UrduPoint:
2025-10-18@01:37:31 GMT
محکمہ صحت پانی سے پیدا ہونے والی بیماریوں کے تدارک کیلئے اقدامات اٹھا رہاہے، خواجہ سلمان رفیق
اشاعت کی تاریخ: 17th, October 2025 GMT
لاہور (اُردو پوائنٹ اخبارتازہ ترین - اے پی پی۔ 17 اکتوبر2025ء) صوبائی وزیرصحت خواجہ سلمان رفیق کی زیر صدارت محکمہ سپیشلائزڈ ہیلتھ کئیراینڈ میڈیکل ایجوکیشن میں اہم اجلاس منعقد ہوا۔اجلاس میں سیکرٹری صحت پنجاب عظمت محمود خان نے شرکت کی۔اجلاس کے دوران پانی سے پیداہونے والی بیماریوں کے تدار ک کیلئے اقدامات کا جائزہ لیاگیا۔اجلاس کے دوران ہڈیارہ ڈرین سمیت دیگر ڈرینزکی صفائی ستھرائی کا بھی جائزہ لیاگیا۔
ڈین آئی پی ایچ پروفیسرسائرہ افضل نے اس حوالے سے رپورٹ پیش کی۔اجلاس میں فیصلہ کیا گیا کہ ہڈیارہ ڈرین سمیت پورے لاہور کا سروے کروایا جائے گا۔اجلاس کے دوران اس حوالے سے ایک کمیٹی بھی تشکیل دینے کی ہدایت کی گئی۔صوبائی وزیرصحت خواجہ سلمان رفیق نے کہاکہ محکمہ صحت پانی سے پیدا ہونے والی بیماریوں کے تدارک کیلئے اقدامات اٹھا رہاہے۔(جاری ہے)
اس حوالے سے سینئر پروفیسرز و ماہرین کی سربراہی میں اعلی سطح کی کمیٹی بھی تشکیل دی جا رہی ہے۔
اس کمیٹی میں ضلعی انتظامیہ،واسا،محکمہ ماحولیات ودیگر متعلقہ محکمہ جات کے نمائندگان بھی ممبران ہوں گے۔اس ریسرچ کے بعد جامع رپورٹ وزیراعلی پنجاب کو پیش کی جائے گی۔اجلاس میں سپیشل سیکرٹری آپریشنز نبیلہ عرفان،ایڈیشنل سیکرٹری ٹیکنیکل ڈاکٹر محمد وسیم،ڈین انسٹی ٹیوٹ آف پبلک ہیلتھ پروفیسرسائرہ افضل،ڈی جی ہیلتھ سروسز پنجاب ڈاکٹرخالد محمود،ایڈیشنل سیکرٹری ٹیکنیکل محکمہ صحت و آبادی ڈاکٹر زوہیب اور واسا کے افسران نے شرکت کی۔.ذریعہ: UrduPoint
کلیدی لفظ: تلاش کیجئے
پڑھیں:
انصاف تک آسان رسائی اور قانونی انفراسٹرکچر کی بہتری حکومت کی اولین ترجیح ہے، وزیرقانون پنجاب
لاہور (اُردو پوائنٹ اخبارتازہ ترین - اے پی پی۔ 16 اکتوبر2025ء) وزیر قانون پنجاب رانا محمد اقبال خان نےقلمدان سونپے جانے کے بعد سول سیکرٹریٹ ،محکمہ قانون میں پہلے بریفنگ اجلاس کی صدارت کی۔ اجلاس میں سیکرٹری قانون آصف بلال لودھی نے صوبائی وزیر کو محکمہ قانون کی کارکردگی، جاری اور مجوزہ منصوبوں پر بریفنگ دیتے ہوئے بتایا کہ صوبے کے تمام ضلع و تحصیل ہیڈکوارٹرز پر خواتین وکلا کے لئے لیڈی بار رومز کے قیام کے منصوبے،مختلف اضلاع بشمول اوکاڑہ، ڈیرہ غازی خان،لودھراں، ساہیوال، مظفرگڑھ، رحیم یار خاں،حافظ آباد، بہاولنگر، وہاڑی، ٹوبہ ٹیک سنگھ، شیخوپورہ اور نارووال میں ڈسٹرکٹ اٹارنیز دفاتر کی تعمیر،ایڈووکیٹ جنرل آفس بہاولپور کی تعمیراتی پیش رفت، جوڈیشل ٹاور لاہور کی تعمیر شامل ہے جبکہ سالانہ ترقیاتی پروگرام(اے ڈی پی )26،2025کے لئے مجوزہ نئی سکیموں بارے بھی بریفنگ دی گئی۔(جاری ہے)
صوبائی وزیر قانون نے کہا کہ انصاف تک آسان رسائی اور قانونی انفراسٹرکچر کی بہتری پنجاب حکومت کی اولین ترجیح ہے۔انہوں نے کہا کہ وزیراعلی پنجاب مریم نواز شریف کی قیادت میں صوبائی حکومت قانون و انصاف کے نظام کو جدید خطوط پر استوار کرنےکےلئے پرعزم ہے۔انہوں نے محکمہ قانون کو ہدایت کی کہ تمام ترقیاتی منصوبوں کی بر وقت تکمیل، شفافیت اور معیار کو یقینی بنایا جائے۔انہوں نے کہا کہ وکلا برادری، خصوصا خواتین وکلا کے لئے بہتر سہولیات کی فراہمی حکومت کی ذمہ داری ہے تاکہ وہ عدالتی نظام میں بھرپور کردار ادا کر سکیں۔اجلاس میں محکمہ قانون کے سینئر افسران، ،صوبائی وزیر سی اینڈ ڈبلیو صہیب احمد بھرتھ ،ایڈووکیٹ جنرل آفس کے نمائندگان اور متعلقہ افسران نے شرکت کی۔
مسلم لیگ (ن ) آزاد کشمیر کے سینئر رہنما راجہ محمد نصیر احمد خان انتقال کر گئے