روس کا ماسکو پر داغے گئے 34 ڈرون مار گرانے کا دعویٰ
اشاعت کی تاریخ: 28th, October 2025 GMT
data-id="863a0a8" data-element_type="widget" data-widget_type="theme-post-content.default">
251028-06-17
ماسکو (انٹرنیشنل ڈیسک) ماسکو کے میئر کی جانب سے دعویٰ کیا گیا ہے کہ یوکرین کی جانب سے دارالحکومت پر داغے گئے 34 ڈرون کو تباہ کردیا گیا ۔ خبر رساں ادارے کی رپورٹ کے مطابق اس حوالے سے روسی دالحکومت ماسکو کے میئر کا کہنا تھا کہ روسی فوج کے طیارہ شکن یونٹوں نے ماسکو کی جانب آنے والے یوکرینی ڈرونز کو مار گرایا ہے۔ میئر کا کہنا ہے کہ روسی ماہرین کی ٹیمیں ان ڈرونز کے ٹکڑوں کا جائزہ لے رہی ہیں۔دوسری جانب امریکی صدر ڈونلڈ ٹرمپ نے اپنے روسی ہم منصب ولادی میر پیوٹن کے اعلان کو نامناسب قرار دیا ہے جس میں انہوں نے ایٹمی توانائی سے چلنے والے ایک کروز میزائل کے تجربے کا انکشاف کیا تھا۔ ٹرمپ نے وعدہ کیا تھا کہ اگر وہ جنوری میں وائٹ ہاؤس واپس آئے تو یوکرین کی جنگ کا جلد از جلد خاتمہ کر دیں گے، تاہم روس اور یوکرین کے درمیان مذاکرات ثالثی کی کوششوں کے باوجود تعطل کا شکار ہیں۔صدر ٹرمپ نے پیر کے روز صدارتی طیارے ائر فورس ون میں صحافیوں سے گفتگو کرتے ہوئے کہا کہ پیوٹن کو جنگ ختم کرنی چاہیے۔ یہ جنگ جو صرف ایک ہفتے میں ختم ہو جانی چاہیے تھی، اب اپنے چوتھے سال کے قریب پہنچ چکی ہے۔انہیں میزائل آزمانے کے بجائے یہی کام کرنا چاہیے۔ یاد رہے کہ پیوٹن نے اتوار کے روز اعلان کیا کہ روس نے بورِیویست نک نامی کروز میزائل کا حتمی اور کامیاب تجربہ کیا ہے، جس کے بارے میں انہوں نے کہا کہ اس کی پہنچ لامحدودہے۔ روسی صدر نے مزید وضاحت کی کہ میزائل کے تجربات مکمل ہو چکے ہیں، البتہ اسے جنگی تیاری کی حالت میں لانے کے لیے ابھی مزید کام درکار ہے، لیکن اہم مراحل کامیابی سے مکمل ہو گئے ہیں۔ روسی فوج کے سربراہ والیری گیراسیموف نے اپنے بیان میں دعویٰ کیاتھا کہ میزائل نے 21 اکتوبر کے تجربے کے دوران 15 گھنٹے تک پرواز کی اور 14 ہزار کلومیٹر کا فاصلہ طے کیا۔
ذریعہ: Jasarat News
پڑھیں:
سی این این کو فروخت کردینا چاہیے، ٹرمپ کی ایک بار پھر چینل کی کارکردگی پر تنقید
data-id="863a0a8" data-element_type="widget" data-widget_type="theme-post-content.default">
امریکی صدر ڈونلڈ ٹرمپ نے اپنی پالیسیوں پر تنقید کرنے والے امریکی نشریاتی ادارے سی این این کے بارے میں کہا ہے کہ اسے فروخت کر دینا چاہیے۔
وائٹ ہاؤس میں میڈیا سے گفتگو کرتے ہوئے صدر ٹرمپ نے ایک بار پھر سی این این کی کارکردگی پر سوال اٹھایا اور دعویٰ کیا کہ چینل کی ریٹنگز اس قدر کم ہیں کہ انہیں شمار کرنا بھی مشکل ہے۔
انہوں نے کہا کہ ڈیل کے تحت سی این این کی فروخت مناسب قدم ہوگا۔ ان کا کہنا تھا کہ وہ میڈیا میں غلط بیانی اور جانبداری کے خلاف مسلسل آواز اٹھاتے رہیں گے۔
یاد رہے کہ صدر ٹرمپ متعدد مرتبہ اپنی تقاریر اور صحافیوں سے گفتگو میں ایسے ٹی وی چینلز اور اخبارات کو “جعلی میڈیا” قرار دیتے رہے ہیں جو ان کی پالیسیوں پر تنقید کرتے ہیں۔
سی این این اور اس کی پیرنٹ کمپنی نے ابھی تک صدر ٹرمپ کے اس بیان پر کوئی ردِعمل نہیں دیا۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر