30 ہزار کروڑ کی جنگ، سنجے کپور کی والدہ اور سابقہ اہلیہ کرشمہ کپور متحرک ہوگئیں
اشاعت کی تاریخ: 2nd, December 2025 GMT
بھارتی صنعتکار سنجے کپور کی 30 ہزار کروڑ کی مالیت کی جائیداد پر خاندانی تنازع مزید گمبھیر ہو گیا ہے۔ سنجے کپور کی والدہ رانی کپور نے ان کی سابقہ اہلیہ کرشمہ کپور کے ساتھ مل کر سنجے کی مبینہ وصیت کی سچائی پر سوال اٹھا دیے ہیں۔
دہلی ہائی کورٹ کی جسٹس جیوتی سنگھ کے روبرو دائر درخواست میں رانی کپور کی جانب سے مؤقف اختیار کیا گیا کہ برطانیہ میں 12 جون کو پولو کھیلتے ہوئے حادثاتی طور پر مکھی نگلنے کے باعث سنجے کی موت کے فوراً بعد ان کی اہلیہ پریا کپور نے غم منانے کے بجائے اثاثوں پر قبضے کی کوششیں شروع کر دیں اور مبینہ طور پر بڑے پیمانے پر حقائق چھپائے۔
یہ بھی پڑھیں: سنجے کپور کی جائیداد کا حقیقی وارث کون؟ خاندانی لڑائی نے نیا رُخ اختیار کر لیا
رانی کپور کے وکیل نے عدالت کو بتایا کہ انہیں اپنے بیٹے کی وصیت کے بارے میں کبھی آگاہ نہیں کیا گیا، جبکہ یہ امر بھی غیر معمولی ہے کہ وصیت میں سنجے نے اپنی والدہ کا کوئی ذکر تک نہیں کیا حالانکہ وہ اکثر عوامی طور پر کہتے تھے کہ انہیں سب کچھ اپنی والدہ سے ملا ہے۔
وکیل کے مطابق سنجے کم از کم وصیت میں یہ تو لکھتے کہ وہ اپنی ماں کو کچھ نہیں دینا چاہتے۔ وصیت میں ماں کا ذرا سا اشارہ بھی نہیں ہے۔ ان کے پاس ان کمپنیوں میں کوئی ملکیت نہیں جو ان کے شوہر نے بنائی تھیں اور جو مکمل طور پر انہی کے لیے چھوڑی گئی تھیں۔
درخواست کے مطابق سنجے اور پریا کی شادی مئی 2023 سے ہی شدید اختلافات کا شکار تھی اور ان کے درمیان مسلسل جھگڑے ہوتے رہتے تھے۔ رانی کے وکیل نے کہا کہ یہ بہت غیر متوقع ہے کہ سنجے اپنی ذاتی جائیداد کی واحد وارث پریا کو بنائیں اور یہ بھی کہا کہ مرحوم کا اپنے تمام بچوں، اپنی ماں اور کپور خاندان کے دیگر افراد کے ساتھ گہرا تعلق اور یکساں محبت تھی۔
یہ بھی پڑھیں: سنجے کپور کی 30 ہزار کروڑ کی دولت پر جنگ، کرشمہ کپور کے بچوں نے وصیت ہائیکورٹ میں چیلنج کردی‘
پریا پر مزید یہ الزام بھی ہے کہ انہوں نے عدالت میں جمع کرائی گئی فہرست میں مرحوم کی کئی جائیدادیں جیسے پینٹنگز، بینک بیلنس، میوچوئل فنڈز، لائف انشورنس، کرایے کی آمدنی اور گھڑیاں چھپا لی ہیں۔
جسٹس سنگھ اب اس کیس کی اگلی سماعت 3 دسمبر کو کریں گی۔ سنجے کپور کے کرشمہ سے ہونے والے بچوں نے پہلے ہی ایک عبوری حکمِ امتناع کی درخواست کی ہے تاکہ پریا انہیں اپنے والد کے اثاثوں سے دور نہ کرسکے، اور انہوں نے وصیت کی صداقت پر بھی سوال اٹھایا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ سنجے کپور سنجے کپور جائیداد کرشمہ کپور.
ذریعہ
ذریعہ: WE News
کلیدی لفظ: بالی ووڈ سنجے کپور سنجے کپور جائیداد کرشمہ کپور سنجے کپور کی کرشمہ کپور کپور کے
پڑھیں:
خیبرپختونخوا میں لوکل گورنمنٹ کا نیا قانون لاگو، گزٹ نوٹیفکیشن جاری
خیبر پختونخوا میں لوکل گورنمنٹ ترمیمی ایکٹ 2026 کا گزٹ نوٹیفکیشن جاری کردیا گیا، جس کے بعد صوے میں لوکل گورنمنٹ کا نیا قانون لاگو ہوگیا۔
نوٹیفکیشن میں بتایا کہ صوبے میں لوکل گورنمنٹ کا نیا قانون لاگو ہوگیا، نئے قانون کے تحت ہرویلج اور نیبرہڈ کونسل کی آبادی 30 ہزار سے 40 ہزار ہوگی۔
اعلامیے میں کہا گیا کہ ویلج کونسل عملی طور پر یونین کونسل کی حیثیت اختیار کر جائے گی اور نئی حدبندی ڈیجیٹل مردم شماری 2023 کی بنیاد پر ہوگی۔
اعلامیے میں مزید کہا گیا کہ آبادی میں 10 فیصد تک کمی بیشی کی اجازت ہوگی۔
ترمیمی ایکٹ کے مطابق خصوصی حالات میں الیکشن کمیشن صوبائی حکومت سے مشاورت کے بعد اس شرط سے استثنیٰ دے سکے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار