شرم الشیخ میں امن سربراہی اجلاس: وزیرِ اعظم شہباز شریف کل مصر جائیں گے
اشاعت کی تاریخ: 12th, October 2025 GMT
—فائل فوٹو
وزیرِ اعظم شہباز شریف کل شرم الشیخ میں امن سربراہی اجلاس میں شرکت کے لیے مصر جائیں گے۔
اجلاس میں امریکی صدر ڈونلڈ ٹرمپ کے غزہ امن معاہدے پر دستخط ہوں گے، اجلاس میں برطانوی وزیرِ اعظم، فرانسیسی صدر، جرمن چانسلر اور اقوامِ متحدہ کے سیکریٹری جنرل سمیت کئی اہم ممالک کے سربراہان شریک ہوں گے۔
ترجمان دفترِ خارجہ کا کہنا ہے کہ وزیرِ اعظم کو مصر اور امریکا کے صدور نے اجلاس میں شرکت کی دعوت دی تھی، نائب وزیرِ اعظم اسحاق ڈار سمیت دیگر سینئر وزراء بھی وزیرِ اعظم کے ہمراہ ہوں گے۔
وزیراعظم شہباز شریف نے افغانستان کی اشتعال انگیزی پر مؤثر جوابی کارروائی کرنے پر پاک فوج کو خراجِ تحسین اور جامِ شہادت نوش کرنے والے سیکیورٹی فورسز کے 23 جوانوں کو خراجِ عقیدت پیش کیا ہے۔
شرم الشیخ امن سربراہی اجلاس کا مقصد غزہ کی سنگین صورتِ حال کے خاتمے کے لیے امن معاہدے پر دستخط ہیں۔
یہ اجلاس جنرل اسمبلی کے 80 ویں اجلاس کے موقع پر شروع ہونے والی سفارتی کوششوں کا تسلسل ہے۔
وزیرِ اعظم نے 23 ستمبر کو 7 عرب و اسلامی ممالک کے رہنماؤں کے ساتھ امریکی صدر سے ملاقات میں امن اقدامات پر بات کی تھی، عرب و اسلامی ممالک نے صدر ٹرمپ کی امن کوششوں کو سراہا تھا جبکہ اس موقع پر غزہ میں دیرپا جنگ بندی کے عزم کا اعادہ کیا گیا۔
ترجمان دفتر خارجہ کا کہنا ہے کہ وزیرِاعظم کی شرکت فلسطینیوں کے حقِ خود ارادیت اور منصفانہ مؤقف کی حمایت کی مظہر ہے، امید ہے کہ شرم الشیخ اجلاس اسرائیلی انخلاء، فلسطینیوں کے تحفظ اور غزہ کی تعمیرِ نو کی راہ ہموار کرے گا۔
دفترِ خارجہ کا کہنا ہے کہ پاکستان دو ریاستی حل پر مبنی آزاد فلسطینی ریاست کے قیام کی حمایت کرتا ہے۔
.
ذریعہ
ذریعہ: Jang News
کلیدی لفظ: شرم الشیخ اجلاس میں
پڑھیں:
سینیٹ قائمہ کمیٹی کا بڑا فیصلہ، پرنٹ میڈیا کے معاملات صرف پریس کونسل میں سنے جائیں گے
اسلام آباد: سینیٹ کی قائمہ کمیٹی برائے اطلاعات و نشریات کے اجلاس میں پرنٹ میڈیا سے متعلق شکایات اور اخبارات میں شائع ہونے والی خبروں اور کالمز پر کارروائی کے اختیار کا معاملہ زیر بحث آیا، جہاں سینئر صحافی طارق محمود سمیر نے اپنا مؤقف پیش کرتے ہوئے اہم قانونی نکات اٹھائے۔
اجلاس کے دوران طارق محمود سمیر نے کہا کہ لاہور سے شائع ہونے والے روزنامہ نئی بات میں بیوروکریسی سے متعلق شائع ہونے والے ایک کالم کی بنیاد پر کالم نگار توفیق بٹ اور اخبار کے ایڈیٹر کو نیشنل سائبر کرائم انویسٹی گیشن ایجنسی (این سی سی آئی) کی جانب سے جاری کیا گیا نوٹس واپس لیا جانا چاہیے۔انہوں نے قائمہ کمیٹی کو تجویز دی کہ اس معاملے کو متعلقہ فورم یعنی پریس کونسل آف پاکستان کو بھجوایا جائے، کیونکہ قانون کے مطابق پرنٹ میڈیا سے متعلق شکایات اور تنازعات کا جائزہ لینے کا اختیار صرف پریس کونسل کے پاس ہے۔سینیٹ کی قائمہ کمیٹی نے سینئر صحافی طارق محمود سمیر کی اس تجویز سے متفقہ طور پر اتفاق کرتے ہوئے ہدایت جاری کی کہ مذکورہ معاملہ پریس کونسل آف پاکستان کو بھجوایا جائے تاکہ قانون کے مطابق کارروائی عمل میں لائی جا سکے۔
کمیٹی نے اس موقع پر واضح کیا کہ پرنٹ میڈیا سے متعلق کسی بھی قسم کے معاملات یا شکایات نہ تو پیمرا کے دائرہ اختیار میں آتی ہیں اور نہ ہی این سی سی آئی ایسے معاملات میں براہ راست نوٹس لینے کا مجاز ہے۔ کمیٹی کے مطابق اخبارات میں شائع ہونے والی خبروں، مضامین اور کالمز سے متعلق شکایات صرف پریس کونسل آف پاکستان کے سامنے ہی پیش کی جا سکتی ہیں۔اجلاس میں یہ بھی یاد دلایا گیا کہ پرنٹ میڈیا سے متعلق قانون سازی کے دوران وفاقی حکومت نے قومی اسمبلی میں واضح یقین دہانی کرائی تھی کہ اخبارات اور پرنٹ میڈیا کے معاملات کا واحد مجاز ادارہ پریس کونسل آف پاکستان ہوگا، اور اسی فورم پر شکایات درج کرائی جا سکیں گی۔
قائمہ کمیٹی نے اس مؤقف کو دہراتے ہوئے متعلقہ اداروں پر زور دیا کہ آئندہ بھی پرنٹ میڈیا سے متعلق تمام معاملات قانون کے مطابق صرف پریس کونسل آف پاکستان کے ذریعے ہی نمٹائے جائیں تاکہ آئینی اور قانونی دائرہ اختیار برقرار رہے۔
رمضان میں سحر و افطار کے دوران لوڈشیڈنگ نہ کرنے کا حکم، گیس فراہمی کا بھی اعلان