سوات: خوفناک حادثے میں خواتین و بچوں سمیت ایک ہی خاندان کے 10 افراد جاں بحق
اشاعت کی تاریخ: 16th, October 2025 GMT
data-id="863a0a8" data-element_type="widget" data-widget_type="theme-post-content.default">
سوات موٹروے ٹنل نمبر 3 کے قریب دل دہلا دینے والے حادثے میں خواتین و بچوں سمیت ایک ہی خاندان کے 10 افراد جاں بحق ہو گئے۔
ابتدائی اطلاعات کے مطابق گاڑی تیز رفتاری کے باعث بے قابو ہو کر الٹ گئی، جس کے نتیجے میں 10 قیمتی جانیں ضائع ہو گئیں جبکہ 10 افراد شدید زخمی حالت میں اسپتال منتقل کیے گئے۔
ریسکیو 1122 ملاکنڈ کی ٹیموں نے فوری طور پر جائے وقوع پہنچ کر امدادی کارروائیاں شروع کیں، زخمیوں کو ابتدائی طبی امداد دینے کے بعد ڈی ایچ کیو اسپتال بٹخیلہ منتقل کیا گیا۔
حادثے میں جاں بحق ہونے والوں میں خواتین اور بچے بھی شامل ہیں، جن کا تعلق سوات کی تحصیل بحرین سے بتایا جا رہا ہے۔
ریسکیو حکام کے مطابق گاڑی میں سوار تمام افراد ایک ہی خاندان کے تھے جو اپنے عزیزوں سے ملاقات کے بعد واپس جا رہے تھے کہ یہ سانحہ پیش آگیا۔ موٹروے پولیس کے مطابق حادثہ بظاہر تیز رفتاری کے باعث پیش آیا، تاہم اصل وجوہات جاننے کے لیے تحقیقات جاری ہیں۔
افسوس ناک واقعے نے پورے علاقے کو سوگوار کر دیا ہے، بٹخیلہ اسپتال میں جاں بحق افراد کے لواحقین پہنچے جب کہ مقامی انتظامیہ نے جاں بحق افراد کے لیے مالی امداد اور زخمیوں کو ہر ممکن علاج فراہم کرنے کی یقین دہانی کرائی ہے۔
.ذریعہ: Jasarat News
پڑھیں:
ایبٹ آباد:تیز رفتار گاڑی کھائی میں جاگری،5 افراد جاں بحق
(ویب ڈیسک)ایبٹ آباد کےقریب گاڑی تیز رفتاری کے باعث کھائی میں جاگری،حادثے میں5 افراد جان سے گئے۔
پولیس کے مطابق حویلیاں سے مگری جانے والی چیپ الٹ کر کھائی میں جاگری،حادثے میں 5 افراد جاں بحق ہو گئے، 5 زخمی ہوئے۔
پولیس نے زخمیوں اور لاشوں کو ہسپتال منتقل کردیا گیا،جیپ میں 12 مسافر سوار تھے۔
سرکاری ملازمتوں کیلئے نئی پالیسی، تعلیمی اسکور پر5پوائنٹ اضافی ملیں گے