بھارت میں مسلمانوں کو جان بوجھ کر نشانہ بنایا جانا ناقابلِ معافی جرم ہے، ثروت اعجاز قادری
اشاعت کی تاریخ: 30th, November 2025 GMT
چیئرمین پاکستان سنی تحریک نے کہا کہ بھارت میں نفرت کا یہ کھیل نہ روکا گیا تو اس کے اثرات پورے خطے میں فرقہ واریت، مذہبی کشیدگی اور بدامنی کی صورت میں سامنے آئیں گے، جس کا ذمہ دار صرف اور صرف بھارتی قیادت اور انتہا پسند سوچ ہوگی۔ اسلام ٹائمز۔ چیئرمین پاکستان سنی تحریک انجینئر محمد ثروت اعجاز قادری نے بھارت میں پاکستان کے خلاف جنگ اور کرکٹ میچ کے بعد مسلمانوں پر بڑھتے ہوئے تعصب، نفرت انگیزی اور انتقامی کارروائیوں کی شدید ترین الفاظ میں مذمت کرتے ہوئے کہا ہے کہ بھارت کا ایک مخصوص طبقہ جنگ اور کھیل کا غصہ مسلمانوں پر نکال کر دنیا کے سامنے اپنے اصل چہرے کو ننگا کر رہا ہے، کھیل ایک عالمی رابطے اور امن کا ذریعہ ہے، مگر بھارت میں انتہا پسندی، زہریلی سیاست اور مذہبی جنونیت کی انتہا ہے۔ ثروت اعجاز قادری نے کہا کہ بھارتی حکمران اپنی سیاسی ناکامیوں، سماجی بگاڑ اور اندرونی بدامنی سے عوام کی توجہ ہٹانے کے لیے ہمیشہ کمزور اور غیر محفوظ اقلیتوں کو قربانی کا بکرا بناتے ہیں، افسوسناک حقیقت یہ ہے کہ بھارت میں مسلمانوں کے خلاف کارروائیاں کسی حادثاتی ردِعمل کا نتیجہ نہیں بلکہ ایک منظم منصوبہ بندی کے تحت چلائی جانے والی مہم ہے، جس میں انتہا پسند گروہوں کو حکومتی سرپرستی بھی حاصل ہے۔
.ذریعہ: Islam Times
پڑھیں:
سندھ تاقیامت پاکستان کا حصہ رہے گا، بھارت کا خواب خواب ہی رہے گا: شرجیل انعام میمن
بھارت کسی کو منہ دکھانے کے قابل نہیں ہے، شرمیل میمن — اسکرین گریبسندھ کے سینئر وزیر شرجیل انعام میمن کا کہنا ہے بھارت کسی کو منہ دکھانے کے قابل نہیں ہے، بین الاقوامی سطح پر اکیلا ہوتا جا رہا ہے۔ سندھ تاقیامت پاکستان کا حصہ رہے گا بھارتی وزیر دفاعی کا خواب کبھی پورا نہیں ہوگا۔
سندھ کے سینئر وزیر شرجیل انعام میمن نے کراچی میں پریس کانفرنس کے دوران بھارتی وزیر دفاع کے بیان پر ردعمل دیتے ہوئے کہا کہ حالیہ پاک بھارت کشیدگی سے قبل بھارت نے ایک حرکت کی تھی، ان کے ابھیندن کا جہاز گرایا اور چائے پلائی۔ پہلگام واقعے کے بعد بھارت نے پھر حرکت کی لیکن اسے شرمندگی کا سامنا ہوا۔
ان کا کہنا تھا کہ بھارت رقبے، آبادی و وسائل کے لحاظ سے کافی بڑا ملک ہے جبکہ پاکستان وسائل کم ہونے کے باجود کافی عرصے سے دہشتگردی سے لڑ رہا ہے، ہم نے بہت قربانیاں دی ہیں۔
انہوں نے کہا کہ حالیہ کشیدگی کے دوران ہماری افواج نے بھارت کو منہ توڑ جواب دیا، اسے عبرت ناک شکست دی، جس کے بعد بھارت کسی کو منہ دکھانے کے قابل نہیں ہے، بین الاقوامی سطح پر بھارت اکیلا ہوتا جارہا ہے۔ اس لیے اس طرح کے شوشے چھوڑتے رہیں گے لیکن سندھ تاقیامت پاکستان کا حصہ رہے گا۔ بھارتی وزیرِ دفاعی کی خواہش کبھی پوری نہیں ہوگی۔ بھارت کا خواب خواب ہی رہے گا۔
’پی ٹی آئی کو مشورہ دونگا کہ اپنی لڑائی عدالتوں میں لڑیں‘انہوں نے بانی پی ٹی آئی سے متعلق ایک سوال کا جواب دیتے ہوئے کہا کہ پیپلز پارٹی نے کبھی قید و بند میں بھی پاکستان کے خلاف بیان نہیں دیا، جس طرح کی صعوبتیں پیپلز پارٹی نے برداشت کی ہیں اس کی مثال نہیں ملتی، ان کا ناخن بھی نہیں ٹوٹا مگر انہوں نے چِلانا شروع کردیا۔
انہوں نے یہ بھی کہا کہ جیل سے رپورٹس آرہی ہیں کہ بانی پی ٹی آئی صحت مند ہیں، اچھا کھا رہے ہیں، چھوٹی سی 2 ڈھائی سال کی جیل میں آپ دشمنوں سے مدد مانگ رہے ہیں، پی ٹی آئی ملک کے مسائل ملک میں ہی رکھے۔ پی ٹی آئی کے لوگوں کو مشورہ دونگا کہ اپنی لڑائی عدالتوں میں لڑیں۔
انہوں نے پیپلز پارٹی کی سیاسی قربانیوں کے حوالے سے بات کرتے ہوئے کہا کہ پیپلز پارٹی نے جس طرح قربانیاں دیں ہیں اس کی مثال نہیں ملتی، یہ واحد پارٹی ہے جس نے ہمیشہ جمہوریت کےلیے قربانی دی۔ قائدِ عوام نے اپنی جان کی فکر نہ کرتے ہوئے پاکستان کو ایٹمی طاقت بنایا، قائد عوام نے پاکستان کو ایک متفقہ آئین دیا، جس میں ہر چیز کا علاج موجود ہے۔ آئین میں صوبوں کا ایک طریقہ کار موجود ہے۔
انہوں نے کہا کہ محترمہ بینظیر بھٹو نے بھی پاکستان کے لیے کئی اچھے کام کیے، پاکستان میں آج تک ایسا دور نہیں رہا جس میں سرکار نے غریبوں کو گھر دیے ہوں، ملک میں توانائی کا مسئلہ تھا، شہید بینظیر بھٹو نے تھر پروجیکٹ شروع کیا۔ پیپلزپارٹی نے دوبارہ اپنی حکومت میں اس منصوبہ کو بحال کیا۔
شہید محترمہ کی شہادت پر صدر زرداری نے پاکستان کھپے کا نعرہ لگایا، جو جماعتیں اقتدار میں ہوتی ہیں ان کی باتیں الگ ہوتی ہیں۔ پیپلزپارٹی حکومت میں ہو یا نہ ہو مگر اس نے ہمیشہ پاکستان کی بات کی ہے۔ آپ جانتے ہیں کہ کن کن جماعتوں کے بیانیے اور نظریے تبدیل ہوتے رہے۔
سندھ کے سینئر وزیر شرجیل میمن نے وزیر اطلاعات پنجاب عظمیٰ بخاری پر تنقید کرتے ہوئے کہا کہ عظمیٰ بخاری جس طرح اقتدار میں آئیں، بلاول ایسے نہیں آئیں گے، بلاول عوام کے ووٹوں سے اقتدار میں آئیں گے۔
سندھ کے سینئر وزیر نے کراچی کی تباہی سے متعلق سوال کا جواب دیتے ہوئے کہا کہ کراچی دبئی سے آگے تھا یہ حقیت ہے، یہ تباہ کیوں اور کیسے ہوا؟ کراچی کو پلان کے ذریعے بانی ایم کیو ایم کے حوالے کیا گیا، کراچی میں ہتھیار، ہیروئین کلچر آیا، بھتے کی پرچیاں، بوری بند لاشیں دی گئیں، کراچی میں چائنہ کٹنگ کی گئی، ان چیزوں نے شہر کو تباہ کر دیا، اب کراچی بہتر ہو رہا ہے، کچھ وقت بعد کراچی بہت بہتر ہوگا۔
شرجیل میمن نے ایک سوال کا جواب دیتے ہوئے کا کہا کہ آپ گندم امپورٹ کر رہے ہیں مگر اپنے کسانوں کو سبسڈی نہیں دے رہے۔ بلاول بھٹو زرداری نے کسانوں کے لیے آواز اٹھائی۔ ہم ملک کی ترقی، اداروں اور کسانوں کے ساتھ کھڑے ہیں۔
اس سے قبل صحافیوں سے گفتگو کرتے ہوئے انہوں نے کہا کہ کل پیپلز پارٹی کا 58 واں یوم تاسیس ہے، کل 100 سے زائد جگہوں پر جلسے کیے جائیں گے۔
اہم سرکاری اداروں میں کلیدی تعیناتیوں اور بورڈز کی ازسرِنو تشکیل کی منظوری