گلگت بلتستان حکومت کے وزراء، مشیروں اور معاونین خصوصی سے سرکاری گاڑیاں واپس لینے کا عمل شروع
اشاعت کی تاریخ: 24th, October 2025 GMT
وزراء اور مشیروں سے سرکاری اثاثوں کی حوالگی اور وصولی کے عمل کو شفاف بنانے کیلئے تین رکنی کمیٹی بنا دی گئی ہے جو اس سارے عمل کی نگرانی کریگی۔ گلگت بلتستان حکومت کی مدت 24 نومبر کو ختم ہو رہی ہے۔ اسلام ٹائمز۔ گلگت بلتستان حکومت کی پانچ سالہ مدت پوری ہونے کے قریب ہوتے ہی صوبائی وزراء، مشیروں اور معاونین خصوصی سے سرکاری گاڑیاں واپس لینے کا سلسلہ شروع ہو گیا۔ ان وزراء اور مشیروں سے سرکاری اثاثوں کی حوالگی اور وصولی کے عمل کو شفاف بنانے کیلئے تین رکنی کمیٹی بنا دی گئی ہے جو اس سارے عمل کی نگرانی کریگی۔ گلگت بلتستان حکومت کی مدت 24 نومبر کو ختم ہو رہی ہے۔ اس سے پہلے ہی صوبائی حکومت کے تمام مالی و انتظامی اختیارات الیکشن کمیشن کی جانب سے منجمد کیے جا چکے ہیں۔
.
ذریعہ
ذریعہ: Islam Times
کلیدی لفظ: گلگت بلتستان حکومت سے سرکاری
پڑھیں:
گلگت بلتستان سی پیک کا مرکز ہے: نواز شریف
مسلم لیگ ن کے صدر نواز شریف —فائل فوٹومسلم لیگ ن کے صدر نواز شریف کا کہنا ہے کہ گلگت بلتستان سی پیک کا مرکز ہے، کسی پارٹی نے یہاں کسی منصوبے کی اینٹ بھی نہیں لگائی، جس جی بی کو میں سینے سے لگا کر رکھتا تھا۔
گلگت میں کارکنوں سے خطاب کرتے ہوئے انہوں نے کہا ہے کہ ایئر پورٹ کے باہر اس کی سڑکوں کا حلیہ دیکھا تو افسوس ہوا، جو منصوبے ہم نے شروع کیے تھے وہ مکمل کیوں نہیں ہوئے؟ آخر وہ پیسہ کہاں لگایا گیا؟
نواز شریف کا کہنا ہے کہ جو سڑک میں نے شروع کی اسے خنجراب تک پہنچنا چاہیے تھا، ووٹ ملتا ہے یا نہیں، اللّٰہ جانتا ہے، ہم آپ کو ان چیزوں سے محروم نہیں کر سکتے۔
اجلاس میں وزیر اعظم شہباز شریف، وزیراعلیٰ پنجاب مریم نواز اور حمزہ شہباز سمیت پارٹی کے پارلیمانی رہنماؤں نے شرکت کی۔
انہوں نے کہا کہ آپ ووٹ دیں گے یا نہیں دیں گے، میں تب بھی آپ کے لیے بات کروں گا، شہباز شریف اور مریم نواز دونوں کو کہوں گا کہ یہاں آئیں، ایئر پورٹ کو بڑا کر کے یہاں بوئنگ طیارے آنے چاہیے تھے۔
ان کا کہنا ہے کہ شہباز شریف سے کہوں گا کہ ایئر پورٹ کو بڑا کریں گے، میں ہر دوسرے تیسرے مہینے یہاں آتا جاتا رہوں گا اور منصوبوں کی نگرانی کروں گا۔
اس سے قبل نواز شریف بذریعہ طیارہ گلگت پہنچے تھے، وفاقی وزیر امیر مقام، سابق وزیرِ اعلیٰ حافظ حفیظ الرحمٰن نے ایئر پورٹ پر ان کا استقبال کیا۔
وفاقی وزراء خواجہ آصف، احسن اقبال، رانا ثناء اللّٰہ، سینیٹر پرویز رشید، پنجاب کی وزیر مریم اورنگزیب، سینیٹر انوشہ رحمٰن، کاظم پیرزادہ نواز شریف کے ہمراہ گلگت پہنچے ہیں۔
ترجمان مسلم لیگ ن شمس میر کے مطابق نواز شریف گلگت بلتستان میں ن لیگ کے امیدواروں، صوبائی، ڈویژنل اور ضلعی عہدیداران سے ملاقاتیں اور خطاب کریں گے۔
واضح رہے کہ گلگت بلتستان اسمبلی کی 24 نشستوں پر الیکشن 7 جون کو ہو گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ