اریج فاطمہ کا حجاب پر تنقید کرنے والوں کو کرارا جواب
اشاعت کی تاریخ: 17th, October 2025 GMT
پاکستانی نژاد سابق اداکارہ اریج فاطمہ نے حال ہی میں اپنے حجاب پر ہونے والی تنقید پر ناقدین کو کرارا جواب دیا اور غیر ضروری مشوروں سے دور رہنے کی ہدایت کی۔
اریج فاطمہ نے تیرے لیے، حسد، یارِ بے وفا، ایک پل، ہدایت اور عشق پرست جیسے مشہور ڈراموں میں کام کیا، شادی کے بعد شوبز سے کنارہ کش ہو کر امریکا میں اپنے شوہر اور دو بیٹوں کے ساتھ خوشگوار زندگی گزار رہی ہیں، وہ سوشل میڈیا پر مداحوں سے رابطے میں رہتی ہیں اور اپنی زندگی کے اہم لمحات شیئر کرتی ہیں۔
چند ماہ قبل اریج فاطمہ نے اعلان کیا تھا کہ وہ اب حجاب لیتی ہیں، اس کے ساتھ ہی انہوں نے اپنی کینسر کی بیماری اور علاج میں کامیابی کے بارے میں بھی مداحوں کو آگاہ کیا تھا، جس پر شائقین نے ان کے حوصلے اور روحانی سفر کو سراہا۔
تاہم حال ہی میں اداکارہ نے بتایا کہ حجاب لینے کے بعد لوگ ان پر غیر ضروری تنقید اور نصیحتیں کرنے لگے ہیں۔
اریج نے کہا کہ بہت سے لوگ کہتے ہیں میں اپنی اسٹوریز پر کچھ نیا پوسٹ کروں، لیکن سچ کہوں تو زندگی میں کچھ نیا نہیں ہو رہا، جیسے ہی میں نے دوبارہ سوشل میڈیا استعمال کرنا شروع کیا اور سر ڈھانپنا شروع کیا، لوگوں کو لگا جیسے انہیں مجھے گائیڈ کرنے کا لائسنس مل گیا ہے۔
انہوں نے کہا کہ جب میں عام لڑکیوں کی طرح حجاب نہیں لیتی تھی تو زندگی آسان تھی، لیکن اب جب میں نے حجاب لینا شروع کیا ہے تو لوگ مجھے پیغام بھیج کر بتاتے ہیں کہ حجاب کے ساتھ کیا کرنا چاہیے اور کیا نہیں، یہ میرا ذاتی سفر ہے، براہ کرم غیر ضروری مشورے دینا بند کریں۔
اداکارہ کی یہ ویڈیو وائرل ہونے کے بعد کئی خواتین نے ان کی حمایت کی اور کہا کہ انہیں بھی حجاب لینے کے بعد اسی قسم کے غیر ضروری تبصروں اور تنقید کا سامنا کرنا پڑتا ہے۔
.ذریعہ: Daily Mumtaz
کلیدی لفظ: اریج فاطمہ کے بعد
پڑھیں:
مجھ پر الزام لگانے والوں کو منہ کی کھانی پڑتی ہے، سلمان اکرم راجا
فائل فوٹوپاکستان تحریک انصاف (پی ٹی آئی) کے مرکزی رہنما سلمان اکرم راجا نے کہا ہے کہ مجھ پر الزام لگانے والوں کو منہ کی کھانی پڑتی ہے۔
پارلیمنٹ میں گفتگو کے دوران سلمان اکرم راجا نے کہا کہ ڈیڑھ سال میں مجھ پر بہت الزامات لگے لیکن مجھے ہزیمت کا سامنا نہیں کرنا پڑا بلکہ مجھ پر الزام لگانے والوں کو منہ کی کھانی پڑتی ہے۔
انہوں نے کہا کہ بانی پی ٹی آئی سے کئی بار گزارش کی مجھے وکالت کی طرف لوٹنے دیں، بانی چیئرمین کی مہربانی ہے کہ مجھ پر بھروسہ کرتے ہیں۔
پی ٹی آئی کے مرکزی رہنما نے مزید کہا کہ جب تک بانی پی ٹی آئی کا حکم ہوگا، اپنی ذمے داری نبھاتا رہوں گا، یہ کوئی دور کی بات نہیں بانی پی ٹی آئی سے ملاقات ہو جائے گی۔
وفاقی وزیر پلاننگ احسن اقبال کی زیر صدارت ترقیاتی منصوبوں سے متعلق گلگت میں اہم اجلاس