سابقہ شوہر کی شکرگزار ہوں، شادی کے 10 ماہ بعد شوہر نے طلاق دیدی: زینب قیوم
اشاعت کی تاریخ: 20th, October 2025 GMT
پاکستانی فیشن انڈسٹری کی سابقہ معروف ماڈل اور موجودہ اداکارہ زینب قیوم نے انکشاف کیا ہے کہ انہوں نے ایک اچھی بیوی بننے کی پوری کوشش کی لیکن شادی کے صرف 10 ماہ بعد ہی شوہر نے انہیں طلاق دے دی۔
ماضی میں دیے گئے ایک انٹرویو سے زینب کا مختصر ویڈیو کلپ مختلف سوشل میڈیا پلیٹ فارمز پر وائرل ہے، جس میں انہوں نے اچانک شادی کے فیصلے اور پھر 10 ماہ میں طلاق کے حوالے سے لب کشائی کی۔
انہوں نے بتایا کہ طلاق کے بعد اداکاری کے میدان میں قدم رکھا تھا، شادی ختم ہونے کا افسوس تو ہے لیکن پچھتاوا نہیں ہے۔
زینب قیوم نے اس حوالے سے کھل کر بات کرتے ہوئے کہا، ’میں نے شادی کرنے کا فیصلہ اچانک لیا تھا، اس لیے نہیں کیونکہ مجھے محبت ہوگئی تھی بلکہ مجھے لگا کہ میرے ہاتھوں سے وقت نکل رہا ہے اس لیے مجھے جلد سے جلد شادی کرنی ہے۔‘
انہوں نے کہا کہ 2010 میں جب شادی ہوئی تو چیزیں بہت تیزی سے تبدیل ہونا شروع ہوگئیں، پہلے میں دبئی اور پھر لندن منتقل ہوگئی لیکن صرف 10 ماہ بعد شوہر کو احساس ہوا کہ ہم ایک ساتھ نہیں چل سکتے تو انہوں نے مجھے طلاق دے دی۔
اداکارہ کا کہنا ہے کہ مجھے اس بات کی تسلی ہے کہ طلاق کا فیصلہ سابقہ شوہر کی جانب سے آیا، اگر میں یہ فیصلہ لیتی تو مجھے زندگی بھر پچھتاوا رہتا۔
انہوں نے کہا کہ مجھے کامیاب کیریئر کے باوجود شادی کے رشتے میں ناکامی پر افسوس ضرور ہے لیکن پچھتاوا نہیں ہے کیونکہ میں نے اچھی بیوی بننے کے لیے سب کچھ کیا، صرف اپنا گردہ عطیہ کرنا باقی رہ گیا تھا اس کے علاوہ میرے ہاتھ میں جو کچھ تھا وہ سب میں نے کیا لیکن سابقہ شوہر کو لگا کہ ہم ایک ساتھ نہیں چل سکتے، ہمارے درمیان مطابقت نہیں ہے اس لیے انہوں نے 2011 میں طلاق دینے کا فیصلہ لیا، جس پر میں ان کی شکر گزار ہوں کہ انہوں نے سب خود ہی ختم کر دیا۔
انہوں نے اعتراف کیا کہ طلاق کے بعد میں دلبرداشتہ ہوگئی تھیں اور سوچتی تھیں کہ ایک کامیاب کیریئر کے باوجود میں شادی جیسے رشتے کو نبھانے میں کیسے ناکام ہو گئیں۔ چونکہ یہ فیصلہ سابقہ شوہر نے لیا تھا اس لیے مجھے اس مایوسی سے نکلنے میں زیادہ وقت نہیں لگا۔
.ذریعہ: Daily Mumtaz
کلیدی لفظ: سابقہ شوہر انہوں نے شادی کے کہ مجھے اس لیے
پڑھیں:
عدنان صدیقی نے مجھے ناشتہ بنا کر کھلایا، حریم فاروق
کراچی (نیوزڈیسک) اداکارہ حریم فاروق نے انکشاف کیا ہے کہ سینئر اداکار عدنان صدیقی نے انہیں بیرون ملک شوٹنگ کے دوران ناشتہ بناکر کھلایا۔
حریم فاروق حال ہی میں ’ہنسنا منع ہے‘ میں شریک ہوئیں، جہاں انہوں نے مختلف معاملات پر کھل کر گفتگو کی۔
انہوں نے بتایا کہ انہیں اسپورٹس پسند ہے، ماضی میں وہ شوق سے کرکٹ دیکھا کرتی تھیں لیکن اب وہ کرکٹ نہیں دیکھتیں اور یہ کہ پاکستانی ٹیم کی بیکار پرفارمنس کے بعد ان کا کھیل دیکھنے کا دل نہیں کرتا۔
کون سا کرکٹر پسند ہے کہ جواب پر انہوں نے کسی کا نام نہیں لیا اور مسکراتے ہوئے بتایا کہ اب انہوں نے کرکٹ دیکھنا بند کردی ہے۔
حریم فاروق نے ایک قصہ بتایا کہ کچھ سال قبل انہوں نے اپنا گھر تبدیل کیا اور نئے گھر میں چند دن بعد وہ سوئی ہوئی تھیں کہ آنکھ کھلتے ہیں انہوں نے 10 سال کے بچے کو اپنے بستر پر دیکھا۔
اداکارہ کا کہنا تھا کہ نامعلوم 10 سالہ بچہ انہیں سوتا ہوا دیکھتا رہا اور ان کے جاگنے کا انتظار کرتا رہا۔
ان کے مطابق بچہ ان کے بستر پر ہی بیٹھ کر انہیں دیکھتا رہا اور ان کے جاگنے کا انتظار کرتا رہا اور جب ان کی آنکھ کھلی تو وہ بچے کو دیکھ کر پریشان ہوگئیں کہ وہ کون ہے؟
حریم فاروق نے کہا کہ بچے کو بستر پر دیکھ کر وہ کمرے سے باہر گئیں اور والدہ سے دریافت کیا، جس پر والدہ نے انہیں بتایا کہ وہ ہمارے پڑوسی ہیں اور بچہ ان کا بڑا مداح ہے، اس لیے وہ کمرے میں انہیں دیکھنے آیا۔
ایک اور سوال کے جواب میں حریم فاروق نے عدنان صدیقی کی تعریفیں کیں اور کہا کہ وہ انتہائی اچھی شخصیت اور طبیعت کے مالک ہیں۔
ان کے مطابق عدنان صدیقی سفر کے اچھے ساتھی ہیں جب کہ وہ اچھا کھانا بھی بنا لیتے ہیں۔
اسی بات پر انہوں نے انکشاف کیا کہ کئی سال قبل جب وہ عدنان صدیقی کے ساتھ پہلا ڈراما کر رہی تھیں تو اداکار نے بیرون ملک ان کے لیے ناشتہ تیار کرکے انہیں کھلایا۔
حریم فاروق کا کہنا تھا کہ ترکیہ میں شوٹنگ کے وقت انہوں نے صبح کو ناشتہ نہیں کیا تھا اور شوٹنگ کے وقت انہوں نے بھوک لگنے کی شکایت کی تو عدنان صدیقی نے ان کے لیے ناشتہ تیار کیا۔
ان کے مطابق عدنان صدیقی نے نہ صرف ان کے لیے بلکہ تمام شوٹنگ عملے کے لیے بھی ناشتہ تیار کیا اور سب نے مل کر ناشتہ کیا۔
سندھ حکومت نے انٹرنیشنل سینٹر فار کیمیکل اینڈ بایولاجیکل سائنسز کو جامعہ کراچی سے الگ کرنے کی تصدیق کردی