وزیراعظم شہباز شریف کی گوادر اور گلگت بلتستان کے لیے بجلی کے منصوبوں کی منظوری
اشاعت کی تاریخ: 8th, December 2025 GMT
وزیراعظم شہباز شریف نے گوادر اور گلگت بلتستان کے لیے بجلی کے اہم منصوبوں کی منظوری دے دی ہے۔
پاور سیکٹر میں اصلاحات سے متعلق اجلاس کی صدارت کرتے ہوئے وزیراعظم نے گوادر پورٹ سٹی میں بجلی کی فراہمی سے متعلق جامع منصوبے پر فوری عملدرآمد کی منظوری دی۔
انہوں نے کہا کہ گوادر میں بلا تعطل بجلی کی فراہمی مقامی معاشی سرگرمیوں اور سرمایہ کاری میں اضافے کا باعث بنے گی۔
شہباز شریف نے اعتماد ظاہر کیا کہ بجلی اور دیگر بنیادی سہولیات کی مستقل فراہمی سے گوادر کی بندرگاہ دنیا کی بہترین بندرگاہ بنے گی اور مستقبل کی معاشی سرگرمیوں کا اہم مرکز ثابت ہوگی۔
وزیراعظم نے یہ بھی زور دیا کہ گلگت بلتستان میں 100 میگاواٹ کے سولر منصوبے سے ماحول دوست، مستحکم اور بلا تعطل بجلی کی فراہمی یقینی بنائی جائے۔
انہوں نے اس منصوبے پر فوری کام شروع کرنے کی بھی ہدایت کی۔
ان کا کہنا تھا کہ گلگت بلتستان کے عوام کی فلاح و بہبود اور معاشی ترقی وفاقی حکومت کی اولین ترجیحات میں شامل ہے۔
وفاقی حکومت صنعتی سرگرمیوں کے فروغ، سرمایہ کاری اور معاشی ترقی کے لیے تمام ضروری اقدامات کر رہی ہے۔
وزیراعظم نے وفاقی وزیر احسن اقبال کی سربراہی میں قائم کمیٹی اور وزارت توانائی کی سفارشات کی بھی تعریف کی، جنہوں نے بجلی کے مسائل کے مستقل حل کے لیے جامع تجاویز پیش کیں۔
انہوں نے وزارت توانائی کو ہدایت کی کہ فوری، قلیل مدتی اور طویل مدتی منصوبوں پر مشتمل جامع حکمتِ عملی پر مؤثر عملدرآمد یقینی بنایا جائے۔
اجلاس میں بتایا گیا کہ گوادر میں گھریلو اور کاروباری صارفین کے لیے بجلی کی فراہمی یقینی بنانے کے لیے مؤثر اقدامات کیے جا رہے ہیں۔
مزید کہا گیا کہ گلگت بلتستان میں بجلی کے منصوبوں کے لیے زمین، کمیونیکیشن، انفرااسٹرکچر اور دیگر سہولیات مقررہ مدت میں فراہم کی جائیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بجلی بلتستان پورٹ سٹی گلگت گوادر.
ذریعہ
ذریعہ: WE News
کلیدی لفظ: بجلی بلتستان پورٹ سٹی گلگت گوادر بجلی کی فراہمی گلگت بلتستان بجلی کے کے لیے
پڑھیں:
خیبر پختونخوا، گلگت بلتستان، پنجاب اور کشمیر میں تیز بارشوں کی پیشگوئی، لینڈ سلائیڈنگ کا خدشہ
محکمہ موسمیات کے مطابق موسلادھار بارشوں کے باعث اسلام آباد/راولپنڈی، پشاور، نوشہرہ، گجرات، گوجرانوالہ، لاہور، سیالکوٹ، ساہیوال، خانیوال، ملتان اور فیصل آباد میں نشیبی علاقے زیر آب آنے کا خدشہ ہے۔ اسلام ٹائمز۔ آئندہ چوبیس گھنٹوں کے دوران موسلادھار بارشوں کے سبب خیبر پختونخوا، گلگت بلتستان، مری، گلیات اور کشمیر کے پہاڑی علاقوں میں لینڈ سلائیڈنگ کا خدشہ ہے۔ محکمہ موسمیات نے اس حوالے سے انتباہ جاری کردیا جس میں کہا ہے کہ آئندہ چوبیس گھنٹوں کے دوران کشمیر، مری، گلیات، شمال مشرقی پنجاب، اسلام آباد، خیبر پختونخوا، گلگت بلتستان، ڈیرہ غازی خان کے پہاڑی ندی نالوں اور شمال مشرقی بلوچستان کے مقامی/ بر ساتی ندی نالوں میں طغیانی کا خدشہ ہے۔ محکمہ موسمیات کے مطابق موسلادھار بارشوں کے باعث اسلام آباد/راولپنڈی، پشاور، نوشہرہ، گجرات، گوجرانوالہ، لاہور، سیالکوٹ، ساہیوال، خانیوال، ملتان اور فیصل آباد میں نشیبی علاقے زیر آب آنے کا خدشہ ہے۔ موسلادھار بارش، تیز آندھی اور آسمانی بجلی گرنے کے باعث کمزور تعمیرات (سولر پینلز، بجلی کے کھمبے، بل بورڈز وغیرہ) کو نقصان پہنچنے کا خدشہ ہے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی