مشکل تجربات نے مجھے مضبوط بنایا، مادھوری
اشاعت کی تاریخ: 2nd, December 2025 GMT
ممبئی (شوبز ڈیسک) بالی وُڈ کی لیجنڈری اداکارہ اور کلاسیکل ڈانسر مادھوری دکشت نے اپنے ابتدائی کیریئر کے ایک حیران کن اور مشکل تجربے کا انکشاف کیا ہے۔ ایک خصوصی انٹرویو میں انہوں نے بتایا کہ کبھی ایسا بھی وقت تھا جب انہیں IIT ممبئی کے موڈ انڈیگو فیسٹیول میں اسٹیج پر بُو کیا گیا تھا اور تماشائیوں نے ان پر چیزیں پھینکی تھیں۔
مادھوری دکشت، جو فلم دیوداس سمیت متعدد فلموں میں روایتی رقص کے لیے مشہور ہیں، نے بتایا کہ وہ صرف تین سال کی عمر سے کتھک کی تربیت حاصل کر رہی تھیں اور متعدد اسٹیج پرفارمنس کر چکی تھیں۔
اداکارہ نے یاد کرتے ہوئے کہا:
“میں اور میری بہن نے IIT ممبئی کے موڈ انڈیگو میں پرفارم کیا۔ شو شروع ہونے کے تقریباً 15 منٹ بعد لوگ بُو کرنے لگے اور چھوٹے راکٹ اسٹیج پر پھینکنے لگے۔ میں گھبرا گئی تھی، مگر میری بہن نے کہا کہ ہمیں ڈٹے رہنا ہے اور پرفارم کرنا ہے۔ ہم نے اپنا پروگرام مکمل کیا۔”
انہوں نے کہا کہ وقت کے ساتھ ساتھ یہ مشکل تجربات ان کی مضبوطی کا باعث بنے اور انہوں نے ناظرین کا دل جیتنے کا ہنر سیکھ لیا۔
مدھوری ڈکشٹ اس وقت اپنی آنے والی تھرلر ڈرامہ ویب سیریز مسز دیش پانڈے کی تیاریوں میں مصروف ہیں، جو 19 دسمبر 2025 کو ریلیز ہوگی۔
.
ذریعہ
ذریعہ: Daily Mumtaz
پڑھیں:
پنجاب کے وزیر تعلیم رانا سکندر حیات کا اسکولوں میں خود پڑھانے کا اعلان
لاہور : پنجاب کے وزیر تعلیم رانا سکندر حیات نے ٹیچر بننے کا اعلان کردیا۔رانا سکندر حیات نے ستمبر کے پہلے ہفتے سے انگلش اور کیمسٹری سمیت دیگر مضامین کی تدریس کا اعلان کیا۔انہوں نے کہا کہ لاہور میں ستمبر کے پہلے ہفتے سے کلاس کو پڑھاناشروع کروں گا، انگلش اور کیمسٹری میرے پسندیدہ مضمون ہیں لہٰذا ان ہی مضامین سے شروع کروں گا۔وزیر تعلیم نے کہنا ہےکہ پرائمری اسکولوں میں انگلش اور ہائی اسکولوں میں کیمسٹری سے آغاز کروں گا جب کہ انگلش اور کیمسٹری کے علاؤہ دیگرمضامین کی بھی تدریس کروں گا۔انہوں نے مزید کہا کہ ہر ہفتے کسی ایک اسکول میں بغیر پیشگی اطلاع پڑھانے جاؤں گا، اساتذہ کی عزت کرتا ہوں، استاد بن کر فخر محسوس کروں گا۔ان کا کہنا تھا کہ اس اقدام سے تعلیمی معیار کو جانچ کر تدریسی کمزوریاں دور کرنے میں مدد ملے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار