کوئٹہ، ریسٹورانٹس اور ہوٹلوں کی ٹیکس رجسٹریشن کا فیصلہ
اشاعت کی تاریخ: 30th, November 2025 GMT
حکام نے بتایا کہ بلوچستان ریونیو اتھارٹی کی خصوصی ٹیمیں شہر بھر میں معائنہ کریں گی اور تمام متعلقہ کاروباری اداروں کی رجسٹریشن، دستاویزی جانچ اور PoS کے فوری نفاذ کو یقینی بنائینگی۔ اسلام ٹائمز۔ بلوچستان حکومت نے کوئٹہ شہر کے تمام ریسٹورانس اور ہوٹلوں کی ٹیکس رجسٹریشن اور پوائنٹ آف سیل سسٹمز کی تنصیب کا فیصلہ کیا ہے۔ سسٹم نصب نہ کرنے والوں کو کاروبار کرنے کی اجازت نہیں دی جائے گی۔ بلوچستان ریونیو اتھارٹی کے حکام کے مطابق صوبے میں شفاف ٹیکس نظام کے فروغ اور ریونیو میں بہتری کے لیے ایک جامع مہم کا باضابطہ آغاز کر دیا گیا ہے۔ اس سلسلے میں کوئٹہ شہر کے تمام ریسٹورانس اور ہوٹلوں کی ٹیکس رجسٹریشن اور پوائنٹ آف سیل سسٹمز کی تنصیب کو لازمی قرار دیا گیا ہے۔ حکام کے مطابق اس مہم کا بنیادی مقصد ٹیکس نیٹ کو وسعت دینا، کاروباری معاملات میں شفافیت لانا، صوبائی محصولات میں اضافہ کرنا اور عوامی خدمات کے لیے مالی وسائل کو مضبوط بنانا ہے۔
حکام نے بتایا کہ بلوچستان ریونیو اتھارٹی کی خصوصی ٹیمیں شہر بھر میں معائنہ کریں گی اور تمام متعلقہ کاروباری اداروں کی رجسٹریشن، دستاویزی جانچ اور PoS کے فوری نفاذ کو یقینی بنائیں گی۔ حکام نے بتایا کہ جو کاروباری ادارے مقررہ ضوابط کی پابندی نہیں کریں گے، رجسٹریشن یا PoS کی تنصیب میں تاخیر کریں گے یا تعاون سے گریز کریں گے، انہیں شہر میں کاروبار جاری رکھنے کی اجازت نہیں دی جائے گی۔ اس سلسلے میں کسی قسم کی رعایت یا استثنیٰ نہیں دیا جائے گا۔ حکام کا کہنا ہے کہ اس اقدام سے نہ صرف کاروباری ماحول بہتر ہوگا بلکہ صوبے کی مجموعی معاشی ترقی میں بھی اہم پیشرفت متوقع ہے۔
ذریعہ: Islam Times
پڑھیں:
پنجاب میں ہاؤسنگ سوسائٹیز مینجمنٹ سسٹم پر سخت عملدرآمد کا فیصلہ
علی رامے: پنجاب حکومت نے صوبے میں ہاؤسنگ سوسائٹیز مینجمنٹ سسٹم پر سختی سے عملدرآمد کرانے کا فیصلہ کرتے ہوئے تمام متعلقہ اداروں اور نجی ہاؤسنگ سوسائٹیز کو واضح ہدایات جاری کر دی ہیں۔
حکومتی احکامات کے مطابق نادرا بائیومیٹرک ویری فکیشن اور ای رجسٹری کے بغیر کسی قسم کی فائل ٹرانسفر کی اجازت نہیں ہوگی۔
حکام کے مطابق متعدد نجی ہاؤسنگ سوسائٹیز کی جانب سے اب تک HSMS پر مطلوبہ عملدرآمد نہ ہونے کا سخت نوٹس لیا گیا ہے، جبکہ ڈی جی ہاؤسنگ اور دیگر ریگولیٹری اتھارٹیز کو غیرقانونی ٹرانسفرز، جعلی فائلوں اور ڈبل بیچنگ کی روک تھام کیلئے سخت مانیٹرنگ کی ہدایت کر دی گئی ہے۔
پاکستان نے افغانستان سے تاجکستان سرحد پر چینی شہریوں پرحملہ بزدلانہ فعل قرار دیدیا
حکومت نے تمام ہاؤسنگ سوسائٹیز کیلئے ڈیجیٹل لینڈ ٹرانسفر رجسٹری کو لازمی قرار دیتے ہوئے واضح کیا ہے کہ خلاف ورزی کی صورت میں سخت کارروائی عمل میں لائی جائے گی۔ تمام نجی سوسائٹیز کو فوری طور پر HSMS پر مکمل شفٹ ہونے کا حکم بھی جاری کیا گیا ہے۔
مزید برآں، حکومت نے پارسل سرٹیفکیٹ کو ٹائٹل ڈاکومنٹ کا درجہ دینے کا فیصلہ کیا ہے، جس سے عدالتی مقدمات اور ملکیتی تنازعات میں بڑی آسانی پیدا ہوگی، ریونیو لیکج کو روکنے کیلئے لینڈ ریکارڈ کی مکمل ڈیجیٹل ریکارڈنگ بھی لازمی قرار دی گئی ہے۔
شہر کی فضا بدستور آلودہ،سول سیکرٹریٹ میں آلودگی کی شرح خطرناک حد سے تجاوز کر گئی
حکام کے مطابق صوبے بھر کی تمام ریگولیٹری اتھارٹیز کو 7 دن کے اندر عملدرآمد رپورٹ جمع کرانے کی ہدایت جاری کر دی گئی ہے، تاکہ صوبے میں ریئل اسٹیٹ سیکٹر کو شفاف، منظم اور جدید نظام کے تحت چلایا جا سکے۔
عوام نے انتشار نہیں ترقی کا راستہ چن لیا، نواز شریف کی ضمنی انتخابات میں کامیابی پر مبارکباد