عالمی یوم فشریز پر گوادر میں سیمینار
اشاعت کی تاریخ: 8th, December 2025 GMT
data-id="863a0a8" data-element_type="widget" data-widget_type="theme-post-content.default">
عالمی یوم فشریز (World Fisheries Day) کے موقع پر ماہی گیر اتحاد ورکرز یونین گوادرکے زیراہتمام ڈسٹرکٹ کونسل ہال گوادرمیں ایک اہم سیمینار کا انعقاد کیا گیا جس میں بلوچستان کے ماہی گیروں کو درپیش مسائل اور ان کے حل پر تفصیلی بات چیت کی گئی۔
سیمینار سے خطاب کرتے ہوئے پاکستان یونائیٹڈ ورکرز فیڈریشن بلوچستان کے جنرل سیکرٹری پیر محمد کاکڑ یو این ڈی پی کے نمائندہ ثناء دورانی، میرین فشریز کے ڈائریکٹر احمد ندیم، نیشنل پارٹی کے رہنما میر اشرف حسین، جی ڈی اے کے ڈائریکٹر ماحولیات عبدالرحیم، آر سی ڈی سی کے ناصر رحیم سہرابی، جیوز کے سربراہ کے بی فراق، سماجی رہنما کہدہ پرویز، ماں جی ٹرسٹ کے شاہ جی، ماہی گیر رہنما اکبر علی رئیس، ساجد امیتان، قادر جان، اکبر گورگیج، سنگار فشرمین کواپریٹو سوسائٹی کی نمائندہ انیسہ ایوب، اور اسٹیج سیکرٹری یونس انورنے بھی خطاب کیا۔ انہوںنے کہا کہ بلوچستان کے ماہی گیر سخت محنت کے باوجود جدید سہولیات، قانونی تحفظ اور بنیادی انسانی حقوق سے محروم ہیں۔
انہوں نے غیر قانونی ٹرالنگ، جدید لائٹ فشنگ، فشنگ ٹیکنالوجی کا بے جا استعمال، مقامی ماہی گیروں کی کشتیوں کے مقابلے میں غیر مقامی کشتیوں کی بھرمار، سرکاری اداروں میں اندراج کا نہ ہونا، پیشہ ورانہ تربیت، ہیلتھ اینڈ سیفٹی اور مزدور حقوق سے لاعلمی کو اہم مسائل قرار دیا۔ مقررین نے مشترکہ طور پر حکومت سے مطالبہ کیا کہ ماہی گیروں کی رجسٹریشن، پیشہ ورانہ تربیت، صحت وسلامتی ،سوشل سیکورٹی، EOBI اور دیگر لیبر حقوق کی فراہمی کو یقینی بنایا جائے۔
سیمینار میں سول سوسائٹی ،سماجی ورکرز، مختلف یونینز اور مکتبہ فکر کے نمائندوں، خواتین گوادر گرامر اسکول اور دی اویسس اسکول کے طلبہ و طالبات اور گوادر کے نوجوان آرٹسٹوں کے علاوہ بڑی تعداد میں ماہی گیروں نے سمینار میں شرکت کی ۔
ویب ڈیسک
گلزار
ذریعہ
ذریعہ: Jasarat News
کلیدی لفظ: ماہی گیروں
پڑھیں:
فورسز کی بلوچستان کے مختلف علاقوں میں کارروائیاں، 17 دہشتگرد ہلاک، آئی ایس پی آر
پاک فوج کے شعبہ تعلقات عامہ (آئی ایس پی آر) سے جاری بیان کے مطابق سیکیورٹی فورسز(security forces) نے 24 مئی 2026 کو پیش آنے والے ریل حادثے کے بعد خفیہ اطلاعات کی بنیاد پر بلوچستان کے اضلاع مستونگ، نوشکی، زہری، خضدار اور کیچ میں کارروائیاں کیں۔
بیان میں کہا گیا کہ ان کارروائیوں کے دوران سیکیورٹی اہلکاروں نے دہشت گردوں کے ٹھکانوں کو نشانہ بنایا اور شدید فائرنگ کے تبادلوں کے دوران بھارتی اسپانسرڈ فتنۃ الہندوستان کے 17 دہشت گردوں کو ہلاک کردیا اور ان علاقوں میں سرگرم دہشت گردی کے نیٹ ورکس کو بڑا دھچکا پہنچایا ہے۔
آئی ایس پی آر نے بتایا کہ بھارتی اسپانسرڈ ہلاک دہشت گردوں کے زیرقبضہ ہتھیار، باردو اور بڑے پیمانے دھماکا خیز مواد اور مواد تیار کرنے کی ڈیوائسز برآمد کرلی گئیں۔
بیان میں بتایا گیا کہ ہلاک دہشت گرد بلوچستان کے ان علاقوں میں دہشت گردی کے کئی اہم واقعات میں ملوث رہے تھے۔
مزید پڑھیں:پاکستان میں پٹرولیم مصنوعات کی کھپت میں 23 فیصد کمی
آئی ایس پی آر نے مزید بتایا کہ علاقے سے دہشت گردوں کے صفایا کرنے کے لیے سینیٹائزیشن آپریشن جاری ہے، سیکیورٹی فورسز اور پاکستان کے قانون نافذ کرنے والے اداروں کی عزم استحکام وژن کے تحت دہشت گردی کے خاتمہ کی مہم پوری رفتار سے جاری رہے گی تاکہ ملک سے بیرونی اسپانسرڈ اور تعاون سے جاری دہشت گردی کے ناسور کا مکمل خاتمہ ہو۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ