سبز یوں کے نرخ کم ‘ دستیا بی یقینی بنانے کیلئے فوری اقدامات کئے جائیں : مریم نواز
اشاعت کی تاریخ: 15th, October 2025 GMT
لاہور (نوائے وقت رپورٹ) وزیراعلیٰ مریم نواز نے ٹماٹر اور دیگر سبزیوں کے نرخ میں اضافے پر تشویش کا اظہار کیا ہے اور سبزیوں کے نرخ میں کمی اور دستیابی یقینی بنانے کے لئے فوری اقدامات کا حکم دے دیا۔ وزیراعلیٰ نے ہر دکان پر نرخ نامے نمایاں طور پر آویزاں کرانے اور ہر بازار کے داخلی راستے پر بھی ریٹ لسٹ آویزاں کرنے کی ہدایت کی۔ مریم نواز کی زیر صدارت خصوصی اجلاس میں پرائس کنٹرول اینڈ کموڈیٹی مینجمنٹ ڈیپارٹمنٹ کی تنظیم نو سے متعلق بریفنگ دی گئی۔ ڈیپارٹمنٹ نے وزیراعلیٰ کو سٹرٹیجک پلان پیش کیا۔ بریفنگ میں بتایا کہ ایپ کے ذریعے سنٹرل ڈیش بورڈ پرسبزیوں کی فراہمی سے متعلق تمام ڈیٹا میسر ہوگا۔ سبزیوں، دالوں کے سٹاک، آمد، نرخ اور دیگر امور سے متعلق تفصیلی ڈیٹا ایپ کے ذریعے ڈاؤن لوڈ کیا جائے گا۔ پرائس مانیٹرنگ اینڈ کنٹرول سنٹر پر گندم کی پسائی اور آٹے کی دستیابی کا جائزہ لیا جائے گا۔ سبزی منڈیوں میں ٹرکوں کی ٹریکنگ بھی کی جا سکے گی۔ پنجاب بھر میں سبزیوں کے لئے بھی یکساں طرز اور ڈیزائن کی ریڑھیاں مہیا کرنے کا فیصلہ کیا گیا۔ اس موقع پر پنجاب بھر کی 239مریم نواز کاشتکار بازار/ سبزی منڈیوں کی یکساں برانڈنگ پر اتفاق کیا گیا۔ مارکیٹ سٹاف کی یکساں یونیفارم، شیڈ اور شاپس بھی ایک جیسی بنائی جائیں گی۔ منڈیوں میں صفائی برقرار رکھنے کے لئے میکینکل سویپر استعمال کیے جائیں گے۔ اجلاس میں رمضان میں ہر محلے میں سستے سٹال لگانے کی تجویز اور تحفظ صارف قانون کے موثر نفاذ کے لئے اقدامات جا ئزہ لیا گیا۔ مریم نواز نے کہا کہ نرخ میں کمی کے لئے حکومت کے تمام تر اقدامات کے عوامی سطح پر اثرات نظر آنے چاہئیں۔ سبزیوں کی ضرورت کا تعین کرکے پیشگی انتظام کیا جانا چاہیے۔ علاوہ ازیں مریم نواز کی زیرصدارت اجلاس میں پنجاب کے تما م ٹال پلازوں پر پرچی ختم کرنے اور مکمل ڈیجیٹلائزیشن کا فیصلہ کیا گیا ہے۔ 38 الیکٹرانک ٹال پلازوں پر موٹروے کی طرز پر ون ایپ ون سسٹم رائج ہوگا۔ وزیراعلیٰ نے 5 بڑی روڈز کی تعمیر ومرمت اور بحالی کے لئے پبلک پرائیویٹ اشتراک کار کی منظوری دے دی۔ پرائیویٹ ادارے سڑکوں کی تعمیرومرمت اور بحالی کے ذمہ دار ہوں گے۔ پنجاب میں ای ٹینڈرنگ کے ذریعے 40 ارب روپے کی بچت کا نیا ریکارڈ قائم ہوا۔ وزیراعلیٰ نے نئی بننے والے تمام روڈز پر سولر سٹریٹ لائٹس لگانے کا حکم دیا۔ لاہور کی بیوٹیفکیشن پراجیکٹس کی بھی منظوری دی۔ ریلوے سٹیشن کے سامنے پارک میں فوارہ اور بچوں کے لئے منی ٹرین چلے گی۔ سٹیشن کے اردگرد تین کلومیٹر کے احاطے میں روڈز اور فٹ پاتھ بنائے جائیں گے۔ دوسری جانب وزیراعلیٰ سے گرینڈ نیشنل اسمبلی آف ترکیہ کے سپیکر پروفیسر ڈاکٹر نعمان کرتلمش اور آذربائیجان کی ملی مجلس کی سپیکر صاحبہ غفاروا نے ملاقات کی۔ وزیراعلیٰ نے ترکیہ اور آذربائیجان کے پارلیمانی وفد کا خیر مقدم کیا۔ وزیراعلیٰ نے پنجاب کے عوام کی جانب سے ترکیہ اور آذربائیجان کی قیادت کے لئے خیرسگالی کا پیغام بھی بھی دیا اور مسئلہ کشمیر پر پاکستانی موقف کی حمایت پر دونوں ممالک کی قیادت کا شکریہ ادا کیا۔ مریم نواز نے حالیہ بھارتی جارحیت کے دوران پاکستان کی غیر مشروط حمایت کرنے پر ترکیہ اور آذربائیجان کی قیادت کو زبردست خراج تحسین پیش کیا۔ آذربائیجان اور ترکیہ وفد کے شرکاء نے وزیراعلیٰ کی شاندار میزبانی اور پرتپاک خیر مقدم پر شکریہ ادا کیا۔ ملاقات میں تعلیم، صحت، آئی ٹی سمیت مختلف شعبوں میں تعاون سے متعلق امور پر تبادلہ خیال کیا گیا۔ وزیراعلیٰ مریم نوازشریف نے کہا کہ ترکیہ اور آذربائیجان بردار ملک سے بڑھ کر ہیں، سہ ملکی اشتراک کار خوش آئند ہے۔ ترکیہ اور آذربائیجان ہر موقع پر پاکستان کے ساتھ کھڑے رہے۔ لاہور پنجاب کی روح ہے، یہاں کے لوگ محبت کرنے والے ہیں۔ آپریشن ’’بنیان مرصوص‘‘ میں پاکستان کی فتح دراصل دوست ممالک اور امت مسلمہ کی فتح ہے۔ ترکیہ اور آذربائیجان کے پارلیمانی وفود کا دورہ باہمی روابط مزید مستحکم بنائے گا۔ ترکیہ اور آذربائیجان سے محبت مجھے والد محمد نواز شریف سے ورثے میں ملی۔ گڈ گورننس کے لئے طیب اردگان کا کے پی آئی ماڈل پنجاب میں متعارف کرایا۔ پنجاب میں ایک ہزار سے زائد ٹورسٹ سائٹ اور کوریڈور متعارف کر ائے جارہے ہیں۔ پہلی مرتبہ مذہبی، ماحولیاتی، میڈیکل اور وائلڈ لائف ٹورازم کو متعارف کرا رہے ہیں۔ ترکیہ، آذربائیجان اور پاکستان کے درمیان سیاسی، پارلیمانی اور عوامی روابط سے تاریخی تعلقات مزید مضبوط ہو رہے ہیں۔ پاکستان، ترکیہ اور آذربائیجان نہ صرف اقدار بلکہ شاندار تاریخی ورثہ کے امین ہیں۔ پاکستان، ترکیہ اور آذربائیجان کا اشتراک کار خطے میں امن، استحکام اور ترقی کی نوید ہے۔ پاکستان، ترکیہ اور آذربائیجان کے درمیان پارلیمانی مکالمہ، دوستی اور عوامی تعلقات کا مظہر ہے۔ پاکستان مسئلہ کشمیر پر ترکیہ اور آذربائیجان کے اصولی مؤقف کی دل سے قدر کرتا ہے۔ ترکیہ اور آذربائیجان کے وفود کے شرکاء نے پنجاب میں ڈویلپمنٹ، بالخصوص تعلیم، صحت کے شعبوں میں اختراعی تبدیلیوں کو سراہا۔ ترکیہ کے سپیکر پروفیسر ڈاکٹر نعمان کرتلمش نے کہا کہ پاکستان کے ساتھ کھڑے ہیں۔ آذربائیجان کی ملی مجلس کی سپیکر صاحبہ غفاروا نے کہا کہ پنجاب بالخصوص لاہور خوبصورت شہر ہے، دورہ کرنا اچھا لگا۔
.ذریعہ: Nawaiwaqt
کلیدی لفظ: ترکیہ اور ا ذربائیجان کے ا ذربائیجان کی مریم نواز نے کہا کہ کیا گیا ترکیہ ا کے لئے
پڑھیں:
پنجاب: مریم نواز کا سبزیوں کی قیمتوں میں اضافے پر اظہارِ تشویش، نرخ کم کرنے کی ہدایت
وزیراعلیٰ پنجاب مریم نواز شریف کی زیر صدارت صوبے میں سبزیوں اور روزمرہ اشیائے خورونوش کی قیمتوں پر قابو پانے سے متعلق خصوصی اجلاس ہوا۔
اجلاس میں وزیراعلیٰ نے ٹماٹر اور دیگر سبزیوں کے نرخوں میں اضافے پر گہری تشویش کا اظہار کرتے ہوئے قیمتوں میں فوری کمی اور عوام کو ریلیف کی فراہمی یقینی بنانے کی ہدایت کی۔
مریم نواز شریف نے ہدایت کی کہ صوبے بھر کی ہر دکان پر نرخ نامے نمایاں طور پر آویزاں کیے جائیں اور ہر بازار کے داخلی راستے پر ریٹ لسٹ بھی نمایاں طور پر لگائی جائے تاکہ صارفین کو شفاف معلومات حاصل ہوں۔
مزید پڑھیں:’جہاں ناانصافی ہو وہاں انتشار جنم لیتا ہے‘، مریم نواز کا عالمی یومِ انصاف پر پیغام
اجلاس میں پرائس کنٹرول اینڈ کماڈیٹی مینجمنٹ ڈیپارٹمنٹ کی تنظیمِ نو سے متعلق تفصیلی بریفنگ دی گئی۔ ڈیپارٹمنٹ نے وزیراعلیٰ کو اپنا اسٹریٹجک پلان پیش کیا، جس کے تحت ایپ کے ذریعے سنٹرل ڈیش بورڈ پر سبزیوں کی فراہمی، اسٹاک، نرخ اور آمد سے متعلق تمام ڈیٹا دستیاب ہوگا۔
مزید بتایا گیا کہ پرائس مانیٹرنگ اینڈ کنٹرول سنٹر کے ذریعے گندم کی پسائی اور آٹے کی دستیابی کا بھی باقاعدہ جائزہ لیا جائے گا، جبکہ سبزی منڈیوں میں ٹرکوں کی ٹریکنگ کا نظام متعارف کرایا جائے گا۔
اجلاس میں فیصلہ کیا گیا کہ پنجاب بھر میں سبزی فروشوں کے لیے یکساں طرز اور ڈیزائن کی ریڑھیاں فراہم کی جائیں گی، جبکہ 239 کاشتکار بازاروں اور سبزی منڈیوں کی یکساں برانڈنگ پر اتفاق کیا گیا۔ مارکیٹ اسٹاف کی یونیفارم، شیڈز اور دکانوں کو بھی ایک جیسا بنایا جائے گا۔
مزید پڑھیں:مریم نواز کی سعودی وفد سے عربی میں گفتگو: ’جلاوطنی میں سیکھا گیا علم آج پاکستان کا وقار بڑھا رہا ہے‘
وزیراعلیٰ نے ہدایت کی کہ منڈیوں میں صفائی برقرار رکھنے کے لیے مکینیکل سویپرز استعمال کیے جائیں، جبکہ رمضان میں ہر محلے میں سستے اسٹال لگانے کی تجویز کا بھی جائزہ لیا گیا۔
اجلاس میں نگہبان رمضان پیکج اور تحفظِ صارف قانون کے مؤثر نفاذ سے متعلق اقدامات پر بھی بریفنگ دی گئی۔
بریفنگ میں بتایا گیا کہ صوبے بھر میں پرائس کنٹرول ایکٹ کی 3 لاکھ 68 ہزار خلاف ورزیوں پر کارروائی کرتے ہوئے 5 کروڑ 48 لاکھ روپے جرمانے عائد کیے گئے، 321 ایف آئی آرز درج ہوئیں اور 4 ہزار 607 افراد گرفتار کیے گئے۔
مزید پڑھیں:پنجاب کے سرحدی علاقوں میں دراندازی کا خطرہ ہے، مریم نواز
وزیراعلیٰ مریم نواز شریف نے کہا کہ قیمتوں میں کمی کے لیے حکومت کے تمام اقدامات کے ثمرات عوام تک براہِ راست پہنچنے چاہئیں، اور سبزیوں کی ضرورت کا تعین پیشگی منصوبہ بندی کے تحت کیا جانا چاہیے تاکہ قلت یا قیمتوں میں اچانک اضافہ نہ ہو۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سبزیوں کی قیمتوں میں اضافہ مریم نواز وزیراعلٰی پنجاب
علی امین گنڈاپور کے متبادل سہیل آفریدی ہی کیوں؟ شیر افضل مروت نے سوال اٹھا دیا