیلہ منتقل کیا گیا۔
حادثے میں جاں بحق ہونے والوں میں خواتین اور بچے بھی شامل ہیں، جن کا تعلق سوات کی تحصیل بحرین سے بتایا جا رہا ہے۔
ریسکیو حکام کے مطابق گاڑی میں سوار تمام افراد ایک ہی خاندان کے تھے جو اپنے عزیزوں سے ملاقات کے بعد واپس جا رہے تھے کہ یہ سانحہ پیش آگیا۔ موٹروے پولیس کے مطابق حادثہ بظاہر تیز رفتاری کے باعث پیش آیا، تاہم اصل وجوہات جاننے کے لیے تحقیقات جاری ہیں۔
افسوس ناک واقعے نے پورے علاقے کو سوگوار کر دیا ہے، بٹخیلہ اسپتال میں جاں بحق افراد کے لواحقین پہنچے جب کہ مقامی انتظامیہ نے جاں بحق افراد کے لیے مالی امداد اور زخمیوں کو ہر ممکن علاج فراہم کرنے کی یقین دہانی کرائی ہے۔
مسلم لیگ (ن ) آزاد کشمیر کے سینئر رہنما راجہ محمد نصیر احمد خان انتقال کر گئے